Ծերունին և ծովը (ֆիլմ)
Ծերունին և ծովը անգլ.՝ The Old Man and the Sea | |
---|---|
Երկիր | ԱՄՆ |
Ժանր | դրամա[1][2] և վեպի էկրանավորում |
Հիմք | Ծերունին և ծովը |
Թվական | 1958, հոկտեմբերի 7, 1958[3], հոկտեմբերի 11, 1958[3] և հոկտեմբերի 17, 1958[3] |
Լեզու | անգլերեն |
Ռեժիսոր | Ջոն Սթարջես[1][2][4][…] |
Պրոդյուսեր | Լելենդ Հեյուորդ |
Սցենարի հեղինակ | Փիթեր Վիրթել |
Դերակատարներ | Սփենսեր Թրեյսի[2][4][5][…], Դոն Դայմոնդ[4][5][6], Դոն Ալվարադո[5], Կառլոս Ռիվերո[5][6], Էռնեստ Հեմինգուեյ, Մերի Ուելշ Հեմինգուեյ և Հարրի Բելավեր |
Օպերատոր | Ջեյմս Վոնգ Հոու, Ֆլոյդ Քրոսբի և Լամար Բորեն |
Երաժշտություն | Դմիտրի Տյոմկին |
Մոնտաժ | Արթուր Փ. Շմիդտ |
Պատմվածքի վայր | Կուբա և Կարիբյան ավազան |
Նկարահանման վայր | Պերու |
Կինոընկերություն | Warner Bros. և Warner Bros. Pictures |
Տևողություն | 86 րոպե |
Բյուջե | 5 000 000 $ |
The Old Man and the Sea (1958 film) Վիքիպահեստում |
«Ծերունին և ծովը» (անգլ.՝ The Old Man and the Sea), ռեժիսոր Ջոն Սթերջեսի կինոֆիլմը (1958), Էռնեստ Հեմինգուեյի համանուն վեպի էկրանավորումը։ Գլխավոր դերը կատարել է Սփենսեր Թրեյսին։
Սյուժե[խմբագրել | խմբագրել կոդը]
Ծերունին (Սփենսեր Թրեյսին) արդեն 84 օր անընդմեջ ամեն առավոտ դուրս է գալիս ծով, բայց վերադառնում է ձեռնունայն։ Նախկինում նրան օգնում էր մի տղա (Ֆելիպե Պասոս), բայց վերջինիս հայրն ստիպում է գնալ ավելի հաջողակ ձկնորսի մոտ։ Այնուամենայնիվ, ծերունին շարունակում է հավատալ, որ անհաջողությունների շղթան մի օր կավարտվի։ Ի վերջո, 85-րդ օրը նա սովորականից շատ ավելի հեռու է լողում, և շուտով նրա խայծին ընկնում է հսկայական ձուկ։
Դերերում[խմբագրել | խմբագրել կոդը]
- Սփենսեր Թրեյսի – ծերունի / պատմող
- Ֆելիպե Պասոս – տղա
- Հարրի Բելլավեր – Մարտին
- Դոն Դայմոնդ – սրճարանի սեփականատերը
- Դոն Բլեքմեն – սևամորթ
- Մերի Հեմինգուեյ – զբոսաշրջիկ
Ստեղծում[խմբագրել | խմբագրել կոդը]
Ֆիլմի ռեժիսորական աշխատանքներին մասնակցել են Հենրի Քինգը և Ֆրեդ Ցինեմանը, որոնք չեն նշվել լուսագրերում։
Ֆիլմը նկարահանվել է արևմտյան կիսագնդի տարբեր վայրերում՝ Կուբայում, Հավայան կղզիներում և Բահամյան կղզիներում, Կուլումբիայում, Էկվադորում (մասնավորապես Գալապագոսյան կղզիներում), Պանամայում, Պերուում։
Ծերունու կողմից բռնված ձուկը գծավոր մարլին է 3,4 մետր երկարությամբ։ Ֆիլմում առկա են իրական, ոչ բեմադրված տեսարաններ, որոնցից են այդ ձկան՝ ջրից դուրս նետվելու տեսարանները։
Արձագանքներ[խմբագրել | խմբագրել կոդը]
Ֆիլմը ոչ միանշանակ է ընդունվել կինոքննադատների և մամուլի կողմից։ Խորհրդային նշանավոր ռեժիսոր Միխայիլ Ռոմն իր «Կինոն արվեստների համակարգում» գրքում գրել է.
«...Թեև հեղինակն ինքը գովաբանել է «Ծերունին և ծովը» բեմադրությունը, ինձ թվում է, որ ֆիլմը ոչ միայն ավելի վատն է պատմվածքից, այն պարզապես շատ վատ կինեմատոգրաֆիա է։ Չի փրկում նույնիսկ այնպիսի հմայիչ և խելացի դերասան, ինչպիսին է Սփենսեր Թրեյսին[7]։
Մրցանակներ[խմբագրել | խմբագրել կոդը]
- 1959 – «Օսկար» մրցանակ լավագույն երաժշտության համար (Դմիտրի Տյոմկին)
- 1959 – «Օսկար» մրցանակի երկու անվանակարգեր՝ լավագույն դերասան (Սփենսեր Թրեյսին) և լավագույն օպերատորական աշխատանք (Ջեյմս Վոնգ Հոու)
- 1959 – «Ոսկե գլոբուս» մրցանակի առաջադրում լավագույն դրամատիկ դերասանի համար (Սփենսեր Թրեյսի)
- 1958 – ԱՄՆ կինոքննադատների ազգային խորհրդի երկու մրցանակ՝ լավագույն ֆիլմի և լավագույն դերասանի (Սփենսեր Թրեյսին) համար
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.imdb.com/title/tt0052027/
- ↑ 2,0 2,1 2,2 http://www.filmaffinity.com/en/film731528.html
- ↑ 3,0 3,1 3,2 Internet Movie Database — 1990.
- ↑ 4,0 4,1 4,2 http://www.allocine.fr/film/fichefilm_gen_cfilm=2943.html
- ↑ 5,0 5,1 5,2 5,3 http://www.imdb.com/title/tt0052027/fullcredits
- ↑ 6,0 6,1 http://bbfc.co.uk/releases/old-man-sea-1970
- ↑ Михаил Ромм. «Кино в системе искусств» (ռուսերեն). E-Reading. Վերցված է 2014 թ․ հուլիսի 22-ին.
Արտաքին հղումներ[խմբագրել | խմբագրել կոդը]
- «Ծերունին և ծովը»(անգլ.) ֆիլմը Internet Movie Database կայքում
- «Ծերունին և ծովը»(անգլ.) ֆիլմը Allmovie կայքում:
Վիքիպահեստն ունի նյութեր, որոնք վերաբերում են «Ծերունին և ծովը (ֆիլմ)» հոդվածին։ |
|