Ծագող արևի երկրի դրոշ

Վիքիպեդիայից՝ ազատ հանրագիտարանից
Jump to navigation Jump to search
Ճապոնիայի ռազմածովային ուժերի դրոշը 1889-1945 թվականների և 1945-ից 1954 թվականների և 1954 թվականից մինչև մեր օրերը ընկած ժամանակաշրջանում։
Ճապոնիայի ցամայաքային ԶՈՒ-ի ժամանակակից դրոշը։

Ծագող արևի երկրի դրոշ (ճապ.՝ 旭日旗), Ճապոնիայի ռազմական դրոշ[1]։ Այս դրոշը օգտագործվում է հաջողություն ցականալու դեպքում[2], իսկ որպես ռազմական դրոշ առաջին անգամ օգտագործվել է Էդոյի ժամանակաշրջանում (1854 թվականից)։

1870 թվականի հունվարի 27-ին այն ընդունվել է որպես Մեյձիի ժամանակաշրջանի ազգային դրոշ քաղաքականության շրջանակում[3]։ Ներկայումս դրոշը շարունակում են օգտագործել ռազմածովայինները և փոփոխված տարբերակով՝ Ճապոնիայի ցամաքային զինված ուժերը, իսկ նրա պատկերը հայտնվում է ապրանքների և գովազդային պաստառների շարքում։

Երկրորդ համաշխարհային պատերազմի ընթացքում դրոշը օգտագործել են ճապոնական զորքերը Հարավային Կորեայի նվաճման և օկուպացիայի ժամանակ[4][5], իսկ Չինաստանում[6] այն համարվում է ճապոնական ռազմամոլության և իմպերիալիզմի խորհրդանիշը, իսկ նրա օգտագործումը համարվում է վիրավորիչ։

Արտաքին տեսք[խմբագրել | խմբագրել կոդը]

Դրոշը հիշեցնում է ներկայիս Ճապոնիայի դրոշը նրանով, որ ունի կարմիր շրջան, տեղակայված կենտրոնում կամ կենտրոնի մոտ, բայց տարբերվում է արևի ճառագայթների առկայությամբ, որոնք արտացոլում են Ճապոնիայի անվանումներից մեկը՝ «Ծագող արևի երկիր»։

Ճապոնական կայսերական բանակը սկսել է օգտագործել այս դրոշը 1870 թվականից[7]։ Կայսերական բանակը և Կայսերական նավատորմը ունեցել են դրոշի տարբեր տեսակներ՝ ռազմածովայինների մոտ խորհրդանշական շրջանը գտնվում է ձողին ավելի մոտ, իսկ ցամաքային ուժերինը (այդ թվում զորագնդային զորքերում)՝ այն գտնվում է կենտրոնում։ Դրոշի ռազմածովային տարբերակը ընդունվել է 1889 թվականին։ Այն օգտագործվել է այդ ժամանակից մինչև Երկրորդ համաշխարհային պատերազմի ավարտը։ 1945 թվականի օգոստոսին Ճապոնիայի պարտությունից հետո բանակը և նավատորմը լուծարվել են, իսկ դրոշը այլևս չի օգտագործվել։ Միայն 1945 թվականին երկրի ԶՈՒ-ի ստեղծման ժամանակ կրկին ընդունվել է, ծովային ԶՈՒ-երը օգտագործում են տասնվեց շողերով տարբերակը, իսկ ցամաքայինները՝ ութովը։

Ընկալում[խմբագրել | խմբագրել կոդը]

Դրոշի օգտագործումը վիրավորական է համարվում այն երկրներում, որոնք երբև տուժել են ճապոնական ռազմական նվաճողական գործողություններից, այդ թվում Հարավային Կորեան և Չինաստանը[8], որտեղ այն համարվում է ճապոնական ռազմամոլության խորհրդանիշ։ 2008 թվականին կայացած Օլիմպիական խաղերի ժամանակ ճապոնացի երկրպագուներին զգուշացվել է, որ այդ դրոշի օգտագործումը կարող է առաջացնել բախումներ և խնդիրներ չինացիների հետ[9][10]։ Հենց Ճապոնիայում այդ դրոշը օգտագործվում է սպորտային իրադարձություններում և բողոքի ցույցերի ժամանակ մի քանի աջակողմյան խմբերի կողմից[11]։

Նմանատիպ դրոշներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Phil Nelson; various։ «Japanese military flags»։ Flags Of The World։ Flagspot 
  2. 播磨屋.com 日足紋章
  3. Osaka University Knowledge archive Japan’s National Flag and Anthem: Historical Significance and Legal Position [1]
  4. Radhika Seth (August 14, 2012)։ «Courting Controversy: Olympic Uniform resembled rising sun flag!»։ Japan Daily Press։ Վերցված է September 18, 2012 
  5. «Korean lawmakers adopt resolution calling on Japan not to use rising sun flag»։ Korea Herald։ August 29, 2012։ Վերցված է September 18, 2012 
  6. Naoto Okamura (August 8, 2008)։ «Japan fans warned not to fly naval flag»։ Reuters 
  7. «海軍旗の由来»։ kwn.ne.jp։ Վերցված է 6 October 2011 
  8. Janese Silvey (April 19, 2012)։ «Soccer team’s use of Rising Sun flag causes stir»։ Columbia Daily Tribune։ Վերցված է September 18, 2012 
  9. Okamura Naoto (8 August 2008)։ «Japan fans warned about rising sun flag»։ Reuters։ Վերցված է 5 April 2012 
  10. «Japan fans warned about rising sun flag»։ Japan Probe։ 8 August 2008։ Վերցված է 5 April 2012 
  11. «World: Asia-Pacific Reprise for Japan's anthem»։ BBC News։ August 15, 1999