Խտություն

Վիքիպեդիայից՝ ազատ հանրագիտարանից
Տարբեր խտությունների հեղուկներ պարունակող խտություների սյուն:

Խտություն համասեռ նյութի, ֆիզիկական մեծություն (ընդունված է նշանակել հունարեն ρ՝ «րո» տառով). որոշվում է նյութի m զանգվածի և գրաված V ծավալի հարաբերությամբ՝ ρ= m/v։ Անհամասեռ նյութի խտությունը զանգվածի և ծավալի հարաբերության սահմանն է, երբ ծավալը ձգտում է մի կետի, որտեղ որոշվում է խտությունը։ Երկու նյութերի խտությունների հարաբերությունը ֆիզիկական որոշակի պայմաններում կոչվում է հարաբերական խտություն։ Միավորների միջազգային համակարգում խտությունը չափվում է կգ/մ3, CGS համակարգում՝ գ/սմ3 միավորով։ Գործնականում ընդունված են նաև գ/լ, տ/մ3 և արաահամակարգային այլ միավորներ։ Գազերի և հեղուկների խտությունը չափելու համար օգտագործում են խտաչափեր։

Խտության բանաձեւը[խմբագրել]

Մաթեմատիկորեն խտությունը որոշվում է զանգվածը ծավալի վրա բաժանելով՝

 \rho = \frac{m}{V} ,

որտեղ ρ-ն խտությունն է, m-ը՝ զանգվածը, իսկ V-ն՝ ծավալը։

Միավորը[խմբագրել]

Խտության միավորը SI համակարգում կգ/մ3-ն է։

Խտությունների օրինակներ[խմբագրել]

10−23-10−21 կգ/մ3` միջգալակտիկական միջավայրի խտությունը,
5520 կգ/մ3` երկրագնդի միջին խտությունը,
1000 կգ/մ3` ջրի խտությունը,
2600 կգ/մ3` գրանիտի խտությունը,
7874 կգ/մ3` երկաթի խտությունը,
22 587 կգ/մ3` մետաղներից ամենամեծ խտությունն ունեցող օսմիումի խտությունը,
2·1017 կգ/մ3՝ ատոմի միջուկի մոտավոր խտությունը,

Ծանոթագրություններ[խմբագրել]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png