Խուլ եղինջ բծավոր

Վիքիպեդիայից՝ ազատ հանրագիտարանից
Jump to navigation Jump to search
Խուլ եղինջ բծավոր
Խուլ եղինջ բծավոր
Խուլ եղինջ բծավոր
Դասակարգում
Թագավորություն  Բույսեր (Plantae)
Տիպ/Բաժին Անոթավոր բույսեր (Tracheophyta)
Ենթատիպ Սերմնավոր բույսեր (Spermatophytina)
Կարգ Խուլեղինջածաղկավորներ (Lamiales)
Ընտանիք Խուլեղինջազգիներ (Lamiaceae)
Ենթաընտանիք Խուլեղինջայիններ (Lamioideae)
Ցեղ Խուլ եղինջ (Lamium)
Տեսակ Խուլ եղինջ բծավոր (L. maculatum)
Միջազգային անվանում
Lamium maculatum

Խուլ եղինջ բծավոր (լատ.՝ Lamium maculatum), խուլեղինջազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

25-100 սմ բարձրությամբ ուղիղ, թույլ թավոտ ցողունով, մեղրատու բազմամյա խոտաբույս է։ Սրածայր տերևները հակադիր են, ձվաձև և կոթունավոր։ Օղակներում հավաքված ծաղիկները խոշոր են։ Զանգականման թավոտ բաժակը հինգ նշտարաձև սրված ատամիկներով է։ Բաց վարդագույն կամ մուգ կարմիր պսակը երկշուրթ է։ Պտուղները կազմված են 4 եռանիստ պտղիկներից[1]։

Տարածվածություն[խմբագրել | խմբագրել կոդը]

Աճում է ստորին և միջին լեռնային գոտիների անտառներում, թփուտներում և խոտառատ սարալանջերին։ Տարածված է Լոռու, Տավուշի, Գեղարքունիքի, Արագածոտնի, Վայոց ձորի, Սյունիքի մարզերում և Արցախում[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են տերևներն ու ծաղիկները։ Տերևները պարունակում են վիտամին C, կարոտին, դաբաղանյութեր, սապոնիններ, եթերային յուղեր, ֆլավոնոիդներ, իրիդոիդներ և այլն։ Պսակաթերթիկները հավաքում են, չորացնում և պատրաստում թեյ։ Երիտասարդ տերևներն օգտագործում են ապուրներ պատրաստելիս[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689