Խուան Մարինելյո

Վիքիպեդիայից՝ ազատ հանրագիտարանից
Jump to navigation Jump to search
Խուան Մարինելյո
իսպ.՝ Juan Marinello y Vidaurreta
Դիմանկար
Ծնվել էնոյեմբերի 2, 1898(1898-11-02)[1]
ԾննդավայրRanchuelo, Villa Clara Province, Կուբա
Մահացել էմարտի 27, 1977(1977-03-27)[1] (78 տարեկան)
Մահվան վայրՀավանա, Կուբա
ՔաղաքացիությունFlag of Cuba.svg Կուբա
Մասնագիտությունգրող և քաղաքական գործիչ
ԿուսակցությունԿուբայի կոմունիստական կուսակցություն
Պարգևներ և
մրցանակներ
Հոկտեմբերյան հեղափոխության շքանշան

Մարինելյո ի Վիդաուրրետա Խուան (իսպ.՝ Marinello у Vidaurreta, նոյեմբերի 2, 1898(1898-11-02)[1], Ranchuelo, Villa Clara Province, Կուբա - մարտի 27, 1977(1977-03-27)[1], Հավանա, Կուբա), Կուբայի քաղաքական ու հասարակական գործիչ, գրականագետ, հրապարակախոս։

Ավարտել է Հավանայի համալսարանը, 1962-1963 թթ.–ին նրա ռեկտորն էր։ 1937 թ.-ին եղել է հանրապետական Իսպանիայում, բանաստեղծ Գիլիենի հետ հրատարակել «Հանրապետական Իսպանիայի մարդիկ» ռեպորտաժների ժողովածուն։ 1938 թ.-ից կուսակցական ղեկավար աշխատանք է կատարել։ 1965 թ.-ից՝ Կուբայի կոմկուսի Կենտկոմի անդամ։ Մ․ եղել է կոնգրեսի դեպուատա (1942-1944 թթ.), սենատոր (1944-1946 թթ.), սենատի փոխնախագահ (1946-1948 թթ.)։ 1950 թ.-ին լույս է ընծայել «ճանապարհորդություն ԽՍՀՄ և ժողովրդական դեմոկրատիայի երկրներ» ուղեգրությունների գիրքը։ Մարինելյոյի հիմնական ստեղծագործությունը գրաքննադատական հրապարակախոսությունն է։ Նա հանդես է եկել որպես Կուբայի և Լատինական Ամերիկայի արվեստի ազգային ինքնատիպության, սոցիալական ուղղվածության տեսաբան ու պրոպագանդիստ։ Առանձնահատուկ տեղ են գրավում Խ․Մարտիի մասին գրած աշխատությունները։ «ժամանակակիցներ։ Նոթեր և հուշեր․..» (1964 թ.) գրքում պատկերել է Լատինական Ամերիկայի ն Եվրոպայի մշակույթի ականավոր գործիչների։ 1963 թ.-ից Կուբայի ներկայացուցիչն էր ՑՈԻՆԵՍԿՕ-ում։ 1950 թ.-ից՝ խաղաղության համաշխարհային խորհրդի, 1966 թ.-ից՝ նրա նախագահության անդամ։ Պարգևատրվել է Հոկտեմբերյան հեղափոխության շքանշանով (1973 թ.)։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 321 CC-BY-SA-icon-80x15.png