Jump to content

Խուան Բաուտիստա Ագուերո

Վիքիպեդիայից՝ ազատ հանրագիտարանից
Խուան Բաուտիստա Ագուերո
իսպ.՝ Juan Bautista Agüero Sánchez
Քաղաքացիությունը  Պարագվայ
Ծննդյան ամսաթիվ հունիսի 24, 1935(1935-06-24)[1][2]
Ծննդավայր Կաակուպե, Պարագվայ
Մահվան ամսաթիվ դեկտեմբերի 27, 2018(2018-12-27)[3] (83 տարեկան)
Մահվան վայր Կաակուպե, Պարագվայ
Դիրք հարձակվող

Խուան Բաուտիստա Ագուերո (իսպ.՝ Juan Bautista Agüero Sánchez; հունիսի 24, 1935(1935-06-24)[1][2], Կաակուպե, Պարագվայ - դեկտեմբերի 27, 2018(2018-12-27)[3], Կաակուպե, Պարագվայ), պարագվայցի ֆուտբոլիստ, խաղացել է եզրային հարձակվողի դիրքում։ 1958 թվականի Աշխարհի առաջնության մասնակից Պարագվայի հավաքականի կազմում։ Հարավային Ամերիկայի առաջին երիտասարդական առաջնության լավագույն ռմբարկու:

Կենսագրություն

[խմբագրել | խմբագրել կոդը]

Ակումբային կարիերա

[խմբագրել | խմբագրել կոդը]
Խուան Բաուտիստա Ագուերոն՝ «Սևիլիայի» մարզաշապիկով:

Խուան Բաուտիստա Ագուերոն սկսել է ֆուտբոլ խաղալ իր հայրենի Կաակուպե քաղաքում։ 15 տարեկանում միացել է Կաբանյաս շրջանի «Հուլիսի 20» թիմին, իսկ երկու տարի անց սկսել է խաղալ «Դեկտեմբերի 8» թիմում։ 1953 թվականին ընդունվել է Ասունսիոնի «Օլիմպիա» երիտասարդական ակադեմիա։ Մեծահասակների ֆուտբոլում իր նորամուտը նշել է 1955 թվականին։ 1956 թվականին օգնել է իր թիմին հաղթել Պարագվայի առաջնությունում։ Հաջորդ երկու տարիներին «Օլիմպիան» շարունակում էր գերիշխել ազգային առաջնությունում։ Այսպիսով, Եվրոպա տեղափոխվելու պահին Ագուերոն երեք տարի անընդմեջ հաղթել է Պարագվայի առաջնությունում[4]։ 1957 և 1958 թվականներին Մբատին երկու անգամ անընդմեջ դարձել է Պարագվայի առաջնության լավագույն ռմբարկու[5]։

1958 թվականին եզրային հարձակվողը տեղափոխվել է իսպանական «Սևիլյա»։ Նա այս թիմում հանդես է եկել մինչև 1965 թվականը[4]։ 1961/62 մրցաշրջանում հասել է Գեներալիսիմուսի գավաթի եզրափակիչ, որտեղ «Սևիլյան» 1:2 հաշվով պարտվել է Մադրիդի «Ռեալին»[6]։

1965 թվականին պարագվայցի հարձակվողը տեղափոխվել է հենց «Ռեալ»։ Աճուկի վնասվածքը[4] Ագուերոյին խանգարել է լիարժեք դրսևորել իրեն «արքայական» ակումբում, ամբողջ մրցաշրջանում նա մասնակցել է ընդամենը 9 հանդիպման և դարձել 2 գոլի հեղինակ, այդ թվում՝ մեկ հանդիպում անցկացրել է «Ֆեյենորդի» դեմ 1965/66 թվականների եվրոպական չեմպիոնների գավաթի խաղարկությունում[7], որում, ի վերջո, 6-րդ անգամ հաղթել է մադրիդյան թիմը[8]։

Խուան Ագուերոյին չի հաջողվել լիովին վերականգնվել վնասվածքից․ 1966 թվականին նա տեղափոխվել է «Գրանադա», որը մրցաշրջանի արդյունքներով նահանջել է Սեգունդա[4]։ Արդեն հաջորդ մրցաշրջանում Ագուերոն հանդես է եկել ֆարմ ակումբում՝ «Ռեկրեատիվո Գրանադայում», որտեղ էլ ավարտել է իր կարիերայի եվրոպական փուլը։ Այնուամենայնիվ, 1970 թվականին պարագվայցին վերադարձել է պրոֆեսիոնալ ֆուտբոլ՝ վերջին երկու մրցաշրջաններն անցկացնելով Կոլումբիայի առաջնությունում հանդես եկող «Դեպորտիվո Պերեյրայում»[4]։

Ելույթներ ազգային հավաքականում

[խմբագրել | խմբագրել կոդը]

1954 թվականին, դեռևս իր նորամուտը չնշելով «Օլիմպիայի» հիմքում, Խուան Ագուերոն դարձավ Վենեսուելայում կայացած Հարավային Ամերիկայի առաջին երիտասարդական առաջնության լավագույն ռմբարկուն։ Հատկանշական է, որ իր 8 գոլերը նա խփեց այն պայմաններում, երբ Պարագվայի հավաքականը նույնիսկ չկարողացավ հայտնվել լավագույն քառյակում, որոնք պետք է ևս երեք հանդիպում անցկացնեին եզրափակիչ խմբում: Դրա պատճառը Պանամայի հավաքականի դեմ խաղում անհավանական արդյունավետությունն էր.Պարագվայը ջախջախեց Պանամային 9:1 հաշվով, իսկ Ագուերոն աչքի ընկավ 6 գոլով: Եվս երկու գոլ Նա երեք օր առաջ խփեց Պերուի դարպասը (2:2): Այլ տվյալներով՝ նա 5 գոլ է խփել պանամացիներին, իսկ ընդհանուր առմամբ ՝ 7 գոլ մրցաշարում[9][10]։

1955 թվականի սկզբին Պարագվայի հավաքականի կազմում մեկնել է Չիլիում կայանալիք Հարավային Ամերիկայի առաջնությանը։ Մեծահասակների հավաքականում նորամուտը նշել է առաջնության տանտերերի՝ չիլիացիների դեմ չորրորդ՝ նախավերջին խաղում։ Խաղը, ինչպես և ամբողջ առաջնությունը, անհաջող ստացվեց «ալբիրոխայի» համար.Չիլին 5:0 հաշվով ջախջախեց Պարագվային: Պերուի դեմ վերջին խաղում (1:1) Խուան Ագուերոն նույնպես չխաղաց[11]։

Հավաքականի կազմում մասնակցել է 1958 թվականին Շվեդիայում կայացած աշխարհի առաջնությանը, որտեղ Պարագվայը, չնայած լավ խաղին, արդեն խմբային փուլում դուրս է մնացել խաղարկությունից։ Հաուն Ագուերոն այդ հավաքականի ավագն էր և անցկացրեց «ալբիրոխայի» բոլոր երեք հանդիպումները՝ Ֆրանսիայի (3:7), Շոտլանդիայի (3:2) և Հարավսլավիայի (3:3) դեմ: Վերջին երկու թիմերին Մբաթին խփել է մեկական գոլ[12]։ Եվրոպա մեկնելուց հետո Ագուերոն այլևս չէր ներգրավվում ազգային հավաքականում, ինչպես դա հաճախ էր պատահում ֆուտբոլի պատմության այդ շրջանում: Պարագվայի հավաքականի կազմում Խուան Բաուտիստա Ագուերոյի անցկացրած հանդիպումների և խփած գոլերի ընդհանուր թվի վիճակագրությունը հակասական է: 1955-1958 թվականներին նա ազգային թիմի կազմում անցկացրել է 15 հանդիպում և դարձել 8 գոլի հեղինակ[13]։

Մահացել է հայրենի Կաակուպե քաղաքում 2018 թվականի դեկտեմբերի 27-ին[4][8]։

Կոչումներ և նվաճումներ

[խմբագրել | խմբագրել կոդը]

Թիմային

  • Պարագվայի Չեմպիոն (3)։ 1956,1957,1958
  • Գեներալիսիմուսի Գավաթի Եզրափակչի Մասնակից՝ 1961/62
  • Եվրոպական չեմպիոնների գավաթակիր՝ 1965/66

Անձնական

  • Պարագվայի առաջնության լավագույն ռմբարկու (2). 1956 (14 գոլ), 1957 (16 գոլ)
  • Հարավային Ամերիկայի երիտասարդական առաջնության լավագույն ռմբարկու (1)։ 1954 (8 գոլ)

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 FBref.com
  3. ↑ 3,0 3,1 3,2 Fallece Juan Bautista Agüero, primer paraguayo campeón de Europa (իսպ.)
  4. ↑ 4,0 4,1 4,2 4,3 4,4 4,5 «Fallece el ex jugador del Granada Juan Bautista Agüero». ideal.es (իսպաներեն). 2018-12-30. Արխիվացված օրիգինալից 2019-02-17-ին. Վերցված է 2019-02-15-ին.
  5. ↑ «Camacho, el 16° goleador de Olimpia» (իսպաներեն). ABC Color. 2018-06-10. Արխիվացված օրիգինալից 2019-02-16-ին. Վերցված է 2019-02-15-ին.
  6. ↑ Carles Lozano Ferrer (2001-10-20). «Spain — Cup 1962» (անգլերեն). Rec.Sport.Soccer Statistics Foundation. Արխիվացված օրիգինալից 2018-10-08-ին. Վերցված է 2019-02-15-ին. {{cite web}}: no-break space character in |title= at position 6 (օգնություն)
  7. ↑ «Feyenoord Rotterdam — Real Madrid, Sep 8, 1965 — European Champion Clubs' Cup — Match sheet». transfermarkt.com (անգլերեն). Արխիվացված օրիգինալից 2019-02-17-ին. Վերցված է 2019-02-15-ին. {{cite web}}: no-break space character in |title= at position 20 (օգնություն)
  8. ↑ 8,0 8,1 «Juan Bautista Agüero passes away» (անգլերեն). «Реал Мадрид». 2018-12-28. Արխիվացված օրիգինալից 2018-12-29-ին. Վերցված է 2019-02-15-ին.
  9. ↑ «Goleadores más recordados en los Sudamericanos Sub 20» (իսպաներեն). elcincocero.com. 2017-12-19. Արխիվացված օրիգինալից 2017-02-05-ին. Վերցված է 2019-02-15-ին.
  10. ↑ Julio Bovi Diogo, José Luis Pierrend, Juan Pablo Andrés, Martín Tabeira; Gerard Fleurquin, Roberto Di Maggio (2019-02-14). «South American Youth Championships» (անգլերեն). Rec.Sport.Soccer Statistics Foundation. Արխիվացված օրիգինալից 2012-03-09-ին. Վերցված է 2019-02-15-ին.{{cite web}}: CS1 սպաս․ բազմաթիվ անուններ: authors list (link)
  11. ↑ Martín Tabeira (2007-07-12). «Southamerican Championship 1955» (անգլերեն). Rec.Sport.Soccer Statistics Foundation. Արխիվացված օրիգինալից 2019-08-23-ին. Վերցված է 2019-02-15-ին.
  12. ↑ Karel Stokkermans; Martien Maas (2018-08-09). «World Cup 1958» (անգլերեն). Rec.Sport.Soccer Statistics Foundation. Արխիվացված օրիգինալից 2021-02-25-ին. Վերցված է 2019-02-15-ին.
  13. ↑ «Juan Bautista Aguero» (անգլերեն). 11v11.com. 2019. Արխիվացված օրիգինալից 2019-02-17-ին. Վերցված է 2019-02-15-ին.
Վիքիպահեստն ունի նյութեր, որոնք վերաբերում են «Խուան Բաուտիստա Ագուերո» հոդվածին։
 ⛭ 
  Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Խուան_Բաուտիստա_Ագուերո&oldid=10533152» էջից