Խորխե Գոնսալես Կամարենա

Վիքիպեդիայից՝ ազատ հանրագիտարանից
Խորխե Գոնսալես Կամարենա
Ծնվել էմարտի 24, 1908(1908-03-24)[1]
ԾննդավայրԳվադալախարա, Մեքսիկայի Միացյալ Նահանգներ
Վախճանվել էմարտի 20, 1980(1980-03-20) (71 տարեկան) կամ մայիսի 24, 1980(1980-05-24)[2] (72 տարեկան)
Մահվան վայրՄեխիկո, Մեքսիկայի Միացյալ Նահանգներ
ՔաղաքացիությունFlag of Mexico.svg Մեքսիկայի Միացյալ Նահանգներ
Մասնագիտությունքանդակագործ և նկարիչ
Ուշագրավ աշխատանքներPresencia de America Latina?
Ներշնչվել էԴոկտոր Ատլ
Պարգևներ
Կայքlafundacion.org.mx
Commons-logo.svg Jorge González Camarena Վիքիպահեստում

Խորխե Գոնսալես Կամարենա (իսպ.՝ Jorge González Camarena, մարտի 24, 1908(1908-03-24)[1], Գվադալախարա, Մեքսիկայի Միացյալ Նահանգներ - մարտի 20, 1980(1980-03-20) կամ մայիսի 24, 1980(1980-05-24)[2], Մեխիկո, Մեքսիկայի Միացյալ Նահանգներ), 20-րդ դարի մեքսիկացի նկարիչ և քանդակագործ։

Կենսագրություն[խմբագրել | խմբագրել կոդը]

Ծնվել է 1908 թվականի մարտի 24-ին Մեքսիկայի Խալիսկո նահանգի Գվադալախարա քաղաքում։ 1918 թվականին ընտանիքով տեղափոխվել են մայրաքաղաք Մեխիկո[3], որտեղ Խորխեն 1922 թվականին ընդունվել է Սան Կառլոս ակադեմիան, աշակերտել անվանի նկարիչ-արվեստաբան, դոկտոր Ատլին (իսկական անունը՝ Խերարդո Մուրիլիո, 1875—1964)։ Ուսումնառությունն ավարտելուց հետո սկզբնական շրջանում աշխատել է որպես գովազդային պաստառներ ձևավորող, 1929 թվականից՝ Revista de Revistas և Nuestro México պարբերականների նկարիչ-պատկերազարդող։ Անսալով դոկտոր Ատլի՝ նոր, մոնումենտալ արվեստ ստեղծելու կոչին՝ սկսել է իր ուժերը փորձել որմնանկարչության և հաստոցային նկարչության ասպարեզներում։

1932 թվականին պատվեր է ստացել իրականացնելու Պուեբլա նահանգի Ուեխոցինգո բնակավայրի մերձակայքում գտնվող XVI դարի երկրորդ կեսի ֆրանցիսկյան վանքի չափազանց վնասված որմնանկարների վերականգնման աշխատանքները, որոնք տևել են երեք տարի։ 1953 թվականին Կամարենան հանդես է եկել ի պաշտպանություն Վերակրուսի Սան Խուան դե Ուլուա չորսհարյուրամյա բերդի, որը ցանկանում էին քանդել՝ մի նոր նավանորոգարան ու գինու գործարան կառուցելու նպատակով։ Այդ նույն տարում նա հիմնել է հնությունների պաշտպանության ու վերականգնման հատուկ կոմիտե։

Կամարենան խորությամբ ուսումնասիրել է ացտեկ նկարիչների փորձն ու տեխնոլոգիական հնարները և ստեղծագործաբար կիրառել գեղանկարչական ու քանդակագործական իր աշխատանքներում։ Մասնակցել է Միքելանջելոյի գրաֆիկական դիմանկարի ստեղծման համար հայտարարված մրցույթին, հաղթել, արժանացել Commendatore della Republica կոչման։ 1970 թվականին նրան շնորհվել է ազգային մրցանակ արվեստի ասպարեզում։ Կամարենան ստեղծագործական իր բեղուն կյանքի ընթացքում հասցրել է ստեղծել երկու հազարից ավելի նկար, որոնք հաստոցային գեղանկարչության տպավորիչ նմուշներ են, գտնվում են աշխարհի բազմաթիվ թանգարանների ու պատկերասրահների հավաքածուներում։ 1970-ական թվականների վերջերին նա իր աշխատանքների ցուցահանդեսներով այցելել է Արևմտյան Եվրոպայի մի շարք երկրներ։

Կամարենան եղել է Մեքսիկայի պլաստիկ արվեստների ընկերակցության (Asociación Mexicana de Artes Plásticas) նախագահը[4][5]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Grove Art Online / J. Turner[Oxford, England], Houndmills, Basingstoke, England, New York: OUP, 1998. — ISBN 978-1-884446-05-4
  2. 2,0 2,1 2,2 Library of Congress AuthoritiesLibrary of Congress.
  3. Mónica Mateos-Vega (March 24, 2008)։ «Jorge González Camarena, el pintor de la historia de México» (Spanish)։ Mexico City: La Jornada։ Վերցված է July 29, 2013 
  4. Academia de Artes: Կաղապար:Webarchiv
  5. Webarchiv|text=Jorge González Camarena |url=http://home.att.net/~atguestartists/spanishGonzalezCamarena_home.html Archived 2007-07-16 at the Wayback Machine. |wayback=20070716012021 |archiv-bot=2018-04-17 19:20:49 InternetArchiveBot bei att.net

Արտաքին հղումներ[խմբագրել | խմբագրել կոդը]