Խողովակապատյան

«Խողովակապատյանը» ծալվող փաթեթ է, որը կարող է օգտագործվել մածուցիկ հեղուկների համար, ինչպիսիք են ատամի մածուկը, նկարչական ներկերը, սոսինձը, քսուքը և դեղամիջոցները։ Հիմնականում խողովակապատյանը գլանաձև, կլոր կամ օվալաձև պրոֆիլով խոռոչ կտոր է՝ պատրաստված պլաստիկից, ստվարաթղթից, ալյումինից կամ այլ մետաղից։ Ընդհանուր առմամբ, խողովակպատյանի մի ծայրում կլոր բացվածք է, որը կարելի է փակել տարբեր փակիչներով։ Բացանցքը կարող է ձևավորվել տարբեր ձևերով. առավել բնորոշ են տարբեր ոճի և երկարության պլաստիկ վարդակները: Մյուս ծայրը կնքվում է եռակցման կամ ծալովի միջոցով:

Խողովակապատյանների տիպիկ տարողունակությունը տատանվում են 3 մլ-ից մինչև 300 մլ^[1]։ Խողովակապատյանների մեծամասնությունը նախատեսված է, որ քամվի ձեռքի ճնշման տակ, բայց որոշները օգտագործվում են հիմքում գտնվող խողովակի բանալիով, որն օգնում է փաթաթելով քամել դրանք:

Պատմություն

Ջոն Գոֆ Րենդը, ամերիկացի դիմանկարիչ, 1841 թվականին հորինել է սեղմվող մետաղյա խողովակապատյան ներկի համար^[2]։

Ատամի մածուկը խողովակապատյանի մեջ ներմուծվել է Johnson & Johnson ընկերության կողմից 1889 թվականին^[3]։ Շատ չանցած, Կոնեկտիկուտից ատամնաբույժ Վաշինգտոն Շեֆիլդը 1890-ականներին սկսեց ատամի մածուկ վաճառել կապարի խողովակապատյաններով:

Նյութեր

Ամենավաղ խողովակապատյանները պատրաստված էին անագից, ցինկից կամ կապարից, որոնք երբեմն ներսից պատված էին մոմով^[4]^[5]։

Ալյումինե խողովակապատյանների կափարիչները հիմնականում անհարթ են, ինչպես և վարդակը: Ալյումինե խողովակների ծայրը սովորաբար մի քանի անգամ ծալվում է պարունակությունը լցնելուց հետո: Խողովակը սովորաբար հերմետիկորեն կնքված է և գրեթե զերծ է մանրէներից՝ արտադրության գործընթացում բարձր ջերմաստիճանների պատճառով: Խողովակի ներսը կարող է պատված լինել, որպեսզի նյութը չհակազդի պարունակության հետ: Ալյումինե խողովակները արտադրվում են արտամղման միջոցով փոքր կլոր մասից: Դիզայնը կարելի է տպել խողովակի վրա՝ օգտագործելով օֆսեթ տպագրության մեթոդը: Հաճախ օգտագործվում է վեց տոն: Լցված պարունակությունը կարող է դուրս քամվել մատների ճնշման միջոցով: Ալյումինե խողովակապատյանների հիմնական բնութագիրը պարունակության ամբողջական մեկուսացումն է շրջակա մթնոլորտից. հետևաբար, նման խողովակապատյանները հատկապես հարմար են խիստ փչացող պարունակության փաթեթավորման համար: Ալյումինե խողովակները օգտագործվում են կոսմետիկայի, դեղագործության, սննդի, ներկերի և տեխնիկական արտադրանքի համար:

Խողովակատուփերը արտադրում են նաև պլաստկից, առավել հաճախ պոլիէթիլենից: Պլաստիկ խողովակապատյանները օգտագործվում են կոսմետիկայի համար, ինչպիսիք են ձեռքի քսուքները, ինչպես նաև որոշ սննդամթերքի: Պլաստիկ խողովակապատյանները պահպանում են իրենց ձևը յուրաքանչյուր սեղմելուց հետո, ի տարբերություն լամինատե խողովակների, ինչպիսիք են ատամի մածուկի խողովակապատյանները: Դրանք զարդարվում են կամ ունենում են հատուկ փափուկ մակերես, որպեսզի խողովակապատյանը ավելի գրավիչ դարձնի օգտագործման ընթացքում կամ վաճառքի կետում: Պլաստիկ խողովակապատյաննները արտադրվում են էքստրուզիայի մեթոդով: Սկզբում արտադրվում է խողովակ մասնագիտացված արտամղման մեքենայով: Այն պետք է արտադրվի շատ բարձր ստանդարտներով (դեկորատիվ նպատակների համար) և նաև խիստ դիմացկունությամբ, որը համատեղելի է էքստրուզիայից հետո ավտոմատացված գործընթացների հետ: Երբ խողովակը արտադրվում է, նրա գլխիկը տեղադրվում է ավտոմատացված մեքենայի միջոցով: Խողովակների տպագրությունը՝ օգտագործելով մասնագիտացված տպագրական մեքենաներ, կիրառում է ցանկալի ձևավորում: Բաց խողովակները սովորաբար լցվում և կնքվում են առանձին արտադրամասերում: Բազմաշերտ պլաստիկ խողովակները դարձել են ավելի ու ավելի տարածված. դրանք ավելի լավ են մեկուսացնում պարունակությունը օդից, ինչը թույլ է տալիս դրանք օգտագործել ապրանքների ավելի լայն տեսականի, օրինակ՝ սննդամթերքի համար:

Կիրառում

Շատ ապրանքներ են սովորաբար վաճառվում խողովակտուփերով.

Ատամի մածուկ, նախկինում մետաղական, այժմ՝ պլաստիկ
Մածուցիկ նկարչական ներկ, ներառյալ յուղաներկ, ակրիլային ներկ և խտացված ջրաներկ (որը պետք է նոսրացվի ջրով)․ սովորաբար մետաղական
Սննդի մեջ օգտագործվող մածուկներ, ինչպիսիք են անչոուսի, տոմատի մածուկ, մանանեխ, մայոնեզ և սկանդինավյան սմորգասքավիար^[6]^[2]
Դեղագործական քսուքներ
Սոսինձներ և հերմետիկներ
Կոսմետիկայի պարագաներ և գելեր

Ծանոթագրություններ

↑ Adhesive Materials Group, "Collapsible Tube Packaging"
↑ ^2,0 ^2,1 "Collapsible", The New Yorker, August 6, 1960, p. 20
↑ Margaret Gurowitz, "Zonweiss: The First Toothpaste in a Tube?", Kilmer House (Johnson & Johnson History Blog) 155, May 18, 2012 [1] Արխիվացված 2020-07-28 Wayback Machine
↑ Steve Hollier, "On this day: in 1892, toothpaste in a tube was patented" [2]
↑ Henry L. Palmer, "Improvement in preserving vegetable extracts", US Patent 105,485, July 19, 1870
↑ «Food in Tubes A very Swedish way to package food». Ateriet. 2015 թ․ հուլիսի 28. Արխիվացված է օրիգինալից 2021 թ․ հուլիսի 9-ին. Վերցված է 2021 թ․ հուլիսի 9-ին.

Գրականություն

Yam, K. L., "Encyclopedia of Packaging Technology", John Wiley & Sons, 2009, 978-0-470-08704-6
Soroka, W, "Fundamentals of Packaging Technology", IoPP, 2002, 1-930268-25-4
Museum of Modern Art (New York), "The Package", September 9-November 1, 1959 exhibit catalog

Արտաքին հղումներ

Վիքիպահեստն ունի նյութեր, որոնք վերաբերում են «Խողովակապատյան» հոդվածին։

[1] Adhesive Materials Group, "Collapsible Tube Packaging"

[nym-2] 2,0 ^2,1 "Collapsible", The New Yorker, August 6, 1960, p. 20

[3] Margaret Gurowitz, "Zonweiss: The First Toothpaste in a Tube?", Kilmer House (Johnson & Johnson History Blog) 155, May 18, 2012 [1] Արխիվացված 2020-07-28 Wayback Machine

[4] Steve Hollier, "On this day: in 1892, toothpaste in a tube was patented" [2]

[palmer-5] Henry L. Palmer, "Improvement in preserving vegetable extracts", US Patent 105,485, July 19, 1870

[6] «Food in Tubes A very Swedish way to package food». Ateriet. 2015 թ․ հուլիսի 28. Արխիվացված է օրիգինալից 2021 թ․ հուլիսի 9-ին. Վերցված է 2021 թ․ հուլիսի 9-ին.

[1]

[2]

[3]

[4]

[5]

[6]