Խնայողական հաշիվ
Խնայողական հաշիվ (անգլ.՝ savings account), մանրածախ բանկում բացված բանկային հաշվի տեսակ։
Ընդհանուր առանձնահատկություններից են՝ սահմանափակ քանակությամբ կանխիկացում, չեկի և կից դեբետային քարտերի հնարավորությունների բացակայություն, սահմանափակ փոխանցման տարբերակներ և օվերդրաֆտի անկարողություն: Ավանդաբար, խնայողական հաշիվների գործարքները լայնորեն գրանցվում էին խնայողական գրքույկում և երբեմն կոչվում էին խնայողական գրքույկ, և բանկային քաղվածքները չէին տրամադրվում, սակայն, ներկայումս նման գործարքները սովորաբար գրանցվում են էլեկտրոնային եղանակով և հասանելի են առցանց[1]:
Մարդիկ խնայողական հաշվին գումար են ավանդադրում տարբեր պատճառներով, այդ թվում՝ իրենց կանխիկը անվտանգ տեղում պահելու համար: Խնայողական հաշիվները սովորաբար վճարում են նաև տոկոսներ։ Նմանատիպ գրեթե բոլոր հաշիվները ժամանակի ընթացքում կուտակում են բարդ տոկոսներ: Մի շարք երկրներ պահանջում են, որ խնայողական հաշիվները պաշտպանված լինեն ավանդների ապահովագրությամբ, և որոշ երկրներ տրամադրում են կառավարության երաշխիք հաշվի մնացորդի առնվազն մի մասի համար:
Կան խնայողական հաշիվների բազմաթիվ տեսակներ, որոնք հաճախ ծառայում են որոշակի նպատակների: Դրանք կարող են ներառել երիտասարդ խնայողների հաշիվներ, թոշակառուների հաշիվներ, Սուրբ Ծննդյան ակումբի հաշիվներ: Որոշ խնայողական հաշիվներ ունեն նաև այլ հատուկ պահանջներ, ինչպիսիք են նվազագույն սկզբնական ավանդը, պարբերաբար կատարված ավանդները և կանխիկացման մասին ծանուցումները:
Բարձր եկամտաբերությամբ խնայողական հաշիվներ
[խմբագրել | խմբագրել կոդը]Բարձր եկամտաբերությամբ խնայողական հաշիվները խնայողական հաշվի տեսակ են, որն ունի ավելի բարձր տոկոսադրույք, քան սովորական խնայողական հաշիվները: Այս հաշիվները սովորաբար 10 անգամ ավելի շատ տոկոս են վաստակում, քան սովորական խնայողական հաշիվները: Բարձր եկամտաբերությամբ խնայողական հաշիվները կարող են լավ տարբերակ լինել կարճաժամկետ ներդրումների համար[2][3]:
Կանոնակարգեր
[խմբագրել | խմբագրել կոդը]ԱՄՆ
[խմբագրել | խմբագրել կոդը]_(cropped).jpg)
Միացյալ Նահանգներում, D կանոնակարգի (FRB) 204.2(d)(1) բաժինը նախկինում սահմանափակում էր խնայողական հաշիվներից խանխիկացումները ամսական վեց փոխանցմամբ կամ դուրսբերմամբ, սահմանափակում, որը վերացվել է 2020 թվականի ապրիլին, չնայած որոշ բանկեր շարունակում են կամավոր կերպով սահմանել սահմանափակում 2021 թվականից սկսած[4]։ Կանոնակարգի խախտումները կարող են հանգեցնել սպասարկման վճարի կամ հաշվի՝ ստուգողական հաշվի վերածվելու։
D կանոնակարգը սահմանում է խնայողական հաշվի մնացորդների համար ավելի փոքր պահուստի օրինական պահանջներ։ Բացի այդ, հաճախորդները կարող են պլանավորել կանխիկացումները՝ վճարներից խուսափելու և տոկոսներ վաստակելու համար, ինչը նպաստում է խնայողական հաշվի ավելի կայուն մնացորդների ստեղծմանը, որոնցով բանկերը կարող են վարկեր տրամադրել։
Հնդկաստան
[խմբագրել | խմբագրել կոդը]Խնայողական հաշիվները շատ տարածված են Հնդկաստանում, և բնակչության գրեթե 80%-ն ունի մեկ ու մի քանի խնայողական հաշիվներ[5]։ Պահուստային բանկը նաև ներդրել է Հիմնական Խնայողական Բանկի Ավանդային Հաշիվը[6], որն ունի որոշակի սահմանաչափեր, բայց թույլ է տալիս հաճախորդին բացել բանկային հաշիվ առանց նվազագույն մնացորդի։
Բանկերը պետք է հետևեն Հնդկաստանի պահուստային բանկի Ճանաչիր քո հաճախորդին ուղեցույցներին՝ անհատին թույլ տալու համար բացել խնայողական հաշիվ[7]:
Հնդկաստանում գրեթե յուրաքանչյուր բանկային ավանդ ապահովագրված է Ավանդների ապահովագրության և վարկային երաշխիքների կորպորացիայի կողմից՝ առավելագույնը 5,00,000 ռուփի կամ իրենց ավանդի գումարի չափով, որն ավելի ցածր է[8]:
Հայաստան
[խմբագրել | խմբագրել կոդը]Հայաստանում գործող բոլոր բանկերը առաջարկում են խնայողական հաշիվներ։ Բանկի հաշվարկած տոկոսային եկամուտը Հայաստանում հարկվում է 10% դրույքաչափով: Բանկն ինքնուրույն պահում է հարկը վճարման պահին: Խնայողական հաշիվների մնացորդները (ինչպես և ավանդները) պաշտպանված են Ավանդների հատուցումը երաշխավորող հիմնադրամի կողմից՝
- 16 միլիոն ՀՀ դրամ՝ միայն դրամային հաշիվների համար,
- 7 միլիոն ՀՀ դրամ՝ միայն արտարժութային հաշիվների համար[9]։
Խնայողական հաշիվներ կարելի է բացել նաև ԱՄՆ դոլարով կամ Եվրոյով, սակայն դրանց տոկոսադրույքները զգալիորեն ցածր են (սովորաբար 0.5% - 3%)[10]։
Ծանոթագրություններ
[խմբագրել | խմբագրել կոդը]- ↑ «What is a Savings Account? Different Types & How They Work». www.synchrony.com (անգլերեն). Վերցված է 2026-05-30-ին.
- ↑ Knueven, Liz. «The only difference between regular and high-yield savings that matters is the one that earns you 10 times more on your money». Business Insider. Վերցված է 2020-12-30-ին.
- ↑ Gravier, Elizabeth (2020-06-22). «What a high-yield savings account is and how it can grow your money» (անգլերեն). CNBC. Վերցված է 2020-12-30-ին.
- ↑ Carrns, Ann (2021 թ․ ապրիլի 30). «Banks Were Allowed to Give People More Access to Savings in the Pandemic». The New York Times. Վերցված է 2021 թ․ օգոստոսի 13-ին.
- ↑ «Basic Savings Bank Deposit Account (BSBDA) - A Complete Guide | HDFC Bank». www.hdfcbank.com. Վերցված է 2024-12-05-ին.
- ↑ Sanghera, Tish. «Banking in India: Why many people still don't use their accounts» (անգլերեն). Al Jazeera. Արխիվացված օրիգինալից 2023 թ․ հունիսի 2-ին. Վերցված է 2024-01-08-ին.
- ↑ «Know Your Customer (KYC) Guidelines - Anti-Money Laundering Standards». Enforcement Directorate—India. Արխիվացված է օրիգինալից 2012-08-01-ին.
- ↑ «DICGC - For Depositors - A Guide to Deposit Insurance». Deposit Insurance and Credit Guarantee Corporation (DICGC). Արխիվացված օրիգինալից 2023-05-28-ին. Վերցված է 2024-01-08-ին.
- ↑ «https://www.arlis.am/hy/acts/147387».
{{cite web}}: External link in|title= - ↑ «Deposits in Armenia 2026 - Compare Interest Rates of 17 Banks». Armenian Financial Marketplace (բրիտանական անգլերեն). Վերցված է 2026-05-30-ին.