Խատուտիկի գինի (գիրք)

Խատուտիկի գինի անգլ.՝ Dandelion Wine
Հեղինակ	Ռեյ Բրեդբերի
Տեսակ	գրական ստեղծագործություն
Ժանր	ֆենթեզի
Բնօրինակ լեզու	անգլերեն
Հաջորդ	Հրաժեշտ ամռանը և Ինչ-որ սարսափելի բան է սպասվում
Երկիր	ԱՄՆ
Հրատարակիչ	Doubleday
Հրատարակման տարեթիվ	1957
OCLC	18280204
Վիքիքաղվածք	Խատուտիկի գինի

«Խատուտիկի գինի» (անգլ.՝ Dandelion Wine), Ռեյ Բրեդբերիի վիպակը, առաջին անգամ լույս տեսած 1957 թվականին։

«Խատուտիկի գինին» ստեղծագործություն է, որն առանձնահատուկ է Ռեյ Բրեդբերիի գրական ստեղծագործությունների մեջ՝ գրողի անձնական վերապրումներով։ Գիրքը մեծապես ինքնակենսագրական է, որի իրադարձությունները տեղի են ունենում 1928 թվականի ամռանը՝ հորինված քաղաք Գրին Թաունում (Իլինոյսի նահանգ)։ Քաղաքի նախատիպը ԱՄՆ-ի Իլինոյս նահանգի Ուոկիգան քաղաքն է (Ռեյ Բրեդբերիի ծննդավայրը)։

Բովանդակություն

Սյուժեի կենտրոնում են Սպոլդինգ եղբայրները. Դուգլաս (12 տարեկան) և Թոմ (10 տարեկան)։ Վիպակը կազմված է պատմությունների շարանից, որոնք տեղի են ունենում փոքր քաղաքում, ամռան 3 ամիսների ընթացքում՝ երկու եղբայրների, նրանց բարեկամների, հարևանների, ընկերների և ծանոթների հետ։

Անվանում

Բովանդակության համաձայն Թոմի և Դուգլասի պապը ամեն ամառ խատուտիկներից գինի է պատրաստում։ Երբ գինին պատրաստ էր լինում, Դուգլասը մտածում էր, որ այն կպահպանի իրեն։

«Խատուտիկի գինի։ Այս բառերն ամռան լեզվով են։ Խատուտիկի գինին բռնած և շշում խցանած ամառ է»։

Շարունակություն

Սկզբնական վիպակը մտածված էր ավելի բարդ և մեծածավալ, սակայն խմբագիր Ուոլտեր Բրեդբերին առաջարկեց գրողին. «Վերցրու այդ գիրքը ականջներից և քաշիր տարբեր ուղղություններով։ Այն կպատռվի երկու մասի։ Յուրաքանչյուր երկրորդ պատմությունը ընկնում է, իսկ մնացյալը զբաղեցնում է իր տեղը։ Դրանք ձևավորում են քո առաջին գիրքը, իսկ մնացածը դրա շարունակությունը կլինեն»։ Սակայն շարունակությունը՝ «Ցտեսություն, ամա՛ռ» վերնագրով, լույս տեսավ միայն 2006 թվականին, իսկ չընդգրկված պատմությունները հրատարակվեցին մեկ տարի անց՝ «Ամառային առավոտ, ամառային գիշեր» վերնագրով հավաքածուում։ Այդ գրքերում գլխավոր կերպարը Դուգլաս Սպոլդինգ անունով տղան է, ով ինքնին ակնարկում է Բրեդբերիին, քանի որ Դուգլասը Բրեդբերիի հոր երկրորդ անունն է, իսկ Սպոլդինգը իր հայրական տատի օրիորդական ազգանունն է։

Արտաքին հղումներ

• Ռեյ Բրեդբերիի «Խատուտիկի գինի»-ն (գրախոսական)

Վիքիքաղվածքն ունի նյութեր, որոնք վերաբերում են «Խատուտիկի գինի (գիրք)» հոդվածին։