Խավարային արջաթիթեռ (լատին․՝ Axiopoena maura), արջաթիթեռների ընտանիքի ամենախոշոր թիթեռը։ Հազվագյուտ տեսակ է։ Հայաստանում հանդիպում է Կոտայքի, Սյունիքի և Տավուշի մարզերում, Երևանի շրջակայքում։ Բնակվում է ժայռաճեղքերում և քարանձավներում։ Առջևի թևերը (երկարությունը՝ մինչև 48 մմ) ածխասև են, մետաքսափայլ։ Տարվա ընթացքում տալիս է 1 սերունդ։ Ձմեռում է ոչ հասուն թրթուրը։ Գարնանը թրթուրը սնվում է օշինդրի տերևներով։ Հավաքածուների կարևոր միավոր է և հավաքորդների պարծանքը։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։