Խաչված նետերի կուսակցություն

Վիքիպեդիայից՝ ազատ հանրագիտարանից
Jump to navigation Jump to search
Խաչված նետերի կուսակցություն
Nyilaskeresztes Párt – Hungarista Mozgalom
Emblem of the Arrow Cross Party.svg
Տեսակ կուսակցություն
Երկիր Flag of Hungary (1915-1918, 1919-1946).svg Հունգարիա
Առաջնորդ Ֆերենց Սալաշի
Հիմնադրված մարտի 15, 1939
Լուծարված մայիսի 1, 1945
Գաղափարախոսություն Նացիոնալ-սոցիալիզմը Գերմանիայում
Շտաբ Անդրաշի պողոտա
Arrow Cross Party Վիքիպահեստում
 ⛭  Flag of the NSDAP (1920–1945).svg Նացիոնալ-Սոցիալիզմ
Հիմնական գաղափարներ

Բռնապետություն Անհատի պաշտամունք Ճշմարիտ գաղափարախոսություն Շովինիզմ Նացիստական ռասայական քաղաքականություն Միլիտարիզմ Հակադեմոկրատիզմ

Գաղափարախոսություն

Ազգային շարժում «25 կետ» «Իմ պայքարը» Կիսամարդ Նյուրնբերգյան սկզբունքներ Գյունտերի ռասայական վարկած Ռասայական քաղաքականություն «Քսաներորդ դարի միֆը»

Պատմություն

Տուլեի ընկերություն Գերմանական բանվորական կուսակցություն Երրորդ Ռեյխ Երկար դանակների գիշեր Բյուրեղապակյա գիշեր Երկրորդ համաշխարհային պատերազմ Չեխական հարցի լուծումը / Հրեական հարց Եվրոպական հրեականության խնդիրը Հոլոքոստ Ռազմական հանցագործություններ ԽՍՀՄ-ի բնակիչների նկատմամբ Նյուրնբերգյան դատավարություն

Անհատներ

Ադոլֆ Հիտլեր Հենրիխ Հիմմլեր Հերման Հերինգ Ռուդոլֆ Հեսս

Կազմակերպություններ

ՆՍԳԲԿ Գրոհայիններ ՍՍ Հիտլերյուգենդ Գեստապո Վերվոլֆ Գերմանուհիների դաշինք Յուգնֆոլք Աղջիկների դաշինք Ձմեռային օգնուլթյուն Գերմանական աշխատանքային ճակատ Ուժ ուրախության միջոցով Հավատ և գեղեցկություն Կազմակերպումը Երրորդ Ռայխում Նացիոնալ-սոցիալիստական մեխանիկական բաժին Ավիաբաժին Ազգային բարեգործություն Կանանց կազմակերպություն Ուսանողների միություն Բժիշկների միություն Ուսուցիչների միություն Իրավաբաններիական միությում Պատերազմից տուժածներին օգնելու միություն)

Նացիստական կուսակցություններ և շարժումներ

Հունգարիա Հյուսիսային Կովկաս Բելգիա Նիդերլանդներ Չեչնիա Նորվեգիա Լատվիա Բելառուս

Մոտ գաղափարներ

Ֆաշիզմ Հակակոմունիզմ Նեոնացիզմ Ինտեգրալ նեոնացիզմ Նացիստական օկկուլտիզմ


Խաչված նետերի կուսակցություն կամ Նիլաս (հունգ.՝ Nyilaskeresztes Párt – Hungarista Mozgalom, բառացիորեն՝ «Խաչված նետերի կուսակցություն՝ հունգարական շարժում» կամ «nyilas»), Ֆերենց Սալաշիի գլխավորած հունգարական նացիոնալ-սոցիալիստական կուսակցություն, որը Հունգարիայի իշխանության գլուխ է կանգնել 1944 թվականի հոկտեմբերի 15-ից մինչև 1945 թվականի մարտի 28-ը։ Կարճատև իշխանության ընթացքում 10-15 հազար քաղաքացիական անձ, որոնցից շատերը հրեա և գնչու էին, սպանվեցին[1][2], իսկ 80 000 մարդ աքսորվեց Հունգարիայից Ավստրիայի համակենտրոնացման ճամբարներ[3]։ Պատերազմից հետո Սալաշին և կուսակցության մյուս անդամները դատապարտվեցին հունգարական դատարանների կողմից՝ որպես ռազմական հանցագործներ։

Հիմնումը[խմբագրել | խմբագրել կոդը]

Կուսակցությունը հիմնվել է Ֆերենց Սալաշիի կողմից 1935 թվականին՝ որպես Ազգային ազատության կուսակցություն[4][5]։ Կուսակցությունը 1937 թվականին օրենքից դուրս հայտարարվեց, բայց կրկին վերակազմավորվեց 1939 թվականին՝ որպես Խաչված նետերի կուսակցություն, և, ինչպես ասում են, այն բավականին հստակ կողմնորոշում ուներ Գերմանիայի նացիստական կուսակցության նկատմամբ՝ չնայած այն փաստին, որ Սալաշին հաճախ և կոպտորեն քննադատում էր Գերմանիայի ֆաշիստական քաղաքականությունը[6]։ Կուսակցության պատկերագրությունը ներշնչվել էր նացիստներից․ Խաչված նետերի կուսակցության խորհրդանիշը մագյար ցեղի խորհրդանիշն էր, որոնք բնակեցրել են Հունգարիան՝ առաջադրելով հունգարացիների մաքրարյունության գաղափարը, այսինքն իրենց նացիստական սվաստիկան փաստում էր արիների դասին պատկանելը[7]։ Կուսակցության խորհրդանիշը հղում է նաև Տրիանոնի պայմանագիրը խզելու ու հունգարական պետության սահմաններն ընդարձակելու ու նախկին Հունգարիայի թագավորության տարածքը վերադարձնելու ձգտմանը[7]։

Գաղափարախոսություն[խմբագրել | խմբագրել կոդը]

Խաչված նետերի կուսակցության նախարարները։ Ֆերենց Սալաշին առաջին շարքի մեջտեղինն է։

Կուսակցության գաղափարախոսությունը նման էր գերմանական նացիոնալ–սոցիալիզմի հայացքներին, սակայն ավելի հստակ համեմատություն կարելի էր կատարել ավստրոֆաշիզմի հետ։ Կուսակցությունն ու նրա ղեկավարը սկզբնական շրջանում դեմ էին գերմանական գեոքաղաքական պլաններին, այդ պատճառով Ադոլֆ Հիտլերից երկար ժամանակ պահանջվեց Սալաշիին ու նրա կուսակցությանն ընդառաջ գնալու համար։ Չնայած Խաչված նետերի կուսակցությունը անկասկած ավելի ռասիստական քաղաքականություն էր վարում քան Հորտին՝ այն, այնուամենայնիվ, շատ էր տարբերովում ՆՍԳԲԿ–ից։ Այն նաև տնտեսապես ավելի ռադիկալ էր քան մյուս ֆաշիստական միությունները[7]։

Իշխանության գալը[խմբագրել | խմբագրել կոդը]

Խաչված նետերի կուսակցության ազդեցության արմատները հասնում են մինչև հակահրեական տրամադության բռնկումը, որը հետևեց կոմունիստական խռովությանը։ Որոշ կոմուսնիստ առաջնորդներ, որոնցից է Թիբոր Սամուելին, ով ծագում էր հրեական ընտանիքներից, կամ Բելա Կունը, ում հայրը հրեա էր, իսկ մայրը՝ ընդդիմադիր, հրեաներ էին, ինչի պատճառով էր Հունգարական Խորհրդային Հանրապետության իշխանությունը շատերի մոտ սկսվում է ասոցացվել հրեական–բոլշևիկյան դավադրության հետ։

1919 թվականի օգոստոսին կոմունիստական իշխանության ճնշումից հետո պահպանողականները ծովակալ Միկլոշ Հորթիի գլխավորությամբ ազգն առան իրենց իշխանության տակ։ 1930–ականների ընթացքում Խաչված նետերի կուսակցությունը, հաղթելով սոցիալ–դեմոկրատներին, սկսեց դոմինանտել Բուդապեշտի աշխատավոր հասարակության շրջանում։ Խաչված նետերի կուսակցությունը մեծապես աջակցություն ստացավ զինվորական սպաներից, զինվորներից և գյուղատնտեսական աշխատավորներից։ Սա Հունգարիայի բացահայտ ֆաշիստական խմբավորումներից միայն մեկը, սակայն ամենանկատվողն էր։ Երբ այն 1939 թվականի մայիսին բողոքարկեց ընտրության արդյունքները, միակ ընտրությունը, որին նա մասնակցել էր, կուսակցությունը ստացավ ձայների 15%–ը և 29 տեղ հունգարական խորհրդարանում։ Սա անկասկած տպավորիչ արդյունք էր, քանի որ շատ հունգարացիների արգելված էր քվեարկել։ Կուսակցությունը դարձավ Հունգարիայի ամենաազդեցիկներից մեկը, սակայն Հորտին Երկրորդ համաշխարհային պատերազմի սկզբին արգելեց Խաչված նետերի կուսակցության գործունեությունը՝ ստիպելով վերջիններիս գործել ընդհատակում։

1944 թվականին կուսկացության ճակատագրի վրա խաչ քաշվեց, երբ Հիտլերը կորցրեց իր համբերությունը Հորտիի և նրա փոխնախարար Միկլոշ Կալլաիի նկատմամբ։ 1944 թվականի մարտին գերմանացիները ներխուժեցին և պաշտոնապես շրջափակեցին Հունգարիան, Կալլաին դիմեց փախուստի և փոխարինվեց նացիստական վստահված անձով, ում առաջին քայլերից մեկը Խաչված նետերի կուսակցության գործունեության վերականգնում էր։

1944 թվականի գարնանն ու ամռանը 400 000 հրեա տեղափոխվեցին համակենտրոնացման ճամբարներ, իսկ այնուհետև նացիստների կողմից և Հունգաիայի ներքին գործերի նախարարի և ոստիկանների օգնությամբ, որոնք սերտ կապերի մեջ էին Խաչված նետերի կուսակցության հետ, հրեաներն աքսորվեցին հունգարական գյուղերի մահվան ճամբարներ։ Բուդապեշտի հրեաները կենտրոնացած էին այսպես կոչված Դեղին աստղ Տներում, որոնք մոտ 2000–ի հասնող միահարկ փոքր առանձնաթաղեր էին, որոնց դռան մոտ պատկերված էր Դավիթի դեղին աստղը[8]։ 1944 թվականի օգոստոսին՝ հրեաներին Բուդապեշտ աքսորելը, Հորտին օգտագործեց իր ազդեցությունը աքսորը կանգնեցնելու և ռադիկալ անտիսեմիստներին պետությունից դուրս հանելու համար։ Ամռան ընթացքում, երբ սովետական բանակը գտնվում էր Կենտրոնական Եվրոպայում, նացիստների «հրեական հարցի լուծման» գործունեությունը պասիվացավ։

Հետպատերազմյան գործունեություն[խմբագրել | խմբագրել կոդը]

Կոշիկներ Դանուբի ափին Բուդապեշտի հուշարձանը, որը ստեղծվել է ռեժիսոր Կան Տոգայի կողմից Դանուբ գետի արևելյան ափին քանդակագործ Գյուլա Պաուերի (hu) հետ՝ ի հիշատակ Երկրորդ համաշխարհային պատերազմի ընթացքում Խաչված նետերի կուսակցության անդամների կողմից հրեաների սպանդի

Պատերազմից հետո կուսակցության մի շարք ղեկավարներ կալանավորվեցին։ Խաչված նետերի կուսակցության դեմ հետպատերազմյան դատական հետաքննության առաջին ամիսներին կայացվեց մոտ 6200 մահպատժի դատավճիռ[9]։ Կուսակցության ղեկավարների մեծամասնությունը, այդ թվում նաև Սալաշին, մահապատժի դատապարտվեցին։

2005 թվականին ռեժիսոր Կան Տոգան Դանուբ գետի արևելյան ափին քանդակագործ Գյուլա Պաուերի հետ հուշարձան հիմնեց, որը հիշեցնում է 1944–1945 թվականների ընթացքում կուսկցության անդամների կողմից գետի մոտ հրեաների գնդակոծության մասին։ Նրանք պետք է հանեին կոշիկները, քանի որ այդ տարիներին կոշիկները բավականին թանկարժեք հագուստ էին համարվում[10]։

2006 թվականին կուսակցության բարձրադիր անդամներից մեկը՝ Լայոշ Պոլգարը (Lajos Polgár), հայտնաբերվեց Մելբուրնում՝ Ավստրալիայում[3]։ Նա մեղադրվեց ռազմական հանցագործությունների մեջ, սակայն հետագայում գործը չեղյալ համարվեց, և Պոլգարը մահացավ նույն թվականի հուլիսին իր բնական մահով[11]։

Վերջին տարներին Խաչված նետերի կուսակցության գաղափարախոսությունը որոշ չափով ի հայտ եկավ «Magyartudat» ամսագրում Սալաշիի վերածնման կանխատեսմամբ[12]։

Ծանոթագրություններ[խմբագրել | խմբագրել կոդը]

  1. Patai Raphael (1996)։ The Jews of Hungary:History, Culture, Psychology։ 590: Wayne State University Press։ էջ 730։ ISBN 0-8143-2561-0 
  2. Historical Dictionary of the Holocaust, Jack R. Fischel, Scarecrow Press, 17 Jul 2010, pg106
  3. 3,0 3,1 Johnston Chris (2006-02-16)։ «War Crime Suspect Admits to his Leading Fascist Role»։ The Age։ Արխիվացված օրիգինալից 17 May 2009-ին։ Վերցված է 2009-04-19 
  4. Frucht Richard C. (2005)։ Eastern Europe: an Introduction to the People, Lands, and Culture։ 376: ABC-CLIO։ էջ 928։ ISBN 1-57607-800-0 
  5. Miklos Molnar, 'A Concise History of Hungary
  6. «Amerikai Népszava Online»։ Nepszava.com։ 2015-03-23։ Վերցված է 2017-06-17 
  7. 7,0 7,1 7,2 Moshe Y. Herczl (1993)։ Christianity and the Holocaust of Hungarian Jewry։ NYU Press։ էջեր 67, 70, 233։ ISBN 0814773206 – via Google Books։ «A considerable portion of the media in Hungary described the swastika as a symbol of the forces defending European Christian culture, struggling bravely against the danger of Red expansion from the east and against the Bolshevik-Jewish Weltanschauung. It served as a source of inspiration for the various cross movements, including the Arrow-Cross party.» 
  8. Patai Raphael։ The Jews of Hungary։ Wayne State University Press։ էջ 578 
  9. Patai, p. 587
  10. Stephanie Geyer։ «Shoes on the Danube, Budapest»։ Visitbudapest.travel։ Վերցված է 2017-06-17 
  11. Lack of political will over Polgar, says Holocaust Centre Archived September 21, 2006, at the Wayback Machine., Australian Jewish News, July 13, 2006
  12. «Archived copy»։ Արխիվացված օրիգինալից-ից 2009-02-02-ին։ Վերցված է 2009-01-20 

Գրականություն[խմբագրել | խմբագրել կոդը]