Խաչիկ Նազարյան

Խաչիկ Նազարյան
Ծնվել է	հուլիսի 22, 1926(1926-07-22) Զանգակատուն, Հայաստան
Մահացել է	փետրվարի 28, 2007(2007-02-28) (80 տարեկան) Երևան, Հայաստան
Քաղաքացիություն	ԽՍՀՄ և  Հայաստան
Ազգություն	հայ
Մասնագիտություն	աշխարհագրագետ
Հաստատություն(ներ)	Երևանի պետական համալսարան և ՀՀ կրթության և գիտության նախարարություն
Ալմա մատեր	Երևանի պետական համալսարան (1950)
Գիտական աստիճան	աշխարհագրական գիտությունների դոկտոր և պրոֆեսոր

Խաչիկ Ենոքի Նազարյան (հուլիսի 22, 1926(1926-07-22), Զանգակատուն, Հայաստան - փետրվարի 28, 2007(2007-02-28), Երևան, Հայաստան), հայ աշխարհագետ-երկրաձևաբան: Աշխարհագրական գիտությունների դոկտոր, պրոֆեսոր:

Կենսագրություն

Խաչիկ Նազարյանը ծնվել է 1926 թվականին Արարատի շրջանի Չանախչի (այժմ` Զանգակատուն) գյուղում: 1950 թվականին ավարտել է Երևանի պետական համասլարանը: 1953 թվականից աշխատել է Երևանի պետական համալսարանում, 1976-1996 թվականներին եղել է աշխարհագրության ֆակուլտետի դեկան, 1989-1997 թվականներին, միաժամանակ՝ ֆիզիկական աշխարհագրության ամբիոնի վարիչ, 1979-1992 թվականներին՝ ՀՀ Կրթության և գիտության նախարարության աշխարհագրության ուսումնամեթոդական խորհրդի նախագահ, 1980-2001 թվականներին՝ Հայկական աշխարհագրական ընկերության փոխնախագահ, 2006 թվականին՝ «Հայաստանի բնաշխարհ» հանրագիտարանի գիտախմբագրական խորհրդի անդամ:

Աշխատանքները վերաբերում են Հայկական լեռնաշխարհի ռելիեֆի ձևածագումնաբանական տիպերի վերլուծությանը, ֆիզիկական աշխարհագրության շրջանցման, սելավաբեր երևույթների, հնէաշխարհագրության, բնօգտագործման և բնապահպանության, ֆիզիկական աշխարհագրության կիրառական խնդիրներին: Հետազոտել է ՀՀ մակերևույթը, սելավային հոսքերը, կազմել ռելիեֆի ձևածագումնաբանական, սելավների ձևավորման համալիր խոշորամասշտաբ քարտեզներ:

Երկեր

• Անդրկովկասի ֆիզիկական աշխարհագրություն, ռուսերեն, դասագիրք, 1986 (համահեղինակ):
• Հայաստանի աշխարհագրություն, գիրք 1-2, դասագիրք, 2002 (համահեղինակ):
• Հայկական ՍՍՀ գեոմորֆոլոգիան, Երևան, 1986 (համահեղինակ):
• Լեռնային ռելիեֆը որպես ֆիզիկաաշխարհագրական առաջնակարգ գործոն (ՀՀ տարածքի օրինակով), Երևան, 2006:
• Геология Армянской ССР, т.1, Ереван, 1962 (համահեղինակ).