Խաչամելիք

Գյուղ
Խաչամելիք
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառ	Խնուսի գավառ
Այլ անվանումներ	Աղճամելիք, Աղջամելիք
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	աղջամելիքցի
Ժամային գոտի	UTC+3
Փոստային ինդեքսներ	25600

Խաչամելիք, Խաչամելիք, գյուղ Արևմտյան Հայաստանում, Էրզրումի վիլայեթի Խնուսի գավառում, Խամուր լեռան ստորոտին։ Գտնվում է Խնուս քաղաքից հարավ, Խամուր լեռնան լանջին, Խամուր և Զեռնակ բերդերի մոտերքում:

Անվան ստուգաբանություն

Գյուղի անվանումը ստուգաբանվում է որպես «մելիք Աղա-ջան» կամ «մեիլք Խաչան»: Ենթադրում են, որ պարսկական տիրապետության շրջանում (XVI դար) գյուղում ապրել է հայ մելիք Աղաջանը (կամ Խաչանը), որի անունով էլ կոչվել է գյուղը։

Պատմություն

Խաչամելիքի բնակիչները տեղահան են արվել 1915 թվականի Մեծ եղեռնի ժամանակ։ Մի մասը զոհվել է, մյուս մասը քշվել Դեր Էլ-Զորի անապատը։ Փրկվածներն ապաստանել են Արևելյան Հայաստանում։

Բնակչություն

1915 թվականի նախօրեին Խաչամելիքն ուներ 40 տուն՝ շուրջ 350 հայ բնակիչ:

Տնտեսություն

Բնակիչները զբաղվում էին երկրագործությամբ, անասնապահությամբ և որսորդությամբ։

Պատմամշակութային կառույցներ

Խաչամելիքն ուներ քարակերտ եկեղեցի: Գյուղի մոտ է գտնվում խնուսցիներին քաջ ծանոթ բնական «ժաժան քար» կոչված շարժվող քարը: Գյուղից դեպի աղի հանքեր տանող ճանապարհին կար սպտիակ սրբատաշ քարից եպիսկոպոսի պատկերով խաչարձան:

Կրթություն

Գյուղն ուներ Ներսիսյան վարժարան

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Էրզրումի նահանգի հայաբնակ բնակավայրեր

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։