Խաղ (պատմվածք)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Խաղ (այլ կիրառումներ)
Խաղ
The Game
London - The Game, 1905.djvu
Առաջին հրատարակության կազմը
ՀեղինակՋեկ Լոնդոն
Տեսակգրավոր աշխատություն
Ժանրվեպ
Բնօրինակ լեզուանգլերեն
Ստեղծման տարեթիվ1904
Էջեր39
Երկիր45 Star US Flag.svg ԱՄՆ
ՀրատարակիչMacmillan Publishers
Հրատարակման տարեթիվ1905
Թարգմանիչ հայերենՇավարշ Գրիգորյան
Հրատարակում հայերենՀայաստան
OCLC49293889
Թվային տարբերակgutenberg.org/ebooks/1160 և grapaharan.org/index.php/Խաղը

Խաղ (անգլ.՝ The Game), ամերիկացի գրող Ջեկ Լոնդոնի պատմվածք քսանամյա բռնցքամարտիկ Ջոյի մասին, ով որոշել էր թողնել բռնցքամարտը[1][2]։ Այս ստեղծագործությունը հակադրվում է բուրժուական նորավեպին, որը փառաբանում էր առևտուրը և գործարարությունը, և քննադատում է սպորտում շահադիտական ոգին[3]։ Լոնդոնը սկսել է գրել պատմվածքը 1904 թվականին և հրապարակել է 1905 թվականին[2]։

Սյուժեն[խմբագրել | խմբագրել կոդը]

Քսանամյա Ջոն ծանոթանում է տասնութամյա գեղեցկուհի Ջենեվիեվայի հետ և սիրահարվում նրան։ Նրանք երկուսն էլ աղքատ ընտանիքներից էին։ Ջոն աշխատում է պահեստում, ինչպես նաև վարձատրվում է բռնցքամարտի հանդիպումներում, որպեսզի կերակրի մորը և կրտսեր եղբայրներին ու քույրերին։ Ջենեվիեվան մնացել էր առանց ծնողների և ապրում էր տարեց զուգի՝ Սիլվեստրայնների հետ և աշխատում նրանց խանութում։ Աստիճանաբար երիտասարդները ավելի շատ ժամանակ են անցկացնում միմյանց հետ և որոշում են ամուսնանալ։ Իմանալով, որ Ջոն զբաղվում է բռնցքամարտով, Ջենեվիեվան խնդրում է նրան թողնել այդ վտանգավոր գործը։ Ջոն նրան խոստում է տալիս, սակայն ցանկանում էր ևս մեկ մարտ անցկացնել, քանի որ փողի կարիք ուներ, որպեսզի իրենց համար նոր տուն կառուցեն։ Հենց այդ մարտից հետո էլ նրանք ցանկանում են ամուսնանալ։

Չնայած կանանց թույլ չէին տալիս դիտել բռնցքամարտի հանդիպումները, բայց Ջոն անցկացնում է վերահանդերձավորված Ջենեվիեվային, և նա ծառայողական տեղերի անցքից հետևում էր ռինգին։ Ջոյի հակառակորդը վայրենաման Պոնտան է, սակայն մարտի ֆավորիտը համարվում էր հենց Ջոն, ում համակրում է ողջ սրահը։ Հոգնեցուցիչ մարտի ընթացքում առավելությունը մեկ մեկի, մեկ մյուսի կողմն էր։ Սակայն Ջոյին հաջողվում է նախաձեռնությունի իր ձեռքը վերցնել և նա արդեն պատրաստվում էր հասցնել վճռական հարվածը։ Վերջին պահին Ջոն վրիպում է և Պոնտան նրան հասցնում է խորը նոկաուտի։ Ջոն գիտակցության չի գալիս, և նրան տանում են ու կանչում բժիշկներին։ Բայց արդեն ուշ էր օգնության համար. ծոծրակով ուժեղ գետնին հարվածելուց հետո Ջոն կոմայի մեջ է ընկնում և մահանում։

Ջենեվիեվան, ով կորցրել էր ամուսնուն, հասկանում է, որ անգամ իր սերը անկարող եղավ մրցակցել այն խաղի հանդեպ ունեցած կրքի հետ, որը Ջոյի համար բռնցքամարտն էր։

Քննադատություն[խմբագրել | խմբագրել կոդը]

Առանձին քննադատներ արտահայտեցին իրենց բողոքը պատմվածքի հասցեին։ Ի պատասխան, Ջեկ Լոնդոնը գրեց մի նամակ, որտեղ հաստատում էր, որ ներկայացված դեպքերը ունեն իրական հիմք։ Ջեկ Լոնդոնը, ով նախկինում բռնցքամարտի խաղերի թղթակից էր օկլենդյան թերթի՝ «Ջերալդի» համար, նաև անձամբ հետաքրքրված էր բռնցքամարտով, նկարագրել է սպորտսմենների գոյություն ունեցող փոխհարաբերություները իր անձնական փորձով, և ռինգի վրա մահը ոչ թե ֆանտազիա էր, այլ փաստ, վերցված իրական կյանքից[2]։

Ծանոթագրություններ[խմբագրել | խմբագրել կոդը]

  1. Б. Пранкус։ «Статья «Джек Лондон» в Литературной энциклопедии»։ Արխիվացված է օրիգինալից 2012-09-27-ին 
  2. 2,0 2,1 2,2 С. Батурин.։ «Биография: Джек Лондон (1876 - 1916)»։ Արխիվացված է օրիգինալից 2012-09-27-ին 
  3. С. И. Суховерхов.։ «Лондон, Джэк»։ Արխիվացված է օրիգինալից 2012-10-04-ին