ԽՍՀՄ որսորդական օրենսդրություն

Վիքիպեդիայից՝ ազատ հանրագիտարանից
Jump to navigation Jump to search

ԽՍՀՄ որսորդական օրենսդրությունը իրավական նորմատիվ-ակտեր՝ օրենքներ, կառավարության որոշումներ, կանոններ, հրահանգներ էին, որոնք կարգավորում էին որսորդության ձեեւրը և որսորդական տնտեսության ԽՍՀՄ վարումը՝ նպատակ ունենալով արդյունավետ օգտագործել, պահպանել և վերականգնել օգտակար վայրի կենդանիների պաշարները։

Գործունեությունը[խմբագրել | խմբագրել կոդը]

Երկրի որսորդական տնտեսության կազմակերպումը և զարգացումը կարգավորող բարձրագույն մարմինը ԽՍՀՍ Նախարարների խորհուրդն էր։ Որսի կանոնները հաստատում են միութենական և ինքնավար հանրապետությունների Նախարարների խորհուրդները, ժողովրդական պատգամավորների երկրամասային և մարզային խորհուրդների գործկոմները։ Օրենքների պահպանման, որսի ժամկետների ու ձեեւրի կարգավորման, գործնական միջոցառումների ղեկավարման, մթերող կազմակերպությունների և որսորդների կամավոր ընկերությունների աշխատանքների կոորդինացման վերահսկողությունը իրագործում էին ԽՍՀՄ գյուղատնտեսության նախարարության բնության պահպանության, արգելանոցների և որսորդական տնտեսության, ՌԽՖՍՀ Նախարարների խորհրդին առընթեր որսորդական տնտեսության և արգելանոցների գլխավոր վարչությունները, ՌԽՖՍՀ ինքնավար հանրապետությունների, երկրամասերի ու մարզերի որսորդական պետական տեսչությունը և որսորդական-արդյունագործական տնտեսությունների վարչությունները, որսորդական հսկողության շրջանային ծառայությունը, ինչպես նաեւ միութենական բոլոր հանրապետությունների համապատասխան մարմինները։ Խորհրդային Միությունում որսորդության և որսորդական տնտեսության վարման հիմնական օրենսդրական ակտը ԽՍՀՄ Նախարարների խորհրդի 1959 թ․-ի մայիսի 11-ին ընդունած «Որսորդական տնտեսության վարումը բարեւավելու միջոցառումների մասին» որոշումն է։ Միութենական բոլոր հանրապետություններում (բացառությամբ ՌԽՖՍՀ-ի) գործում է որսորդական միասնական կանոնադրություն։ ԽՍՀՄ-ում որսորդական հրացանով որսի իրավունք ունեին 18 տարին լրացած, կենսաբանության և որսորդության նվազագույն արդյունքներ հանձնած, որսորդության անդամատոմս ունեցող, պետական տուրք (տարեկան 1 ռուբլի) մուծած քաղաքացիները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 654 CC-BY-SA-icon-80x15.png