Լևոն Չիլինգիրյան
| Լևոն Չիլինգիրյան | |
|---|---|
| Ծնվել է | մայիսի 28, 1948[1] (75 տարեկան) Նիկոսիա, Նիկոսիայի շրջան, Կիպրոս |
| Երկիր | .svg){kind=small} Միացյալ Թագավորություն |
| Մասնագիտություն | երաժշտության ուսուցիչ, ջութակահար և դիրիժոր |
| Գործիքներ | ջութակ |
| Աշխատավայր | Երաժշտության թագավորական քոլեջ |
| Պարգևներ |  |
Լևոն Չիլինգիրյան (անգլ.՝ Levon Chilingirian, մայիսի 28, 1948[1], Նիկոսիա, Նիկոսիայի շրջան, Կիպրոս), Միացյալ Թագավորությունում բնակվող հայ ջութակահար, դիրիժոր, «Չիլինգիրյան լարային քառյակի» հիմնադիր, Լոնդոնի Երաժշտության թագավորական ակադեմիայի պրոֆեսոր[2], Գիդհոլի երաժշտա-դրամատիկական դպրոցի ջութակի և կամերային երաժշտության պրոֆեսոր։
Անվանի երաժիշտ Լևոն Չիլինկիրյանի թոռն է։
Կենսագրություն[խմբագրել | խմբագրել կոդը]
Լևոն Չիլինգիրյանը ծնվել է 1948 թվականին Նիկոսիայում։ Ջութակ նվագել սովորել է 5 տարեկան հասակից իր ազգական Վահան Բեդելյանից։ 12 տարեկանում տեղափոխվել է Մեծ Բրիտանիա, սովորել Լոնդոնի թագավորական երաժշտական քոլեջում։ Դասավանդել է Լոնդոնի թագավորական երաժշտական քոլեջում, ստացել պրոֆեսորի կոչում։ 1971 թվականին հիմնադրել է «Չիլինգիրյան» լարային քառյակը, որի կազմում համագործակցել է մի շարք հանրահայտ կոմպոզիտորների (Ջոն Տավեներ, Մայքլ Բերքլի) և երաժիշտների հետ, կազմակերպել ջութակահարների բարձրագույն դասընթացներ։ «Չիլինգիրյան» լարային քառյակը կազմակերպում է ամենամյա ամառային դպրոց Ուստթ Դին քոլեջում[3][4]։
«Անգլիական համերգի» (The English Concert) առաջին անդամներից է, նվագել է նրանց 1973 թվականի Լոնդոնյան առաջին համերգին[5]։
Համերգային շրջագայություններով եղել է աշխարհի բազմաթիվ երկրներում, մասնակցել մի շարք երաժշտական փառատոների։ Որպես մենակատար ելույթներ է ունեցել բազմաթիվ երկրներում` լավագույն նվագախմբերի հետ և քառյակի կազմում։ Երկացանկում ունեցել է արևմտաեվրոպական կոմպոզիտորների, նաև Արամ Խաչատրյանի, Առնո Բաբաջանյանի, Տիգրան Մանսուրյանի, Ալան Հովհաննեսի, Ս. Ասլամազյանի և այլոց երկերից։ 1996 թվականից ղեկավարում է նաև շվեդական «Կամարատա Ռոման» լարային նվագախումբը։
Երևանյան համերգներ[խմբագրել | խմբագրել կոդը]
1989 թվականից համերգներով պարբերաբար հանդես է եկել Հայաստանում։ 2000 թվականին Երևանում կազմակերպել է երիտասարդ ջութակահարների հանրապետական 1-ին մրցույթը[6]։
Պարգևներ[խմբագրել | խմբագրել կոդը]
- BBC Beethoven and the Munich Duo, առաջին մրցանակ, 1969, 1971[7]
- Բրիտանական կայսրության շքանշան՝ երաժշտության բնագավառում ունեցած վաստակի համար, 2000
Ծանոթագրություններ[խմբագրել | խմբագրել կոդը]
- ↑ 1,0 1,1 Discogs — 2000.
- ↑ «Staff - Levon Chilingirian - Royal Academy of Music». www.ram.ac.uk. Արխիվացված է օրիգինալից 2017 թ․ մայիսի 3-ին. Վերցված է 2017 թ․ մայիսի 28-ին.
- ↑ «Levon Chilingirian - Royal Northern College of Music». RNCM (ամերիկյան անգլերեն). Արխիվացված է օրիգինալից 2017 թ․ օգոստոսի 1-ին. Վերցված է 2017 թ․ մայիսի 28-ին.
- ↑ «Bios | Chilingirian String Quartet». Chilingirian String Quartet (ամերիկյան անգլերեն). Վերցված է 2017 թ․ մայիսի 28-ին.
- ↑ Behind the Masque: Trevor Pinnock. BBC Radio 3.
- ↑ Baghdasaryan, Aram. «AV Production - Լևոն Չիլինգիրյան». avproduction.am. Արխիվացված է օրիգինալից 2022 թ․ օգոստոսի 3-ին. Վերցված է 2017 թ․ մայիսի 28-ին.
- ↑ «Levon Chilingirian». Guildhall School of Music and Drama. Արխիվացված է օրիգինալից 2015 թ․ հուլիսի 2-ին. Վերցված է 2014 թ․ ապրիլի 20-ին.
Արտաքին հղումներ[խմբագրել | խմբագրել կոդը]
| ||||||||||||
