Լևոն Լիսիցյան

Լևոն Լիսիցյան
Ծնվել է	հունվարի 9, 1892(1892-01-09)
Ծննդավայր	Թիֆլիս, Ռուսական կայսրություն
Մահացել է	փետրվարի 20, 1921(1921-02-20) (29 տարեկան)
Մահվան վայր	Վաղարշապատ, Հայկական ԽՍՀ
Կրթություն	Վիեննայի համալսարան (1914)
Մասնագիտություն	արվեստագետ, պատմաբան և հասարակական գործիչ
Աշխատատու	Երևանի պետական համալսարան
Ծնողներ	հայր՝ Ստեփան Լիսիցյան

Լևոն Ստեփանի Լիսիցյան (հունվարի 9, 1892(1892-01-09), Թիֆլիս, Ռուսական կայսրություն - փետրվարի 20, 1921(1921-02-20), Վաղարշապատ, Հայկական ԽՍՀ, թաղված է քաղաքային զբոսայգում, զոհված կոմունարների հիշատակը հավերժացնող կոթողի ներքո), հայ արվեստաբան, պատմաբան, հասարակական գործիչ։

Ստեփան Լիսիցյանի որդին է։ Նազելի և Սրբուհի Լիսիցյանների եղբայրը։

Կենսագրություն

1914 թվականին ավարտել է Վիեննայի համալսարանը, 1917 թվականին սովորել է Թիֆլիսի սպայական դպրոցում։ 1911-1914 թվականներին Վիեննայում աշակերտել է պրոֆեսոր Յուրի Ստրժիգովսկուն, աշխատակցել նրա «Հայերի ճարտարապետությունը և Եվրոպան» երկհատոր աշխատությանը (գերմաներեն, 1918 թվական)։ 1914-1916 թվականներին եղել է Փախստականների օգնության կոմիտեի լիազոր ներկայացուցիչ՝ ռուս-թուրքական սահմանամերձ գոտում։ 1916-1917 թվականներին Պետրոգրադում աշխատակցել է պրոֆեսոր Նիկողայոս Մառին, 1918-1920 թվականներին՝ Հովհաննես Թումանյանի գլխավորած «Համաշխարհային պատերազմում հայ ժողովրդի կրած վնասների քննիչ հանձնաժողովի» ռազմապատմական բաժնի քարտուղար։ Այդ ընթացքում գրել է «Հայերի մասնակցությունը 1914-1918 թվականների համաշխարհային պատերազմին» ակնարկը (ՀԱԱ, ֆ. 428, ց. 1, գ. 77)։

1920 թվականի դեկտեմբերից դասախոսել է Երևանի պետական համալսարանում, նշանակվել Սուրբ էջմիածնի վանքի մշակութապատմական արժեքների ազգայնացման կոմիսար, ձեռնամուխ է եղել Մատենադարանի, Հայաստանի պատմության թանգարանի, Կուլտուր-պատմական ինստիտուտի ստեղծմանը։ Զոհվել է 1921 թվականի փետրվարյան հակախորհրդային ապստամբության ժամանակ։

Գրականություն

• Էվոյան Վ., Փաստաթղթեր Լևոն Լիսիցյանի մասին, ԲՀԱ, 1972, № 1, էջ 183-196։
• Հարությունյան Վ., Գիտական մի համագործակցության մասին, ՊԲՀ, 1973, № 2։
• Ղարիբջանյան Գ., Վարդանյան Լ., Լևոն Լիսիցյան. 1892-1921 թվականներ, ԼՀԳ, 1993, № 1։