Լևոն Իսեցկի
| Լևոն Իսեցկի | |
|---|---|
 | |
| Բնօրինակ անուն | Լևոն Նիկոլայի Տեր-Հովհաննիսյան |
| Ի ծնե անուն | Լևոն Նիկոլայի Իսեցկի |
| Ծնվել է | դեկտեմբեր 1888 Թիֆլիս, Ռուսական կայսրություն |
| Մահացել է | մայիսի 10, 1946[1] (57 տարեկան) Թբիլիսի, Վրացական ԽՍՀ, ԽՍՀՄ |
| Ժանրեր | օպերա |
| Մասնագիտություն | օպերային երգիչ, բաս |
| Գործիքներ | վոկալ |
| Պարգևներ | |
Լևոն Նիկոլայի Իսեցկի (իսկական ազգանունը՝ Տեր-Հովհաննիսյան) (դեկտեմբեր 1888, Թիֆլիս, Ռուսական կայսրություն - մայիսի 10, 1946[1], Թբիլիսի, Վրացական ԽՍՀ, ԽՍՀՄ), հայ խորհրդային երգիչ (բաս)։ ՎԽՍՀ (1932) և ՀԽՍՀ (1934) վաստակավոր արտիստ, ՎԽՍՀ Ժողովրդական արտիստ (1943)։
Կենսագրություն
[խմբագրել | խմբագրել կոդը]1915 թվականին ավարտել է Թիֆլիսի երաժշտական ուսումնարանը, աշխատել օպերային թատրոնում։ 1924 թվականին Հայկանուշ Դանիելյանի և Շարա Տալյանի հետ մասնակցել է Լենինականի օպերային խմբի գործունեությանը։ 1926-1928 թվականներին կատարելագործվել է Միլանում, ելույթներ ունեցել Հոլանդիայի և Իտալիայի քաղաքներում։ 1928 թվականից աշխատել է Սարատովի, 1930 թվականից՝ Սվերդլովսկի, 1931 թվականից՝ Թբիլիսիի օպերային թատրոններում։ Վրացական ազգային օպերաների մի շարք գլխավոր դեր երգերի առաջին կատարողն է՝ Աբիո, Ցանգալա (Փալիաշվիլու «Աբեսալոմ և էթերի», «Դաիսի»), Գեորգի (Մ. Բալանչիվաձեի «Խարդախ Դարեջան»)։ Իսեցկին օժտված էր զորեղ և հյութեղ ձայնով, արտիստական հմայքով։ 1933 թվականից աշխատել է Երևանի (միաժամանակ Թբիլիսիի) օպերային թատրոնում, առաջին ներկայացման մեջ (Սպենդիարյանի «Ալմաստ») կերտել Նադիր շահի, այնուհետև Դոն Բազիլիոյի (Ռոսինիի «Սևիլյան սափրիչ», 1933), Մեֆիստոֆելի (Գունոյի «Ֆաուստ», 1933), Կոնչակի (Ա. Բորոդինի «Իշխան Իգոր», 1935), Գրեմինի (Պյոտր Չայկովսկու «Եվգենի Օնեգին», 1937), Ջրաղացպանի (Դորգոմիժսկու «Ջրահարս», 1938) և այլ կերպարներ։
Պարգևներ
[խմբագրել | խմբագրել կոդը]- Պարգևատրվել է «Պատվո նշան» և Աշխատանքային կարմիր դրոշի շքանշաններով։
Գրականություն
[խմբագրել | խմբագրել կոդը]- Թադևոսյան Ա., Լևոն Իսեցկի, Երևան, 1972։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Լևոն Իսեցկի Արխիվացված 2022-08-07 Wayback Machine
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 394)։ 
|
- 1888 ծնունդներ
- Թբիլիսի քաղաքում ծնվածներ
- Մայիսի 10 մահեր
- 1946 մահեր
- Թբիլիսի քաղաքում մահացածներ
- Աշխատանքային կարմիր դրոշի շքանշանի ասպետներ
- Պատվո շքանշանի ասպետներ (ԽՍՀՄ)
- Վրացական ԽՍՀ ժողովրդական արտիստներ
- ՀԽՍՀ վաստակավոր արտիստներ
- Անձինք այբբենական կարգով
- Երաժիշտներ այբբենական կարգով
- Հայ օպերային երգիչներ
- Վրացական ԽՍՀ վաստակավոր արտիստներ