Լուվրի դպրոց

Լուվրի դպրոց
Տեսակ	բարձրագույն ուսումնական հաստատություն և ազատ հասանելիության հրատարակություն
Հիմնադրված է	1882
Հիմնադրիր	Ժյուլ Ֆերրի
Անվանված է	Լուվր
Տնօրեն	Քլեր Բարբիլոն
Անդամակցություն	Վերափոխվել
Երկիր	Ֆրանսիա
Տեղագրություն	Փարիզ
Կայք	ecoledulouvre.fr(ֆր.)
	École du Louvre Վիքիպահեստում

Լուվրի դպրոց (ֆր.՝ École du Louvre), բարձրագույն ուսումնական հաստատություն: Գտնվում է Փարիզի Լուվրի պալատում (Ֆրանսիա): Այն նվիրված է հնագիտության, արվեստի պատմության, մարդաբանության և վիմագրության ուսումնասիրությանը:

Ընդունելությունը հիմնված է հիմնական դպրոցի ավարտից հետո ընդունելության մրցութային քննության վրա, չնայած շրջանավարտները կարող են դիմել նաև 2-3 տարվա համալսարանական կրթությունից հետո պատմության, գրականության, աշխարհագրության, փիլիսոփայության և արվեստի ոլորտներում բարձրորակ կրթություն ստանալու, գիտելիքներ ձեռք բերելու նպատակով^[3]:

Դպրոցն առաջարկում է բակալավրիատի, մագիստրատուրայի, դոկտորանտուրայի, ինչպես նաև քաղաքացիական ծառայության ընդունելության քննությունների նախապատրաստական դասընթացներ^[4]:

Պատմություն[խմբագրել | խմբագրել կոդը]

Լուվրի դպրոցը հիմնադրվել է 1882 թվականին` նպատակ ունենալով ուսումնասիրել հավաքածուները, ճանաչողական գիտելիքներ տալ, կրթական լայն հնարավորություններ ստեղծել ուսանողների համար: Այն ստեղծվել է եվրոպական բարձրագույն կրթության ընդլայնման նպատակով: Ի սկզբանե գործունեություն է ծավալել հնագիտության բնագավառում, բայց շուտով ընդլայնվում է՝ ընդգրկելով հարակից առարկաներ՝ արվեստի պատմություն, մարդաբանություն, հնագույն լեզուներ: Ուսանողներին որակյալ կրթություն տրամադրելուց բացի Լուվրի դպրոցը դասախոսություններ էր կարդում նաև լայն հանրությանը:

1920 թվականին դպրոցը ստեղծեց արվեստի պատմության դասընթաց, որը դարձավ ուսումնական ծրագրի հիմքը: Այս դասընթացը հաջորդ տարիներին զարգացավ ասպիրանտուրայում:

1927 թվականին դպրոցը նորարարական դարձավ՝ ստեղծելով աշխարհում առաջին թանգարանագիտության ամբիոնը: 2006 թվականից Լուվրի դպրոցը համահունչ է Բոլոնիայի գործընթացին և առաջարկում է բակալավրի որակավորման աստիճան երեք տարի ուսուցումից հետո, մագիստրոսի աստիճան՝ երկու տարի ուսուցումից հետո և հետազոտողի աստիճան՝ երեք տարի ուսուցումից հետո: Այն նաև տրամադրում է նախապատրաստական դասընթացներ պետական ծառայության որոշ քննություններին մասնակցելու, ինչպես նաև գիտական կոնֆերանսներ անցկացնելու համար: Ընդհանուր առմամբ այստեղ աշխատում էր մոտ 700 ուսուցիչ:

Ուսանողներն ուսումնասիրում են «Արվեստի ընդհանուր պատմություն» առարկան: Դասախոսությունները անց են կացվում ամֆիթատրոնում, իսկ ուսումնական պիտույքները տրամադրվում են տարբեր թանգարաններում:

Առաջին դասընթացը նվիրված է անտիկ աշխարհին՝ շեշտը դնելով նախապատմական, դասական և արևելյան հնագիտության վրա, իսկ երկրորդ դասընթացը՝ միջնադարի և Վերածննդի դարաշրջանի ուսումնասիրությանը:

Վերջին դասընթացը նվիրված է ժամանակակից արվեստի պատմությանը, ինչպես նաև Աֆրիկայի և Օվկիանիայի արվեստին, ներառյալ մարդաբանությունը: Բացի հիմնական դասընթացից, առաջին կուրսում ուսանողները ընտրում են մասնագիտություն ուսման ամբողջ ընթացքում սովորելու համար, որը հայտնի է որպես cours organiques կամ spé: Ներկայումս գործում է 31 մասնագիտություն, այդ թվում՝ նկարչություն, գրաֆիկա, քանդակ, փորագրություն, կահույք, ճարտարապետություն, արդյունաբերական ձևավորում, կինո, նորաձևություն, լուսանկարչություն: Ուսանողները նաև ուսումնասիրում են էպիգրաֆիկա, դրամագիտություն, ժամանակակից լեզուներ:

Մագիստրատուրայի ուսման տևողությունը երկու տարի է: Առաջին տարում ուսանողները ուսումնասիրում են թանգարանագիտություն և հետազոտական մեթոդներ: Երկրորդ տարվա ավարտին ներկայացնում են մագիստրոսական թեզ հետազոտության և աշխատանքային փորձի վերաբերյալ:

Լուվրի դպրոցը փոխանակման պայմանագիր ունի Քվեբեկի Մոնրեալի համալսարանի, Վենետիկի Գիտության ինստիտուտի, ինչպես նաև Վենետիկի արվեստի համալսարանի և Գերմանիայի Հայդելբերգի համալսարանի հետ: 2014 թվականի հոկտեմբերին հայտարարվեց կրկնակի դիպլոմով մագիստրոսական նոր ծրագիր Ecole du Louvre-ի և Science Po-ի միջև^[5]:

Լուվրի դպրոցն ունի արվեստի պատմության և հնագիտության ամենամեծ հավաքածուներից մեկը, որը հասանելի է գիտնականներին և ուսանողներին: Դպրոցը պարբերաբար հրատարակում է գրքեր, դասագրքեր և հետազոտական ուսումնասիրություններ՝ հաճախ համագործակցելով արտաքին հրատարակչությունների հետ: