Լուսին Ամարա

Վիքիպեդիայից՝ ազատ հանրագիտարանից
Լուսին Ամարա
Բնօրինակ անուն Lucine Amara
Ի ծնե անուն ԹագուհիԱրմաղանյան
Ծնվել է մարտի 1, 1927({{padleft:1927|4|0}}-{{padleft:3|2|0}}-{{padleft:1|2|0}}) (89 տարեկան)
Հարթֆորդ
Երկիր Flag of the United States.svg ԱՄՆ
Ժանրեր օպերա
Մասնագիտություն օպերային երգչուհի (սոպրանո)
Գործիքներ ջութակ
Կայք verismopera.org

Լուսին Ամարա, իսկական անուն-ազգանունը՝ Թագուհի Արմաղանյան (անգլ.՝ Lucine Amara, մարտի 1, 1927, Հարթֆորդ), ծագումով հայ, ամերիկյան օպերային երգչուհի (սոպրանո), Նյու Յորքի Մետրոպոլիտեն օպերայի մեներգչուհի[1]։

Կենսագրություն[խմբագրել | խմբագրել կոդը]

Լուսինե Ամարան ծնվել է 1925 թ. մարտի 1-ին[2][3], ԱՄՆ-ի Հարթֆորդ քաղաքում, կոշկակար Ջորջ Արմաղանյանի և Ադրիան Ղազանչյանի ընտանիքում [4]: Ամարան մանուկ հասակից երգել է Սան Ֆրանցիսկոյի հայկական եկեղեցում։ Այնտեղ էլ նա ավարտել է երաժշտական դպրոցի ջութակի և դաշնամուրի դասարանը։ Նրա համերգային դեբյուտը կայացել է 1946 թվականին «War Memorial Opera House»-ում։ Սովորել է Արևմուտքի երաժշտական ակադեմիայում, Հարավային Կալիֆոռնիայի համալսարանում։ 1948 թվականին Լոս Անջելեսի երաժշտական մրցույթում շահել է 1-ին մրցանակ։ 1940-1949 թթ. երգել է Սան Ֆրանցիսկոյի հայկական եկեղեցում։ 1950 թվականին ընդունվել է Նյու Յորքի Մետրոպոլիտեն օպերա, հետագայում դարձել է նրա «աստղերից»: Կատարել է շուրջ 60 դերերգ՝ Դոննա Էլվիրա (Վոլֆգանգ Մոցարտի «Դոն Ժուան»), Աիդա, Դեզդեմոնա (Ջուզեպպե Վերդիի «Աիդա», «Օթելլո»), Միմի, Տոսկա, Չիո Չիո-Սան (Ջակոմո Պուչչինիի «Բոհեմ», «Տոսկա», «Չիո Չիո-Սան») և այլն։ Հանդես է եկել նաև համերգներով, կատարել սոպրանոյի երգամասերը Լյուդվիգ վան Բեթհովենի «Իններորդ սիմֆոնիայում» և Ջուզեպպե Վերդիի «Ռեքվիեմում»: Համերգային ծրագրերում ընդգրկել է նաև հայկական երգեր՝ Կոմիտասի «Կռունկ», «Դլե յաման», Ռոմանոս Մելիքյանի «Վարդը» և այլն։ Ամարան հանդես է եկել աշխարհի լավագույն բեմահարթակներում, նրա երգարվեստը բարձր է գնահատվել միջազգային մամուլում։ 1965 և 1991 թթ. Աիդայի դերերգով և մենահամերգներով Ամարան ելույթներ է ունեցել Երևանում։ Թոշակի անցնելուց հետո, դարձել է Նյու Ջերսիի օպերային թատրոնի խորհրդական և վարպետության դասեր է տվել ԱՄՆ-ում, Կանադայում և Մեքսիկայում: 2005 թ. եղել է «Մուզիկա Բելլա» նվագախմբի համերգային ծրագրի հատուկ հյուրը[2]:

Aquote1.png Ամարան մեզ է դարձրել ջութակ ու նվագում է մեր լարերի վրա Aquote2.png


Նյու Յորքի Մետրոպոլիտեն օպերային թատրոնի առաջատար երգչուհի Լուսին Ամարային (սոպրանո) նշանավոր ջութակահար Իսահակ Շտերնը անվանել է «Երգող ջութակ»:

Ֆիլմացանկ[խմբագրել | խմբագրել կոդը]

  • 1951- Մեծն Կառուզոն
  • 1952- Կարմեն (հեռուստատեսային), Ֆրեսքիտա
  • 1965- 19-րդ ամենամյա «Տոնի» մրցանակաբաշխություն

Պարգևներ[խմբագրել | խմբագրել կոդը]

  • Երգիչների համաամերիկյան մրցույթի 1-ին մրցանակ, 1948
  • Վոկալային արվեստի միջազգային ակադեմիայի «Բեմական Փառք» տիտղոս, 1989

Գրականություն[խմբագրել | խմբագրել կոդը]

  • The Metropolitan Opera Encyclopedia (խմբ. Դավիթ Հեմիլթոն), Նյու Յորք, «Simon & Schuster, New York, 1987. AS NEW IN D/W», 1991, ISBN 0-671-61732-X։
  • Էրիկ Մայերս. «Reunion: Lucine Amara» (անգլ.) // Opera News.- սեպտեմբեր, 2005 թ.

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png