Լուսիկ Քոշյան

Լուսիկ Քոշյան
Հիմնական տվյալներ
Ի ծնե անուն	Լուսիկ Գևորգի Քոշյան
Ծնվել է	1921 ապրիլի 2 Բաքու Բաքու, Ադրբեջանական ԽՍՀ
Երկիր	Հայկական ԽՍՀ
Մահացել է	հոկտեմբերի 26, 1984(1984-10-26) (տարիքը 63) Երևան Երևան, Հայկական ԽՍՀ, ԽՍՀՄ
Ժանրեր	ժողովրդական
Մասնագիտություն	երգչուհի
Գործիքներ	վոկալ
Պարգևներ	և ժողովրդական արտիստ

Լուսիկ Գևորգի Քոշյան (ապրիլի 2, 1921(1921-04-02), Բաքու, Ադրբեջանական ԽՍՀ - հոկտեմբերի 26, 1984(1984-10-26), Երևան, Հայկական ԽՍՀ, ԽՍՀՄ), հայ ժողովրդական երգչուհի, ՀԽՍՀ ժողովրդական արտիստ (1961)։

Կենսագրություն

Ծնվել է Բաքվում։ 1938-1961 թթ. եղել է հայկական ժողովրդական երգի-պարի անսամբլի առաջատար մենակատարուհի, 1961-1984 թթ.` Հայֆիլհարմոնիայի մենակատարուհի։ Կատարողական վարպետությունը ձևավորվել է անսամբլում՝ Թաթուլ Ալթունյանի, Իլյա Արբատովի, Է. Մանուկյանի ղեկավարությամբ։ Նրա կատարմամբ լայն ճանաչում են գտել «Բինգյոլ», «Մաճկալ», «Ես պուճուր եմ», «Լուսնյակ գիշեր», «Ջաղացս պատիկ-պատիկ» ժողովրդական, գուսաններ Ջիվանու, Շերամի, Հավասու, Աշոտի, Շահենի երգերը։ Հանդես է եկել ԽՍՀՄ քաղաքներում, արտերկրում։ Պարգևատրվել է Պատվո շքանշանով։ 1961 թվականին արժանացել է ՀԽՍՀ ժողովրդական արտիստի կոչմանը։ Մահացել է Երևանում։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 474)։