Լուլուա

Բերդ
	Լուլուա
Վարչական տարածք	Արևմտյան Հայաստան
Երկրամաս	Ադանայի նահանգ
Այլ անվանումներ	Լալիան, Լալուա, Լեվե, Լուլա բերդ, Լուլե, Լուլելս, Լուլիան, Լուլոն, Լուլվա բերդ, Լուլուի բերդ, Լուլուկ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Լուլուա, միջնադարյան բերդ Կիլիկիայում, Տավրոս լեռնաշղթայի հյուսիսային ստորոտում։ Գտնվում է Կիլիկիայից Կապադովկիա տանող տարանցիկ ճանապարհի վրա եղած Գուգլակի կիրճի հյուսիսային ծայրամասում, բարձունքի վրա (այժմ՝ ավերված)։ Հսկող դիրք ունենալով հիշյալ ճանապարհին՝ բազմիցս ձեռքից ձեռք է անցել։ Իկոնիայի սուլթանության և Կիլիկիայի հայկական պետության միջև դարձել էր սահմանային ազատ շուկա, ուր գալիս էին Միջին Ասիայի, Կովկասի, Պարսկաստանի, Իտալիայի, Ֆրանսիայի, Կիպրոսի և այլ երկրների առևտրականներ։ Շրջակա վայրերը հարուստ էին արծաթի, երկաթի և բորակի հանքերով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 676)։