Լուիզա թագուհու հուշարձան

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Լուիզա թագուհու հուշարձան
Восстановленный памятник королеве Луизе в парке Якобсруэ.jpg
Լուիզա թագուհու հուշարձան Յակոբսրուե այգում
Կոորդինատներ55°4′26″ հս․ լ. 21°52′42″ ավ. ե. / 55.07389° հս․. լ. 21.87833° ավ. ե. / 55.07389; 21.87833Կոորդինատներ: 55°4′26″ հս․ լ. 21°52′42″ ավ. ե. / 55.07389° հս․. լ. 21.87833° ավ. ե. / 55.07389; 21.87833
Գտնվում էՌուսաստան Ռուսաստան
Սովետսկ
Կառուցվել է1900
Շինության ձևըԿարարայի մարմարից հուշարձան
Կառուցել էԳուստավ Էբերլեյն
Ներկա վիճակըվերականգնվել է 2014 թվականին

Լուիզա թագուհու հուշարձան (ռուս.՝ Памятник королеве Луизе), Պրուսիայի թագուհի Լուիզային նվիրված հուշարձան Ռուսաստանի Կալինինգրադի մարզի Սովետսկ քաղաքի Յակոբսրուե այգում: Հուշարձանի ընդհանուր բարձրությունը 8 մետր է, Լուիզա թագուհու արձանը՝ 3 մետր, պատվանդանի բարձրությունը՝ 5 մետր:

Հուշարձանի հեղինակն է գերմանացի քանդակագործ Գուստավ Էբերլեյնը: Կարարայի սպիտակ մարմարից պատրաստված հուշարձանը բացվել է 1900 թվականի սեպտեմբերի 22-ին Պրուսիայի կայսր Վիլհելմ II-ի ներկայությամբ: Հուշարձանը համարվում է Սովետսկ քաղաքի խորհրդանիշերից մեկը[1]:

Նկարագրություն[խմբագրել | խմբագրել կոդը]

Լուիզա թագուհու՝ Կարարայի սպիտակ մարմարից պատրաստված հուշարձանը համարվում է Յակոբսրուե այգու զարդը: Քանդակագործը թագուհու վեհասքանչ արձանը (քանդակի բարձրությունը մոտ երեք մետր է) կերտել է թագավորական հագուստով: Թագուհու գլխին դրված է գոհարակուռ վարսակալ, ձախ ձեռքում նա ուներ թիկնոց, աջ ձեռքում՝ մի փունջ կապույտ տերեփուկներ:

Հուշարձանի ստեղծման պատմություն[խմբագրել | խմբագրել կոդը]

Լուիզա թագուհին միշտ էլ սիրված և գնահատված է եղել Տիլզիտում: Նրա կերպարը, որն իր հայրենիքի հանդեպ անսահման սիրո և բարձր իդեալների զոհաբերության դրսևորում էր, օրինակ է հանդիսանում այս քաղաքի բազմահազար սերունդների համար:

Թագուհու անունով է կոչվել Տիլզիտի Նեման գետի վրա գտնվող կամուրջը, առաջին կինոթատրոնը, կանանց բարձրագույն դպրոցը, դեղատուն և դեպի Յակոբսրուե այգի տանող ծառուղին: Այս այգում կազմակերպված երկու արդյունաբերական ցուցահանդեսի ժամանակահատվածում է որոշվել հավերժացնել թագուհի Լուիզայի հիշատակը:

Լուիզա թագուհու հուշարձանը մինչև պատերազմ

Պրուսիայի թագուհու հուշարձանը բացվել է 1900 թվականի սեպտեմբերի 22-ին: Բացմանը ժամանել է կայսր Վիլհելմ II-ը: Թագուհու քանդակը սպիտակ մարմարից կերտել է քանդակագործ Գուստավ Էբերլեյնը, որը Բեռլինի Թագավորական պրուսական արվեստի ակադեմիայի պրոֆեսոր էր:

Երկրորդ համաշխարհային պատերազմից հետո թագուհու հուշարձանը ավերվել է, պատվանդանի վրա խորհրդային ժամանակաշրջանում տեղադրվել է ֆուտբոլիստի գիպսից արձան գնդակի հետ, սակայն այն հետագայում նույնպես ավերվել է: Երկար ժամանակ այն վայրը, որտեղ ժամանակին կանգնած էր թագուհու հոյակերտ արձանը, լքված էր, սակայն քաղաքային իշխանությունները երբեք չեն դադարել մտածել հուշարձանը վերականգնելու մասին: 2009 թվականին, ի վերջո, սկսվել են աշխատանքներ այդ ուղղությամբ: Ֆինանսավորումն իրականացվել է Լիտվա-Լեհաստան-Ռուսաստան եվրոպական հարևանության և գործընկերության միջսահմանային համագործակցության շրջանակներում: Եվրոպական Միությունը հուշարձանի վերակառուցման համար հատկացրել է ավելի քան 14 միլիոն ռուբլի: Վերականգնողական աշխատանքները իրականացրել են «Վերշինի» ստեղծագործական արվեստանոցի փորձառու մասնագետները «Ժառանգություն» ստեղծագործական արտադրամասի հանձնարարությամբ: «Ժառանգություն» արվեստանոցի մասնագետները, հենվելով պահպանված նախապատերազմական լուսանկարների վրա, կարողացել են վերստեղծել հին հուշարձանի տեսքը: Արձանը հնարամտորեն վերակառուցել են («Ժառանգության» պատվերով) սանկտպետերբուրգցի քանդակագործ Պավել Իգնատևը և Դենիս Պրասոլովը:

Քանդակագործները մասնավորապես խորհրդակցել են գերմանացի պրոֆեսոի հետ, ուսումնասիրել Էբերլեյնի աշխատանքները, բառացիորեն խոշորացույցով ուսումնասիրել են արձանի պատկերը և թագուհու այլ պատկերներ (դիմանկարներ, կիսանդրիներ և մահման դիմակ): Հուշարձանի հանդիսավոր վերաբացումը տեղի է ունեցել 2014 թվականի հուլիսի 6-ին:

Քաղաքի խորհրդանիշ[խմբագրել | խմբագրել կոդը]

Լուիզա թագուհու հուշարձանը քաղաքի հիմնական տեսարժան վայրերից էր, Տիլզիտի սիրված խորհրդանիշը, որը պատկերված էր բազմաթիվ բացիկների և քաղաքի տեսարաններով հուշանվերների վրա: 2014 թվականին հուշարձանի վերականգնումից հետո այդ կերպարը պետք է շարունակի առաջատար տեղ զբաղեցնել հուշանվերների արտադրության մեջ:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]