Լուիզա Գեգա
| Լուիզա Գեգա | |
|---|---|
_31_(cropped).jpg) | |
| Անձնական տեղեկություն | |
| Սեռ՝ | իգական |
| Բնօրինակ անուն՝ | Luiza Gega |
| Ազգություն՝ | ալբանացի |
| Մասնագիտացում՝ | թեթև ատլետ |
| Երկիր՝ |  Ալբանիա |
| Ծննդյան ամսաթիվ՝ | նոյեմբերի 5, 1988 (35 տարեկան) |
| Ծննդավայր՝ | Դիբարի շրջան, Ալբանիա |
| Մարզիչ(ներ)՝ | Տաուլանտ Ստերմասի |
| 158 սմ | |
| Քաշ՝ | 50 կգ |
Լուիզա Գեգա (ալբ․՝ Luiza Gega, նոյեմբերի 5, 1988[1], Okshtun i Madh, Ալբանիա[2]), ալբանացի թեթև ատլետ, ով հանդես է գալիս վազք միջին տարածությունում (800, 1500 և 3000 մետր) և ստիպլ-չեյս մարզաձևերում. այդ կատեգորիաներից յուրաքանչյուրում դարձել է Ալբանիայի ռեկորդակիր։ Տիրանայի մարզական համալսարանի շրջանավարտ է (գիտությունների մագիստրոս)։
Կարիերա[խմբագրել | խմբագրել կոդը]
2010 թվականի Եվրոպայի առաջնության երրորդ լիգայի մրցություններում հաղթել է իր երկու վազքատարածություններում՝ դառնալով հայրենի երկրի միակ ներկայացուցիչը, որ մրցանակի է արժանացել առաջնությունում։ Լուիզա Գեգան մասնակցել է 2011 թվականի Եվրոպայի՝ շինության ներսում անցկացվող առաջնությանը, որ տեղի է ունեցել Փարիզում։ 800 մետր տարածությունում իր նախնական վազքը նա ավարտել է վերջինը, սակայն սահմանել է անձնական ռեկորդ։
2011 թվականի Ալբանիայի առաջնությունում ազգային ռեկորդներ է սահմանել 800 մետր (2.02,94) և 3000 մետր խոչընդոտներով (9.54,72) վազքատարածություններում։ Նույն թվականի Եվրոպայի թիմային առաջնությունում ստիպլ-չեյս վազքատարածությունն անցել է 10.02,88 վայրկյանում՝ դառնալով երկրորդը երրորդ լիգայում։ 1500 մետր վազքատարածությունում նա գրավել է առաջին տեղը (4.19,50)։ Այդ մրցանակային տեղերի կրկին միակն էին Ալբանիայի համար։
Բալկանների թեթև ատլետիկայի առաջնությունում՝ 2011 թվականի հուլիսի 2-ին, Լուիզա Գեգան ոսկե մեդալի է արժանացել 1500 մետր վազքատարածությունում՝ սահմանելով անձնական ռեկորդ (4.14,22)[3]: Հաջորդ օրը երկրորդ տեղն է գրավել ստիպլ-չեյսում[4]։
Լուիզա Գեգան 2011 թվականին Շենչժենում անցկացվող ամառային Ունիվերսիադայի ժամանակ 800 մետր վազքատարածությունում հասել է կիսաեզրափակիչ, որտեղ դարձել է յոթերորդը՝ ցույց տալով 2.04,13 արդյունք[5]։
2011 թվականի աշխարհի առաջնությունում, որ անցկացվում էր Դեգուում, Լուիզա Գեգուն Ալբանիայի միակ ներկայացուցիչն էր[6]։ 800 մետր տարածությունում նախնակա վազքի ժամանակ նա եղել է հինգերորդը (2.03,21), ինչը նրան թույլ չի տվել շարունակել մասնակցությունը։
2012 թվականի ձմեռային մրցաշրջանում Լուիզա Գեգան Բալկանների առաջնությունում հաղթել է 1500 մետր վազքատարածությունում՝ սահմանելով Ալբանիայի նոր ռեկորդ (4.10,75)[7]: Սակայն աշխարհի՝ շինության ներսում անցկացվող առաջնությունում, որ նույնպես տեղի է ունեցել Ստամբուլում, ցույց է տվել 4.13,45 արդյունք, ինչի պատճառով չի կարողացել մասնակցել եզրափակչին։
2014 թվականի աշխարհի՝ շինության ներսում անցկացվող առաջնությունում գրավել է յոթերորդ տեղը (4.08,24)[8]:
2015 թվականի մայիսի 15-ին Դոհայում անցկացվող Ադամանդե լիգայի առաջնությունում Լուիզա Գեգան թարմացրել է ազգային ռեկորդը 1500 վազքատարածությունում (4.02,63)[9]:
Լուիզա Գեգան մասնակցել է 2015 թվականի Եվրոպական խաղերի թիմային առաջնությանը, որ անցկացվում էր Բաքվում. այդտեղ նա հաղթել է 1500 մետր վազքատարածությունում՝ սահմանելով Եվրոպայի խաղերի ռեկորդ՝ 4.11,58[10], իսկ 800 մետր վազքատարածությունում զբաղեցրել է երկրորդ տեղը (2.02,36)[11]:
2015 թվականի աշխարհի առաջնությունում, որ անցկացվում էր Պեկինում, նախընտրական փուլում գրավել է 21-րդ տեղը և դուրս մնացել մրցությունից։
Ծանոթագրություններ[խմբագրել | խմբագրել կոդը]
- ↑ World Athletics database
- ↑ 2,0 2,1 Luiza Gega Given 'Honorary Citizen' Title in Bulqiza
- ↑ Կանանց վազքի արդյունքները 1500 մետր տարածությունում (2 հուլիսի, 2011) Արխիվացված 2011-07-08 Wayback Machine(անգլ.)
- ↑ Կանանց ստիպլ-չեյսի արդյունքները (2 հուլիսի, 2011) Արխիվացված 2011-07-08 Wayback Machine(անգլ.)
- ↑ Կանանց երկրորդ կիսաեզրափակչի արդյունքները 800 մետր վազքատարածությունում (17 օգոստոսի, 2011) Արխիվացված 2011-10-07 Wayback Machine(անգլ.)
- ↑ FSHA: Luiza Gega, e vetme në Botërorin e Daegusë Հրապարակում AlbanianSport.net կայքում (3 օգոստոսի, 2011 թվական)(ալբ.)
- ↑ 2012 թվականի Բալկանների՝ շինության ներսում անցկացվող թեթև ատլետիկայի առաջնությունում կանանց ցույց տված արդյունքները Արխիվացված 2012-02-27 Wayback Machine(անգլ.)(թուրքերեն)
- ↑ Կանանց վազքի արդյունքները 1500 մետր տարածությունում (8 մարտի, 2014)(չաշխատող հղում)(անգլ.)
- ↑ Դոխայում անցկացվող Ադամանդե լիգայի առաջնությունում սահմանված ռոկերդների ցանկ (15 մայիսի, 2015)(անգլ.)
- ↑ Կանանց վազքի արդյունքները 1500 մետր տարածությունում (21 հունիսի, 2015) Արխիվացված 2015-06-24 Wayback Machine(անգլ.)
- ↑ Կանանց վազքի արդյունքները 800 մետր տարածությունում (20 հունիսի, 2015) Արխիվացված 2015-06-24 Wayback Machine(անգլ.)
Արտաքին հղումներ[խմբագրել | խմբագրել կոդը]
- Լուիզա Գեգայի էջը IAAF կայքում (անգլ.)
- Լուիզա Գեգայի էջը All-Athletics.com կայքում Արխիվացված 2016-08-12 Wayback Machine (անգլ.)
- Լուիզա Գեգայի էջը 2013 թվականի Ամառային ունիվերսիադայի կայքում Արխիվացված 2014-03-08 Wayback Machine
- Luiza Gega, atletja 44 kg që theu rekordin e Pavlina Evros Հրապարակում Gazeta SOT կայքում, 15 հունիսի, 2011 թվական (ալբ.)
 | Վիքիպահեստն ունի նյութեր, որոնք վերաբերում են «Լուիզա Գեգա» հոդվածին։ |
|
