Լոս Կարդոնես ազգային պարկ

Լոս Կարդոնես ազգային պարկ; Parque Nacional Los Cardones
Տեսակ	ազգային պարկ
Երկիր	Արգենտինա
Վարչատարածք	Սալտա
Հիմնվել է	նոյեմբերի 20, 1996
Մակերես	641,17 կմ²

Լոս Կարդոնես ազգային պարկ (իսպ.՝ Parque Nacional Los Cardones), ազգային պարկ Արգենտինայում։ Տեղակայված է Սալտա պրովինցիայի արևմուտքում, Սանտ Կառլոս և Կաչի դեպարտամենտների միջև, Արգենտինայի հյուսիսարևմտյան հատվածում։

Տեղագրություն[խմբագրել | խմբագրել կոդը]

Պարկը պաշտպանում է Արգենտինայի Մոնտե էկոշրջանը^[1]։ Լոս Կարդոնես ազգային պարկն ընդգրկում է 650 քառ. կմ տարածք՝ բլուրներով և խորը կիրճերով, որոնք գտնվում են 2700-ից մինչև 5000 մ բարձրության վրա։ Այն իր անունը ստացել է մացառուտներում աճող Echinopsis terscheckii տեսակի կակտուսներից։ Հայտնաբերվել են հնագույն կենդանիների մնացորդներ, ինչպես նաև դինոզավրերի ոտնահետքեր։

Պահպանված տարածքը ստեղծվել է 1996 թվականին, երբ Ազգային պարկերի վարչությունը ձեռք բերեց հող՝ մասնավոր սեփականատերերից։

Կլիմա[խմբագրել | խմբագրել կոդը]

Պարկի մեծ մասում կլիման չոր է, որը բնութագրվում է մեծ ջերմային ամպլիտուդով (ցերեկային և գիշերային ջերմաստիճանների տարբերությունը մեծ է)^[2]։ Տեղումների քանակը միջինը տարեկան 150 մմ է. ամենաշատ տեղումները լինում են նոյեմբերից մարտ ամիսներին^[2]։ Ձյուն հազվադեպ է տեղում ցածրադիր վայրերում^[2]։ Ձմռանը միջին ջերմատիճանը 11 °C է, իսկ ամռանը՝ 18 °C^[2]։