Լոս Անջելես շրջանի արվեստի թանգարան

Վիքիպեդիայից՝ ազատ հանրագիտարանից
Jump to navigation Jump to search
Լոս Անջելես շրջանի արվեստի թանգարան
LACMA logo.png
Highsmithmaycompanywilshire.jpg
Տեսակպատկերասրահ
ԵրկիրFlag of the United States.svg ԱՄՆ
ՏեղագրությունԼոս Անջելես[1]
Ղեկավարության նստավայրԼոս Անջելես, Կալիֆոռնիա, ԱՄՆ
Հասցե5905 Wilshire Boulevard
Հիմնադրված է1910
ՀիմնադիրLeonard H. Straus?[2]
Մակերես80 000 քառակուսի մետր
ՏնօրենMichael Govan?
Կայքlacma.org(անգլ.)

Լոս Անջելես շրջանի արվեստի թանգարան (անգլ.՝ Los Angeles County Museum of Art, համառոտ՝ LACMA), գեղարվեստական թանգարան ԱՄՆ-ում, գտնվում է Կալիֆորնիա նահանգի Լոս Անջելես քաղաքում։

Ամերիկայի Միացյալ Նահանգների արևմտյան մասի խոշորագույն թանգարանն է, որը տարեկան ընդունում է ավելի քան 1 մլն այցելու։ Աշխարհի առավել շատ այցելվող 100 թանգարանների շարքում է[3]։ Հնագույնից մինչ ներկա ժամանակները ներկայացնող ավելի քան 150,000 ցուցանմուշ ունի։

Պատմություն[խմբագրել | խմբագրել կոդը]

Մինչև 1961 թվականը Լոս Անջելեսի շրջանային արվեստի թանգարանը 1910 թվականին «Exposition Park»-ում Լոս Անջելեսի Հարավային Կալիֆոռնիայի համալսարանի հարևանությամբ հիմնադրված Լոս Անջելեսի բնության պատմության թանգարանի մի մասն է եղել։

Առանձնացված թանգարանի առաջին հովանավորներն էին Հովարդ Ֆ. Ահմանսոնը (անգլ.՝ Howard F. Ahmanson), Աննա Բինգ Առնոլդը (անգլ.՝ Anna Bing Arnol) և Բարթ Լիտթոնը (անգլ.՝ Bart Lytton): Ահմանսոնըը 2 միլիոն դոլար է նվիրաբերել և հատուկ հանձնաժողովին համոզել է ստեղծել նոր թանգարան։ 1965 թվականին թանգարանը տեղափոխվել է Ուիլշիրի բուլվարի շենքը՝ դառնալով Արվեստի ազգային պատկերասրահից հետո ամենամեծ թանգարանը։ Թանգարանային համալիրը կառուցվել է Լինքոլնի կենտրոնի և Լոս Անջելեսի երաժշտական կենտրոնի նման ոճով և բաղկացած էր երեք շենքերից՝ «Ահմանսոն շենք» (անգլ.՝ Ahmanson Building), «Բինգ կենտրոն» (անգլ.՝ Bing Center) և «Լիտթոն» պատկերասրահ (անգլ.՝ Lytton Gallery), որը 1968 թվականին վերանվանվել է Ֆրենսիսի և Արմանդ Համերի շենք (անգլ.՝ Frances and Armand Hammer Building):

1980-ականներին թանգարանն առատաձեռնորեն ֆինանսավորվել է նվիրատվությունների միջոցով։ Էրլ Փաուելի (անգլ.՝ Earl Powell) տնօրինության տարիներին 209 միլիոն դոլար մասնավոր ներդրումներ են հավաքվել[4]։ Մինչ այժմ թանգարանում ստեղծվել են նոր տաղավարներ, շրջակա տարածքն առաձեռնվել է, ստեղծվել է ժամանակակից ենթակառուցվածքներ։

Գործունեություն[խմբագրել | խմբագրել կոդը]

Թանգարանի բաժիններից են՝ ժամանակակից արվեստի, ամերիկյան և լատինաամերիկյան արվեստի, ասիական և իսլամական արվեստի, ինչպես նաև հունական, հռոմեական և էտրուսական արվեստի բաժինները։ Գործում են արվեստի և արհեստի և դիզայն, լուսանկարչության և կինոնկարների բաժինները։ Թանգարանում հաճախ բացվում են արտ-ինստալիաիաներ և ցուցահանդեսներ։

Տարբեր տարիների թանգարանի տնօրեններն են եղել՝

  • 1961-1966 - Richard F. Brown,
  • 1966-1979 - Kenneth Donahue,
  • 1980-1992 - Earl A. Powell III,
  • 1992-1993 - Michael E. Shapiro,
  • 1993-1995 - Ronald B. Bratton,
  • 1996-1999 - Graham WJ Beal,
  • 1999-2005 - Andrea L. Rich,
  • 2006 թվականից - Michael Govan

Թանգարանի հաճախելիությունը անընդհատ աճում է։ 2010 թվականին այցելել է 914,356 մարդ[5]։ 2011 թվականին գերազանցել է մեկ միլիոն նշաձողը՝ այցելել է մոտ 1,200,000 մարդ[6]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]