Լոնդոն Բրիդ
| Լոնդոն Բրիդ | |
| |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Կալիֆոռնիայի համալսարան, Դևիս, Սան Ֆրանցիսկոյի համալսարան և Galileo Academy of Science and Technology? |
| Մասնագիտություն՝ | քաղաքական գործիչ |
| Ազգություն | աֆրոամերիկացի |
| Ծննդյան օր | օգոստոսի 11, 1974[1] (46 տարեկան) |
| Ծննդավայր | Սան Ֆրանցիսկո, Կալիֆոռնիա, ԱՄՆ |
| Քաղաքացիություն |  ԱՄՆ
|
| Կայք՝ | sfbos.org/index.aspx?page=13826 |
| Ինքնագիր | 
|
Լոնդոն Բրիդ (անգլ.՝ London Nicole Breed, օգոստոսի 11, 1974[1], Սան Ֆրանցիսկո, Կալիֆոռնիա, ԱՄՆ), ամերիկացի քաղաքական և պետական գործիչ, Սան Ֆրանցիսկոյի ներկայիս քաղաքապետ։
Կենսագրություն[խմբագրել | խմբագրել կոդը]
Բրիդը ծնվել և մեծացել է Սան Ֆրանցիսկոյում[2]։ Ծագում է ցածր եկամուտ ունեցող ընտանիքից։ Նրա քույրը 2006 թվականին մահացել է թմրանյութերի գերդոզայից, եղբայրը նրա քաղաքապետ ընտրվելու պահին գտնվել է բանտում։ Բրիդը գերազանցությամբ ավարտել է Գալիլեոյի ավագ դպրոցը[3], 1997 թվականին ավարտել է Դեյվիսի Կալիֆորնիական համալսարանը քաղաքագիտության բակալավրի աստիճանով, 2012 թվականին Սան Ֆրանցիսկոյի համալսարանում ստացել է մունիցիպալ կառավարման մագիստրոսի աստիճան։ 1999 թվականին Բրիդը, որպես սկսնակ աշխատել է քաղաքապետ Ուիլի Բրաունի աշխատակազմում։ 2002 թվականին Սան Ֆրանցիսկոյի քաղաքապետ Բրաունը Բրիդին նշանակել է աֆրոամերիկյան մշակույթի և արվեստի կենտրոնի գործադիր տնօրեն։
Հինգ տարվա ընթացքում Բրիդը զբաղեցրել է Վերակառուցման քաղաքային գործակալության հանձնաժողովի անդամի պաշտոնը, 2010 թվականին քաղաքապետ Գևին Նյուսոմի աջակցությամբ ընդգրկվել է հրդեհային անվտանգության հանձնաժողով։ Բրիդն ընտրվել է Սան Ֆրանցիսկոյի 5-րդ շրջանի դիտորդական խորհրդի անդամ։ 2015 թվականին ընտրվել է խորհրդի առաջնորդ։ 2017 թվականի դեկտեմբերի 12-ին սրտի կաթվածից մահացել է քաղաքապետ Էդ Լին, որից հետո Բրիդը ժամականավոր կատարել քաղաքապետի պարտականությունները։ 2018 թվականի հունվարի 23-ին դիտորդական խորհուրդը Բրիդի փոխարեն քաղաքապետի պաշտոնակատար է նշանակել Մարկ Ֆարելին՝ այդ պաշտոնում Բրիդի որպեսքաղաքապետի թեկնածու մասնակցության կապակցությամբ։ Լոնդոն Բրիդը հաղթել է քաղաքապետի հատուկ ընտրություններում, որը տեղի է ունեցել նույն տարվա հունիսի 5-ին[4], և հուլիսի 11-ին պաշտոնապես դարձել է Սան Ֆրանցիսկոյի 45-րդ քաղաքապետը[5][6][7]։ Նա այդ պաշտոնում առաջին աֆրոամերիկուհին է։
Ծանոթագրություններ[խմբագրել | խմբագրել կոդը]
- ↑ 1,0 1,1 Munzinger-Archiv (գերմ.) — 1913.
- ↑ «California Birth Index, London N Breed, born 1974»։ California Birth Index (en-US)։ Վերցված է դեկտեմբերի 13, 2017
- ↑ «Meet London Breed, San Francisco's first black woman mayor»։ Newsweek (անգլերեն)։ հունիսի 14, 2018։ Վերցված է սեպտեմբերի 24, 2018
- ↑ Knight Heather (հունիսի 13, 2018)։ «It's a really big deal that SF elected London Breed as mayor»։ San Francisco Chronicle։ Վերցված է հունիսի 13, 2018
- ↑ Melendez Lyanne (հուլիսի 11, 2018)։ «San Francisco welcomes new mayor London Breed, first African-American woman to hold position»։ abc7news.com։ Վերցված է օգոստոսի 27, 2018
- ↑ Ostler Scott։ «Big crowd at SF Civic Center sees London Breed sworn in as new mayor»։ SFChronicle.com։ Վերցված է օգոստոսի 27, 2018
- ↑ Fracassa Dominic (հուլիսի 11, 2018)։ «Big crowd at SF Civic Center sees London Breed sworn in as new mayor»։ San Francisco Chronicle։ Վերցված է հուլիսի 11, 2018
Արտաքին հղումներ[խմբագրել | խմբագրել կոդը]
- Meet London Breed, San Francisco’s first black woman mayor(անգլ.) / Newsweek
| ||||||
- ԱՄՆ դեմոկրատական կուսակցության անդամներ
- Օգոստոսի 11 ծնունդներ
- 1974 ծնունդներ
- Ապրող անձինք
- Սան Ֆրանցիսկո քաղաքում ծնվածներ
- Անձինք այբբենական կարգով
- 21-րդ դարի ամերիկացի քաղաքական գործիչներ
- Անձինք Կալիֆոռնիայից
- ԱՄՆ-ի քաղաքական գործիչներ
- 21-րդ դարի կին քաղաքական գործիչներ
- Ամերիկացի կին քաղծառայողներ
- Ամերիկացի պետական գործիչներ