Լոխ Նեյ

Վիքիպեդիայից՝ ազատ հանրագիտարանից
Picto infobox map.png
Լոխ Նեյ
Lough Neagh
Loch nEathach

Լոխ Նեյ լիճը
54°36′31″ հս․. լ. 6°21′50″ ամ. ե. / 54.6086° հս․. լ. 6.3638° ամ. ե. / 54.6086; -6.3638
Կոորդինատներ Կոորդինատներ: 54°37′6″ հս․ լ. 6°23′43″ ամ. ե. / 54.61833° հս․. լ. 6.39528° ավ. ե. / 54.61833; 6.39528
Տեղագրություն Արևմտյան Եվրոպա
Երկիր Մեծ Բրիտանիա Մեծ Բրիտանիա
Վարչատարածքային բաժանում Հյուսիսային Իռլանդիա
Ամենաբարձր կետը 16 մ
Ավազանի մակերեսը 396 կմ²
Ծավալը 3,528 կմ³
Ամենամեծ խորությունը 31 մ
Միջին խորությունը 9 մ
Ջրահավաքի մակերեսը 4550 կմ²
United Kingdom relief location map.jpg
United Kingdom relief location map.jpg
##Լոխ Նեյ (Հյուսիսային Իռլանդիա)
Red pog.svg
Commons-logo.svg Վիքիպահեստում

Լոխ Նեյ (իռլ.՝ Loch nEathach [ɫ̪ɔx ˈn̠ʲahax], անգլ.՝ Lough Neagh [ˌlɒx ˈneɪ]), քաղցրահամ լիճ Հյուսիսային Իռլանդիայում: Լճի մակերեսը կազմում է 396 կմ²: Մեծ Բրիտանիայի, ինչպես նաև Իռլանդիա կղզու խոշորագույն լիճն է։ Լիճը մոտավորապես ունի 30 կմ երկարություն և 15 կմ լայնություն։ Լոխ Նեյ լիճը գտնվում է Բելֆաստից 30 կմ դեպի արևմուտք։ Լիճը շատ խորը չէ, մասնավորապես առափնյա շրջաններում, միջին խորությունը կազմում է մոտ 9 մ, առավելագույն խորությունը՝ մոտ 31 մ։

Լճում տարածված են այնպիսի ձկնատեսակներ, ինչպիսիք են կարմրախայտը և օձաձուկը:

Աշխարհագրություն[խմբագրել | խմբագրել կոդը]

Ունենալով 392 կմ² մակերես, լիճը համարվում է Բրիտանական կղզիների ամենախոշոր լիճը, և մտնում է Եվրոպայի 40 խոշոր լճերի թվի մեջ։ Գտնվում է Բելֆաստից 30 կմ (20 մղոն) հեռավորության վրա։

Հիդրոլոգիա[խմբագրել | խմբագրել կոդը]

Ջրհավաքի մակերեսը կազմում է 4550 կմ², որից 9 %-ը գտնվում է Իռլանդիայի տարածքում, իսկ 91 %-ը՝ Հյուսիսային Իռլանդիայի տարածքում։ Ընդհանուր առմամբ Հյուսիսային Իռլանդիայի ցամաքային տարածքի 43 %-ը պատկանում է լճի ջրհավաքի մակերեսին։ Լիճը հյուսիսում Բանն գետով հոսք ունի դեպի Ատլանտյան օվկիանոս:

Չնայած, որ Լոխ Նեյ լիճն օգտագործվում է ռեկրեացիոն և կոմերցիոն նպատակներով, քամոտ եղանակին այն կարող է մրրկածուփ լինել։ Բացի այդ, լիճն օգտագործվում է որպես խմելու ջրի աղբյուր։

Անվանում[խմբագրել | խմբագրել կոդը]

Անվանման մեջ հանդիպող Լոխ բառը շատ տարածված է Շոտլանդիայի, Իռլանդիայի, Ուելսի աշխարհագրական անուններում։ Այն կելտերեն նշանակում է «լիճ»[1]:

Հին իռլանդական առասպելը պատմում է այն մասին, թե ինչպես է գոյացել լիճը։ Հայտնի իռլանդացի հերոս Ֆին Մակ Կումալը վերցրեց մի բուռ հող և նետեց այն Շոտլանդիա, բայց հողն ընկել է Իռլանդական ծով, այսպես առաջացել է Մեն կղզին։ Իսկ այն վայրն, որտեղից Ֆինը վերցրել է հողը, լիճ է գոյացել, որն այժմ հայտնի է Լոխ Նեյ անվանումով։

Քաղաքներ և գյուղեր[խմբագրել | խմբագրել կոդը]

Լճի մոտակայքում գտնվող քաղաքներն ու գյուղերն են՝ Քրեյգավոն, Անտրիմ, Կրումլին, Ռանդալսթաուն, Լուրգան և Մարաֆելթ:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս». 

Արտաքին հղումներ[խմբագրել | խմբագրել կոդը]