Լոլա Ալվարես Բրավո

Վիքիպեդիայից՝ ազատ հանրագիտարանից
Jump to navigation Jump to search
Լոլա Ալվարես Բրավո
Foto de Lola Alvarez Bravo (2267119327).jpg
Ի ծնե իսպ.՝ Dolores Concepción Martínez de Anda
Ծնվել է ապրիլի 3, 1903(1903-04-03)[1][2]
Ծննդավայր Խալիսկո, Մեքսիկայի Միացյալ Նահանգներ
Վախճանվել է հուլիսի 31, 1993(1993-07-31)[1][2] (90 տարեկանում)
Մահվան վայր Մեխիկո, Մեքսիկայի Միացյալ Նահանգներ[1]
Քաղաքացիություն Flag of Mexico.svg Մեքսիկայի Միացյալ Նահանգներ
Կրթություն Escuela Nacional Preparatoria
Մասնագիտություն լուսանկարիչ
Ամուսին Մանուել Ալվարես Բրավո

Լոլա Ալվարես Բրավո (իսպ.՝ Lola Álvarez Bravo, ծննդյան անունը՝ Դոլորես Մարտինես դե Անդա, ապրիլի 3, 1903(1903-04-03)[1][2], Խալիսկո, Մեքսիկայի Միացյալ Նահանգներ - հուլիսի 31, 1993(1993-07-31)[1][2], Մեխիկո, Մեքսիկայի Միացյալ Նահանգներ[1]), մեքսիկացի լուսանկարիչ: Թինա Մոդոտտիի, Ֆրիդա Կալոյի, Դիեգո Ռիվերայի և ամուսնու՝ Մանուել Ալվարես Բրավոյի հետ միասին Մեքսիկայում հետհեղափոխական վերածննդի առանցքային գործիչ:

Կենսագրություն[խմբագրել | խմբագրել կոդը]

Դոլորես Մարտինես դե Անդան ծնվել է հարուստ ընտանիքում Մեքսիկայի Խալիսկո նահանգի Լագոս դե Մորենոս քաղաքում: Մայրը մահացել է, երբ Լոլան երկու տարեկան էր, հինգ տարի հետո՝ 1916 թվականին, մահացել է հայրը[3]: Եղբոր հետ հաստատվել են մեծ եղբոր մոտ Մեխիկոյում: Լոլան սովորել է Սագրադո Կորասոն քոլեջում[4]:

Aquote1.png Չգիտեմ՝ ինչու դեռևս մանկությունից մտածում էի մի բան անել, որ ուրիշները չեն անում: Ամենաշատն ատում եմ, երբ ինձ պատվերներ են տալիս և սահմանափակում իմ ազատությունը[4]: Aquote2.png


Ամուսնություն, ընտանիք, բաժանում[խմբագրել | խմբագրել կոդը]

1925 թվականին Լոլան ամուսնացել է իր երկար տարիների ընկեր Մանուել Ալվարես Բրավոյի հետ[5] և տեղափոխվել Օախակա, որտեղ Մանուելն աշխատում էր ֆեդերալ կառավարությունում, իսկ Լոլան սկսել է ստեղծել իր առաջին լուսանկարները[3][6]: Նրանք Մեխիկո են տեղափոխվել և 1927 թվականին ծնվել է նրանց որդին՝ Մանուել կրտսերը: Լոլան և ամուսինը խնդիրներ են ունեցել և առանձնացել են 1934 թվականին, ամուսնալուծվել են 1948 թվականին[6]:

Գործունեություն[խմբագրել | խմբագրել կոդը]

Մանուելը լուսանկարչությամբ զբաղվել է պատանի տարիքում: Նա Լոլային սովորեցրել է լուսանկարել և միասին լուսանկարներ են ստեղծել Օախակայում: Մանուելը Լոլային նաև սովորեցրել է ֆիլմեր ստեղծել, ինչպես նաև մութ սենյակում դրանք տպել: Երբ նա լրջորեն սկսեց զբաղվել լուսանկարչությամբ, Լոլան դարձավ նրա օգնականը, չնայած Լոլայի մոտ մեծ էր ինքնուրույն նկարիչ դառնալու ցանկությունը: Նրանց բաժանումից հետո Լոլան պահեց Ալվարես Բրավո ազգանունը[4]:

1930-ական թվականներին ամուսնուց բաժանվելուց հետո Լոլան տարրական դպրոցում աշխատել է որպես արվեստի ուսուցիչ, այնուհետև՝ Կրթության վարչությունում զբաղեցրել է լուսանկարներ ցուցակագրողի պաշտոնը[6]: Պատահական հանդիպման ժամանակ լուսանկարել է կրթության նախարարին, ով հավանելով նկարը՝ Լոլայի աշխատանքները ցույց է տվել ազդեցիկ մարդկանց, ովքեր 1930-ական թվականներին նրան աշխատանքի են տեղավորել El Maestro Rural (Գյուղական ուսուցիչ) ամսագրում՝ որպես գլխավոր լուսանկարիչ[7]: Լոլան լուսանկարում էր Մեքսիկայի դպրոցները, գործարանները, ագարակները, որբանոցները, հրշեջ կայանները, հիվանդանոցները, որոնք հայտնվում էին ամսագրի հոդվածներում: Ալվարես Բրավոն հայտնի դարձավ, երբ 1940-ական թվականներին լուսանկարեց իր մոտ ընկերոջը՝ Ֆրիդա Կալոյին, որտեղ արտիստին լուսանկարել էր ավտոբուսի պատահարի և Դիեգո Ռիվերայի հետ հարաբերությունների ցավը վերապրելու ժամանակահատվածում:

Լոլա Ալվարես Բրավոն եղել է Գեղարվեստի ազգային ինստիտուտի լուսանկարների բաժնի տնօրեն: 1951 թվականին նա բացել է պատկերասրահ և առաջինն էր, որ Մեխիկոյում ցուցադրեց Ֆրիդա Կալոյի աշխատանքները[8]: Լոլան Սան Կառլոս ակադեմիայում լուսանկարչություն է դասավանդել[փա՞ստ]:

Շուրջ 50 տարի Լոլան լուսանկարել է տարբեր թեմաներ՝ ստեղծելով Մեքսիկայի գյուղերի ու քաղաքների փողոցների առօրյա կյանքի վավերագրական պատկերներ[8], տարբեր երկրների առաջնորդների դիմանկարներ: Նա հմտացել է նաև ֆոտոմոնտաժի գործում: Լուսանկարել է մինչև 79 տարեկան հասակում կուրանալը[9]:

Լոլայի աշխատանքները վավերագրում են Մեքսիկան և նրա ժողովրդի կենսակերպը մարդասիրական տեսանկյունից[4]: Նա առաջին լուսանկարիչն էր, ում աշխատանքները ցուցադրվեցին Մեքսիկական պլաստիկայի սալոնում, և նա դարձավ այս հաստատության անդամ[4]: Լոլա Ալվարես Բրավոյի աշխատանքների արխիվը գտնվում է Թուսոնի Արիզոնայի համալսարանի Ստեղծարար լուսանկարչության կենտրոնում (CCP)[8], որը տնօրինում է նրա աշխատանքների հեղինակային իրավունքը[10]:

Երկեր[խմբագրել | խմբագրել կոդը]

  • Alvarez Bravo, L., & Ferrer, E. (2006). Lola Alvarez Bravo. New York, Aperture. ISBN 1-931788-94-4
  • Alvarez Bravo, Lola. Recuentro fotografico. Collection de Arte—Fotografia, Mexico, 1982. ISBN 9687199059

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 German National Library, Berlin State Library, Bavarian State Library et al. Record #119184540 // Gemeinsame Normdatei — 2012—2016.
  2. 2,0 2,1 2,2 2,3 2,4 Lola Alvarez Bravo — 2008.
  3. 3,0 3,1 Whitelegg Isobel։ «Lola Alvarez Bravo»։ Oxford Art Online։ Վերցված է 11 February 2014 
  4. 4,0 4,1 4,2 4,3 4,4 Mujeres del Salón de la Plástica Mexicana 1։ Mexico City: CONACULTA/INBA։ 2014։ էջեր 22–23։ ISBN 978 607 605 255 6 
  5. «National Museum of Women in the Arts»։ Lola Alvarez Bravo։ Վերցված է 11 February 2014 
  6. 6,0 6,1 6,2 Congdon, Kristin G., Hallmark, Kara Kelley (2002)։ Artists from Latin American Cultures: A Bibliographical Dictionary։ Westport, CT: Greenwood Press։ էջ 1 
  7. Ferrer, Elizabeth (2006)։ Lola Álvarez Bravo։ New York: Aperture Foundation։ էջ 17 
  8. 8,0 8,1 8,2 Kristin G. Congdon, Kara Kelley Hallmark (30 October 2002)։ Artists from Latin American cultures: a biographical dictionary։ Greenwood Publishing Group։ էջ 3։ ISBN 978-0-313-31544-2։ Վերցված է 18 March 2012 
  9. Congdon, Kristin G., Hallmark, Kara Kelley (2002)։ Artists from Latin American Cultures: A Bibliographical Dictionary։ Westport, CT: Greenwood Press։ էջ 3 
  10. http://www.creativephotography.org/documents/CCP_LAB.pdf CCP's "Conditions for Publication of Photographs by Lola Álvarez Bravo" (PDF file)

Արտաքին հղումներ[խմբագրել | խմբագրել կոդը]