Լյուդմիլա Պայդուշակովա
Լյուդմիլա Պայդուշակովա | |
|---|---|
| Ծնվել է | հունիսի 29, 1916 Ռադոշովցե, Skalica District, Տրնավայի երկրամաս, Սլովակիա |
| Մահացել է | հոկտեմբերի 6, 1979 (63 տարեկանում) Վիսոկե Տատրի, Poprad District, Prešov Region |
| Քաղաքացիություն |  Չեխոսլովակիա |
| Մասնագիտություն | աստղագետ |
| Հաստատություն(ներ) | Սլովակիայի գիտությունների ակադեմիայի աստղագիտական ինստիտուտ |
| Ալմա մատեր | Կոմենսկու անվան համալսարանի բնագիտական ֆակուլտետ |
| Պարգևներ | Ֆրանտիշեկ Նուշլայի մրցանակ |
| Ամուսին(ներ) | Անտոնին Մրկոս |
Լյուդմիլա Պայդուշակովա (սլովակ.՝ Ľudmila Pajdušáková), սլովակ աստղագետ։
Լյուդմիլա Պայդուշակովայի գործունեության հիմնական ոլորտը արեգակնային աստղագիտությունն է, մասնավորապես արևային ցիկլի 11-ամյա բնութագրերը, արեգակնային պսակի ասիմետրիայի բնույթը և այլն։ Բացահայտել է նաև 5 գիսաստղեր՝ կարճ Հոնդա - Մրկոս - Պայդուշակովա[1] և երկարաժամկետ C/1946 K1 (Պայդուշակովա - Ռոտբարտ - Վեբեր), C/1948 E1 (Պայդուշակովա - Մրկոս), C/1951 C1 (Պայդուշակովա), C/1953 X1 (Պայդուշակովա)։
- 30. 5. 1946 ... 1946 d ... 1946 II Pajdušáková–Rotbart–Weber
- 13. 3. 1948 ... 1948 d ... 1948 V Pajdušáková–Mrkos
- 6. 12. 1948 ... 1948 n ... 1948 XII P/Honda–Mrkos–Pajdušáková
- 4. 2. 1951 ... 1951 a ... 1951 II Pajdušáková
- 3. 12. 1953 ... 1953 h ... 1954 II Pajdušáková
Աշխատել է Սկալնատե Պլեսոյի աստղադիտարանում (Վիսոկե Տատրի, Սլովակիա), 1958-1979 թվականներին եղել է աստղադիտարանի 3-րդ տնօրենը։ 1962-1974 թվականներին եղել է Սլովակիայի աստղագիտական ընկերության (Slovenská astronomická spoločnosť pri SAV) նախագահը։
Հավանական է, որ Լյուդմիլա Պայդուշակովան ամուսնացած է եղել Անտոնին Մրկոսի հետ։ 1951 թվականին «Գիսաստղերի մասին գրառումներ» հոդվածում [PASP 63 (1951) 209] Լիլանդ Քանինհեմը, քննարկելով C/1951 C1 գիսաստղը, Լյուդմիլային դիմում է «օրիորդ Պայդուշակովա (տիկին Մրկոս)»։ Կան նաև Լյուդմիլա Պայդուշակովա Մրկոսի կողմից հրապարակված այլ գիտական փաստաթղթեր 1952-1958 ժամանակահատվածում։ Սակայն կենսագրական տվյալներում ոչ մի տեղ չի հիշատակվում այս ամուսնության մասին։
Հիշատակ[խմբագրել | խմբագրել կոդը]
«3636 Pajdušáková» աստերոիդը կոչվել է Լյուդմիլա Պայդուշակովայի անունով։
Ծանոթագրություններ[խմբագրել | խմբագրել կոդը]
- ↑ «Zem tesne minula slovenská kométa» (Slovak)։ hnonline.sk.։ 15 August 2011։ Վերցված է 9 December 2011
