Լյուդմիլա Բրաուդե

Լյուդմիլա Բրաուդե
Ծնվել է	դեկտեմբերի 9, 1927; Լենինգրադ, ՌԽՖՍՀ, ԽՍՀՄ
Մահացել է	հոկտեմբերի 26, 2011 (83 տարեկան); Սանկտ Պետերբուրգ, Ռուսաստան
Քաղաքացիություն	ԽՍՀՄ և Ռուսաստան
Մասնագիտություն	թարգմանչուհի
Հաստատություն(ներ)	Սանկտ Պետերբուրգի մշակույթի պետական ինստիտուտ
Գործունեության ոլորտ	գրականագիտություն
Անդամակցություն	ԽՍՀՄ Գրողների միություն
Ալմա մատեր	Սանկտ Պետերբուրգի համալսարանի լեզվաբանական ֆակուլտետ
Գիտական աստիճան	բանասիրական գիտությունների դոկտոր
Տիրապետում է լեզուներին	ռուսերեն
Ամուսին(ներ)	Solomon Katsnelson?

Լյուդմիլա Բրաուդե (ռուս.՝ Людми́ла (Люся) Ю́льевна Бра́уде, դեկտեմբերի 9, 1927(1927-12-09)^[1], Լենինգրադ, ՌԽՖՍՀ, ԽՍՀՄ - հոկտեմբերի 26, 2011(2011-10-26)^[1], Սանկտ Պետերբուրգ, Ռուսաստան), խորհրդային և ռուս սկանդինավիստ, թարգմանիչ և գրականագետ։ Բանասիրական գիտությունների դոկտոր, պրոֆեսոր։

Կենսագրություն[խմբագրել | խմբագրել կոդը]

Լյուդմիլա Բրաուդեն ծնվել է 1927 թվականի դեկտեմբերի 9-ին Լենինգրադում, ՌԽՍՖՀ։ 1950 թվականին ավարտել է Լենինգրադի պետական համալսարանը՝ «Սկանդինավյան բանասիրություն» մասնագիտությամբ։ Տարբեր բուհերում դասավանդել է գերմաներեն։ 1961 թվականին «Հանս Քրիստիան Անդերսենի հեքիաթները և նրա ստեղծագործությունը 1820-1840-ական թվականներին» թեմայով պաշտպանել է թեկնածուական դիսերտացիան։

Բանասիրական գիտությունների դոկտոր (1978, դիսերտացիա «Սկանդինավյան գրական հեքիաթ (Ժանրի զարգացման փուլեր)»։ Հանս Քրիտիան Անդերսենի, Սելմա Լագերլյոֆի, Աստրիդ Լինդգրենի ստեղծագործության և կյանքի, ինչպես նաև սկանդինավյան հեքիաթների մասին աշխատությունների հեղինակ։ 1980 թվականից Սանկտ Պետերբուրգի պետական համալսարանի պրոֆեսոր։ Նաև եղել է Սանկտ Պետերբուրգի մշակույթի պետական համալսարանի պրոֆեսոր, որտեղ տարիների ընթացքում մանկական գրականության ամբիոնում կարդացել է արտասահմանյան մանկական գրականության կուրսեր^[2]։

Հրապարակվել է 1955 թվականից։ Զբաղվել է սկանդինավյան լեզուներից (դանիերեն, նորվեգերեն և շվեդերեն) թարգմանությամբ։ Հիմնականում թարգմանել է մանկական գրականություն, հեքիաթներ, բայց չի սահմանափակվել այդ ժանրով։

Թարգմանել է Աստրիդ Լինդգրենի, Սելմա Լագերլյոֆի, Սիգրիդ Ունսեթի, Տուվե Յանսոնի, Յան Էկհոլմի, Թուրբյորն Էգների, Պեր Լագերքվիստի, Մարիա Գրիպեի, Լինե Կոբերբյոլի, Յոստայն Գորդերի և այլ հեղինակների ստեղծագործությունները։ Լյուդմիլա Բրաուդեի Աստրիդ Լինդգրենի ստեղծագործությունների կատարած թարգմանություններից որոշները քննադատվել են^[3]^[4]։

Լյուդմիլա Բրաուդեն մահացել է 2011 թվականի հոկտեմբերի 26-ին Սանկտ Պետերբուրգում՝ 83 տարեկան հասակում։

Ընտանիք[խմբագրել | խմբագրել կոդը]

Ամուսինը բանասիրական գիտությունների դոկտոր, պրոֆեսոր Սոլոմոն Կանցելսոնն է եղել^[5]։

Մրցանակներ և կոչումներ[խմբագրել | խմբագրել կոդը]

Աստրիդ Լինդգրենի մրցանակ թագմանության համար (1990)^[6]^:520
Հանս Քրիստիան Անդերսենի անվան մրցանակի պատվավոր դիպլոմ թարգմանության համար^[7]
Ֆինլանդիայի կառավարության մրցանակ ֆիններեն գրականության թարգմանության համար (2009) - կիսել է Աննա Սիդորովայի հետ^[8]

Անդամակցությունը ստեղծագործական միություններում և ասոցիացիաներում[խմբագրել | խմբագրել կոդը]

ԽՍՀՄ Գրողների միության անդամ (1976)
Սելմա Լագերլյոֆի հասարակության պատվավոր անդամ (Շվեդիա) (1989)
Սկանդինավյան գրականությունների հետազոտողների միջազգային ասոցիացիայի անդամ (1982)
Դանիերեն գրականության հետազոտողների միջազգային ասոցիացիայի անդամ (1990)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Литераторы Санкт-Петербурга. ХХ век (ռուս.) / под ред. О. В. Богданова
↑ Людмила Брауде
↑ Карахан А. Он залетел, но обещал вернуться // «Коммерсантъ», № 13 (364) от 4.04.2000.
↑ Датнова Е. Карлсон & Карлссон Արխիվացված 2017-12-01 Wayback Machine // Интернет-журнал молодых писателей России «Пролог»
↑ Интервью с Л. Ю. Брауде
↑ P. Hunt (ed.), International companion encyclopedia of children’s literature, 1996
↑ Ивановская областная библиотека для детей и юношества, Мир библиографии: Премии имени Х. К. Андерсена — 45 лет!
↑ Books from Finland: Translation Prize

Գրականություն[խմբագրել | խմբագրել կոդը]

Чупринин С. Новая Россия: мир литературы. — Вагриус (издательство), 2003.

[_918e408055479d38-1] 1,0 ^1,1 ^1,2 ^1,3 ^1,4 Литераторы Санкт-Петербурга. ХХ век (ռուս.) / под ред. О. В. Богданова

[2] Людмила Брауде

[3] Карахан А. Он залетел, но обещал вернуться // «Коммерсантъ», № 13 (364) от 4.04.2000.

[4] Датнова Е. Карлсон & Карлссон Արխիվացված 2017-12-01 Wayback Machine // Интернет-журнал молодых писателей России «Пролог»

[5] Интервью с Л. Ю. Брауде

[6] P. Hunt (ed.), International companion encyclopedia of children’s literature, 1996

[7] Ивановская областная библиотека для детей и юношества, Мир библиографии: Премии имени Х. К. Андерсена — 45 лет!

[8] Books from Finland: Translation Prize

[1]

[2]

[3]

[4]

[5]

[6]

[7]

[8]