Սերել է աղքատ գյուղացու ընտանիքից։ Տայպիններին միացել է 1851 թվականին, ռազմական, արտասովոր տաղանդի շնորհիվ կարճ ժամանակում դարձել խոշոր զորապետ։ Կարևոր հաղթանակներ է տարել կառավարական զորքերի նկատմամբ։ Երկու անգամ (1860, 1862 թվականներին) հարձակվել է Շանհայի վրա, սակայն անգլո-ֆրանսիական զորքերի դիմադրության պատճառով չի կարողացել գրավել։ 1863-1864 թվականներին ղեկավարել է Նանկինի պաշտպանությունը, որի անկումից հետո գերի է ընկել և մահապատժի ենթարկվել։ Մահից առաջ գրել է «Ցուցմունքները», որը տայպինների գյուղացիական պատերազմի պատմության կարևոր աղբյուր է։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 625)։