Այժմ տարբերում են լիտոպսների ավելի քան 30[1] տեսակ։ Այն առաջանում է Նամիբիայի, Հարավաֆրիկյան հանրապետության և Բոտսվանայի ավազային և քարային անապատներից։ Վերգետնյա մասը իրենից ներկայացնում է երկու հաստ տերևներ` առանձնացված ոչ խորը ճեղքով, որից դուրս է գալիս ծաղիկը և նոր տերևներ։ Բարձրությունն ու լայնությունը հասնում է մինչև 5 մետրի:Ծաղիկները սպիտակ կամ դեղին են, երբեմն նարնջագույն` 2,5-3 սմ տրամագծով, երբեմն բուրավետ։ Լիտոպսը ծաղկում է հիմնականում օգոստոսից մինչև նոյեմբեր։
Սեզոնների անվանումը պայմանական բնույթ ունի։ Չորային սեզոնի դեպքում երկար ցերեկային օրվա ժամանակ բույսը գտնվում է հանգստի վիճակում։ Տեղումների շրջանում (աշնանը) տեղի է ունենում ակտիվ աճ։ Մեծ բույսերի մոտ ծաղիկներ են հայտնվում, այնուհետև պտուղ, որը հասունանում է մի քանի ամսվա ընթացքում։ Ձմռանը ծաղիկը գտնվում է հանգստի վիճակում։ Գարնանը նոր տերևները փոխարինում են հնին։ Սկսվում է ակտիվ աճ, հիմնականում մեծանում են տերևները։ Յուրաքանչյուր տարի զույգ տերևներին փոխարինում է նոր զույգ։
