Լիտոխորոն (հուն․՝ Λιτόχωρο), քաղաք և նախկին մունիցիպալիտետ Հունաստանում, Իմաթիայի հարավային մասում։ 2011 թվականի վարչական բարենորոգումից հետո համարվում է մունիցիպալական միավորումը և Դիոն-Օլիմպոս մունիցիպալիտետի կենտրոնը[1]։ Քաղաքը տեղակայված է Օլիմպիոս լեռան ստորոտում, Թերմակիոս ծովածոցի արևմտյան ափին։ Քաղաքը հիանալի վայր է Օլիմպոս լեռը բարձրանալ ցանկացողների համար, քանի որ բոլոր երթուղիները սկսվում են քաղաքի հարավ-արևմտյան մասից։ Լիտոխորոյի ճանապարհը Օլիմպոս լեռան գագաթի մոտ մտնում է E4 եվրոպական քայլուղի։
Քաղաքից ոչ հեռու գտնվում է Սուրբ Օլիմպիական Դիոնիսիայի տաճարը։
1960 թվականից քաղաքը կապված է մնացած Հունական Ազգային 1 ճանապարհին, որն անցնում է քաղաքի արևելքով։ 90-ական թվականների կեսերին ավտոճանապարհը արդիականացվեց և դարձավ 1 ավտոմայրուղու և եվրոպական E75 երթուղու մաս։ Քաղաքը կապվեց Կատերինիի ավտոբուսային կանոնավոր երթուղիներին, իսկ երկաթուղային կայանով ամեն օր ուղևորվում են երեք գնացքներ Սալոնիկ և Աթենք։ Երկաթուղային կայանը տեղակայված է Լիտոխորոյի կենտրոնից 6 կիլոմետր հեռավորության վրա։