Լիտերատուրնայա Արմենիա

Վիքիպեդիայից՝ ազատ հանրագիտարանից
Jump to navigation Jump to search

Լիտերատուրնայա Արմենիա (ամսագիր) («Գրական Հայաստան»), գրական-քննադատական, հրապարակախոսական ռուսերեն ամսագիր (սկզբում՝ երկամսյա)։ Լույս է տեսնում 1958 թվականից, Երևանում։ Հայաստանի գրողների միության օրգան։ Խմբագիրներ՝ Դ.Բորյան, Դ.էմին, Ս.Հարությունյան, Մ.Շաթիրյան, Կ.Սիմոնյան (1975 թվականից)։ Ներկայացնում է դասական և ժամանակակից հայ հեղինակների ստեղծագործությունները, տպագրում գրախոսականներ, հոդվածներ։ «Լիտերատուրնայա Արմենիա» նշանակալից ավանդ ունի սփյուռքի հայ հեղինակների պրոպագանդման ասպարեզում։ Հրապարակախոսական ելույթները նվիրված են հանրապետության հասարակական-քադ., տնտեսական կյանքի իրադարձություններին։ Տպագրում էր ակնարկներ ու դիմանկարներ՝ նվիրված արդյունաբերության և գյուղատնտեսության անվանի մարդկանց, նշանավոր գիտնականներին ու արվեստագետներին։ Անդրադառնում էր ԽՍՀՄ մշակութային կյանքի նվաճումներին, արտատպում նմուշներ հայ գեղանկարիչների գործերից։ Որպես թարգմանիչներ «Լիտերատուրնայա Արմենիա»-ին աշխատակցել են Ն.Տիխոնովը, Վ.Զվյագինցևան, Ե.Եվտուշենկոն, Ռ.Ռոժդեստվենսկին, Մ.Պետրովիխը և ուրիշներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 627 CC-BY-SA-icon-80x15.png