Լին Չեյնի

Վիքիպեդիայից՝ ազատ հանրագիտարանից
Jump to navigation Jump to search
Լին Չեյնի
Lynne Cheney 2007Apr17.jpg
 
Քաղաքացիություն՝ Flag of the United States.svg ԱՄՆ
Կուսակցություն՝ ԱՄՆ Հանրապետական կուսակցություն
Կրթություն՝ Colorado College, Վիսկոնսինի համալսարան Մեդիսոնում, Կոլորադոյի համալսարան և University of Colorado Boulder
Մասնագիտություն՝ վիպասան, գրող, ոչ գեղարվեստական գրող և քաղաքական գործիչ
Ծննդյան օր օգոստոսի 14, 1941(1941-08-14)[1] (77 տարեկան)
Ծննդավայր Casper, Վայոմինգ, ԱՄՆ
Ամուսին Դիկ Չեյնի
Զավակներ Մերի Չեյնի և Elizabeth Cheney

Լին Չեյնի (անգլ.՝ Lynne Ann Cheney, օգոստոսի 14, 1941(1941-08-14)[1], Casper, Վայոմինգ, ԱՄՆ), ԱՄՆ նախկին փոխնախագահ Դիկ Չեյնիի կինը և ԱՄՆ-ի երկրորդ լեդին 2001-2009 թվականներին։

Կենսագրություն[խմբագրել | խմբագրել կոդը]

Լին Վինսենթը ծնվել է Կասպերում, Վայոմինգ։ Նա մորմոնների հետնորդ է, անգլիական, իռլանդական ուելսական արմատներով[2]։ Նրա հայրը՝ Ուեյն Էդվին Վինսենթը, ինժեներ էր, իսկ մայրը՝ Էդնա Լիբերը, շերիֆի օգնականն էր։ Լինը երիցականության հետևորդ էր, իսկ Դիկ Չեյնիի հետ ամուսնանալով, դարձել է մեթոդիստ[3]։

Չեյնին Կոլորադո քոլեջում ստացել է անգլիական գրականության բակալավրի աստիճան, որտեղ եղել «Kappa Alpha Theta» կանանց հասարակության անդամ։

Կարիերա[խմբագրել | խմբագրել կոդը]

1986-1993 թվականներին Չեյնին եղել է Հումանիտար գիտությունների ազգային հիմնադրամի նախագահ։ 1995 թվականին նա հիմնել է Ամերիկյան հոգաբարձուների և շրջանավարտների խորհուրդը՝ բարձրագույն կրթության բարեփոխման կենտրոնը[4]։

Նաև, Չեյնին հանդիսանում է Ամերիկյան ձեռնարկատիրության ինստիտուտի ավագ գիտաշխատող։ 1995-ից մինչև 1998 թվականը Թոնի Շոուի հետ եղել է կիրակնօրյա «Կրոսֆայր» շոուի հաղորդավար[5]։

1994-ից մինչև 2001 թվականը Չեյնին «Lockheed Corporation» ընկերության տնօրենների խորհրդի անդամ է եղել։ Ամուսնու երդմնակալությունից հետո 120 000 դոլար տարեկան աշխատավարձով դուրս է եկել ընկերությունից[6][7]։

Նա բազմիցս դեմ էր արտահայտվել  տարածված երաժշտության մեջ սեռական ուղղվածության համար, աջակցելով նախկինում այս խնդիրը բարձրացրած  ԱՄՆ նախկին փոխնախագահ Ալբերտ Գոռին և նրա տիկնոջը Թիպեր Գոռին։ Չեյնին նաև կոշտ քննադատության է ենթարկել նման բովանդակությամբ վիդեո խաղերի արտադրողներին[8]։

2007 թվականի հոկտեմբերի 10-ին «The Daily Show» շոուին նա հայտարարել է սահմանադրական փոփոխության մասին, որը արգելում է միասեռ ամուսնությունները[4]։

Ընտանիք[խմբագրել | խմբագրել կոդը]

  • Լին Չեյնին 1964 թվականից ամուսնացած է Դիկի հետ։
  • Նրանք ունեն երկու աղջիկ՝
    • Էլիզաբեթ, ծնվել է 1966 թվականի հուլիսի 28-ին, ավարտել է Չիկագոյի համալսարանը։ Ամուսնացած է ԱՄՆ-ի ներքին անվտանգության դեպարտամենտի նախկին տնօրեն Ֆիլիպ Փերիի հետ։
    • Մերի Չեյնի՝ ծնվել է 1969 թվականի մարտի 14-ին։ Լեսբուհի է, ապրում է Հիթեր Ռոե Ռոնի հետ[9]։

Ծանոթագրություններ[խմբագրել | խմբագրել կոդը]