Լին Մ․ Թրեյսի
| Լին Մ Թրեյսի Lynne M. Tracy | |||
| |||
| |||
|---|---|---|---|
| 2019 | |||
| Նախորդող | Ռիչարդ Մ. Միլս կրտսեր | ||
| Կրթություն՝ | Ջորջիայի համալսարան, Ակրոնի համալսարան | ||
| Գիտական աստիճան՝ | Իրավունքի դոկտոր | ||
| Մասնագիտություն՝ | ՀՀ-ում ԱՄՆ դեսպան | ||
| Ազգություն | ամերիկացի | ||
| Ծննդյան օր | 1964 | ||
| Ծննդավայր | Բարբերթոն, Սամիթ շրջան, Օհայո, ԱՄՆ | ||
| Քաղաքացիություն |  ԱՄՆ
| ||
| Հայր | Ալբերտ Թրեյսի[1] | ||
| Մայր | Քերոլ Սյու Թրեյսի[1] | ||
| Պարգևներ |
Award for Heroism (2009) | ||
.svg)
Լին Մ. Թրեյսի (անգլ.՝ Lynne M. Tracy, 1964, Բարբերթոն, Սամիթ շրջան, Օհայո, ԱՄՆ), ամերիկացի կարիերային դիվանագետ, Ռուսաստանի և ԽՍՀՄ նախկին երկրների հարցերով փորձագետ։ Հայաստանում ԱՄՆ նախկին դեսպանն (2019-2022)[2][3]։ 2023 թվականի հունվարից Ռուսաստանում ԱՄՆ դեսպան։
Կրթություն
[խմբագրել | խմբագրել կոդը]Լին Թրեյսին 1986 թվականին ավարտել է Ջորջիայի համալսարանը, ԽՍՀՄ ուսումնասիրության գծով ստացել է բակալավրի աստիճան։ Նա իրավունք է ուսումնասիրել Օհայոյում։ 1994 թվականին ավարտել է Ակրոնի համալսարանը և ստացել իրավունքի դոկտորի աստիճան։ Տիրապետում է ռուսերենին[3]։
Կարիերա
[խմբագրել | խմբագրել կոդը]2006 թվականի սեպտեմբերից մինչև 2009 թվականի օգոստոս ամիս Լին Թրեյսին աշխատել է Պակիստանի Փեշավար քաղաքի ԱՄՆ հյուպատոսությունում։ 2008 թվականի օգոստոսի 28-ին նրա ավտոմեքենայի վրա հարձակվել է զինված հրոսակախումբ՝ կրակել են անիվներին, փայտերով հարվածել ավտոմեքենային։ Թրեյսին թիկնապահի և վարորդի օգնությամբ փախել է և վերադարձել իր աշխատանքին, որի համար 2009 թվականին արժանացել է պետքարտուղարի կողմից «Հերոսության պարգև»-ի (անգլ.՝ Secretary’s Award for Heroism)[3]:
Լին Թրեյսին 2011-2012 թվականներին աշխատել է որպես Ազգային անվտանգության խորհրդի քարտուղար, Կենտրոնական Ասիայի գծով տնօրեն։ 2012-2014 թվականներին ԱՄՆ պետքարտուղարի` Կենտրոնական Ասիայի հարցերով տեղակալի առաջին օգնական[3]։ 2014-2017 թվականներին աշխատել է ԱՄՆ-ի փոխդեսպան Մոսկվայում[4], Աշխաբադում և Աստանայում[3]։
Մինչև 2018 թվականի ավարտը ԱՄՆ պետքարտուղարությունում եղել է Ռուսաստանի հարցերով ավագ խորհրդական[5]։ 2017 թվականին ստացել է «Պատվո մրցանակ» (անգլ.՝ Distinguished Honor Award) Ռուսաստանում դիվանագիտական աշխատանքի համար[3]։
Ծանոթագրություններ
[խմբագրել | խմբագրել կոդը]- ↑ 1,0 1,1 «Statement of Lynne Tracy Ambassadorial Nominee to Armenia». am.usembassy.gov. Վերցված է 2019 թ․ հունվարի 4-ին.
- ↑ «Ambassador Lynne Tracy». am.usembassy.gov. Վերցված է 2019 թ․ հունվարի 3-ին.
- ↑ 3,0 3,1 3,2 3,3 3,4 3,5 «Barberton native nominated as U.S. ambassador to Armenia». ohio.com. Վերցված է 2019 թ․ հունվարի 3-ին.
- ↑ «Lynne M. Tracy». state.gov. Վերցված է 2019 թ․ հունվարի 3-ին.
- ↑ «Հայտնի է Հայաստանում ԱՄՆ նոր դեսպանի անունը». aysor.am. Վերցված է 2019 թ․ հունվարի 3-ին.