Լիլիթ Աղագյուլյանը ծնվել է 1963 թվականի մարտի 11-ին Երևանում, ֆիզիկոս Համլետ Աղագյուլյանի և բանաստեղծուհի Մետաքսեի ընտանիքում։ Ավարտել է Երևանի Խաչատուր Աբովյանի անվան հայկական պետական մանկավարժական ինստիտուտի բանասիրական ֆակուլտետը[1]։ 1987—1992 թվականներին աշխատել է «Արևիկ» հրատարակչությունում որպես խմբագիր, 1992 թվականից՝ ՀԳՄ-ում որպես գրական բաժանմունքների համակարգող, ՀԳՄ նախագահի մշակույթի և գրահրատարակչական աշխատանքների գծով օգնական, աշխատել է «Նիգ-Ապարան» հասարակական կազմակերպությունում։ Լիլիթի բանաստեղծությունները տպագրվել են Հայաստանի և արտերկրի մամուլում։ Գրել է նաև մանուկների համար[2][3]։
Հրատարակվել են Լիլիթի «Սիրո մանանա» (1992), «Հոգի և մարմին» (1999), «Աստծո պատվիրանը» (մանկական, 2002), «Հոգու ներկայացում» (2004], «Հայոց տառերի հեքիաթը» (2012) գրքերը։ Ռուսերենից թարգմանել է Հելենա Կրիժանովա-Բրինձովայի «Դուշան» մանկական վիպակը (1989)։