Լիլիան, Հալլանդի դքսուհի
| Լիլիան, Հալլանդի դքսուհի | |
| |
| Մասնագիտություն՝ | մոդել |
|---|---|
| Ծննդյան օր | օգոստոսի 30, 1915[1][2] |
| Ծննդավայր | Սուոնսի, Ուելս, Մեծ Բրիտանիայի և Իռլանդիայի միացյալ թագավորություն |
| Վախճանի օր | մարտի 10, 2013[3][1][2] (97 տարեկան) |
| Վախճանի վայր | Յուրգորդեն, Östermalm city district, Ստոկհոլմ, Ստոկհոլմի լեն, Շվեդիա |
| Թաղված | Kungliga begravningsplatsen |
| Դինաստիա | Բերնադոտներ |
| Քաղաքացիություն |  Շվեդիա և .svg){kind=small} Միացյալ Թագավորություն
|
| Ի ծնե անուն | անգլ.՝ Lillian May Davies |
| Հայր | William John Davies?[1] |
| Մայր | Gladys Mary Curran?[1] |
| Ամուսին | Ivan Craig? և Prince Bertil, Duke of Halland? |
| Պարգևներ | |
Արքայադուստր Լիլիան, Հալլանդի դքսուհի ( օգոստոսի 30, 1915 - մարտի 10, 2013 ) - Շվեդիայի թագավորական տան անդամ, Հալլանդի դուքս (1912-1997) արքայազն Բերտիլի կինը, թագավոր Կարլ XVI Գուստավի մորաքույրը, նախկին անգլիացի մոդել։
Կյանքը[խմբագրել | խմբագրել կոդը]
Լիլիանը ծնվել է Ուելսի երկրորդ ամենամեծ քաղաք Սուոնսիում և Ուիլյամ Դևիսի և Գլեդիս Մերի Կուրենի դուստրն էր։ Երիտասարդության տարիներին սկսել է աշխատել որպես մոդել և հայտնվել է Vogue ամսագրի շապիկին։ Նրա ծնողները բաժանվել են, երբ նա 5 տարեկան էր։ Ամուսնալուծությունը պաշտոնապես գրանցվել է 1939 թ․:
1940 - 1945 թթ․ նա ամուսնացած էր բրիտանացի դերասան Իվան Քրեյգի հետ: Երկրորդ համաշխարհային պատերազմի ժամանակ նա աշխատել է գործարանում ՝ ռադիո պատրաստելով թագավորական նավատորմի համար, ինչպես նաև բուժքույր՝ վիրավոր զինվորների հիվանդանոցում:[փա՞ստ]:
1943 թ․ նա առաջին անգամ Լոնդոնումհանդիպեց Շվեդիայի արքայազն Բերտիլին՝ Գուստավ VI թագավոր Ադոլֆի և Կոնգոյի Մարգարետի որդուն։ Նրանք կարճ ժամանակ անց սիրահարվեցին` չնայած Լիլիանն ամուսնացած էր Իվանի հետ։ 1945 թ․ ամուսինները բաժանվեց։ Այն բանից հետո, երբ Բերտիլի ավագ եղբայրը՝ արքայազն Գուստավ Ադոլֆը մահացավ 1947 թ․ ՝ թողնելով մեկ տարեկան որդուն, նա հնարավորություն ունեցավ դառնալ շվեդական թագավորության ռեգենտ։ Այդ պատճառով նա որոշեց չամուսնանալ Լիլիանի հետ, քանի որ դա իրենից կխլեր գահը։ Մի քանի տարի նրանք միասին էին ապրում՝ թաքցնելով իրենց հարաբերությունները։ Ապրում էին Ֆրանսիայի հարավում գտնվող Սենտ-Մաքսիմում: Արքայազնի հայրը՝ Գուստավ VI թագավորը, երկար կյանք ունեցավ, և այս ընթացքում Բերտիլի եղբորորդին հասունացավ։
Գուստավ VI թագավորի մահից հետո (1973 թ․) Լիլիանն ու Բերտիլն ամուսնացան։ Հարսանիքը տեղի է ունեցել 1976 թ․դեկտեմբերի 7 -ին։ Այնուամենայնիվ, Բերտիլը շարունակում էր հանդես գալ որպես թագավորի տեղակալ՝ վերջինիս բացակայության ժամանակ։ Նրա կինը դարձավ արքայադուստր Լիլիանը՝ Հալլենդի դքսուհին։ Զույգը սկսեց ապրել սեփական Սուլբակեն վիլլայում։
Բերտիլը մահացել է 1997 թ․ օգոստոսի 30 -ին։ Նա մահացել է կնոջ 82-ամյակին։ 1997-2010 թթ. Արքայադուստր Լիլիանը շարունակել է ներկայացնել Շվեդիան պաշտոնական միջոցառումներին և տոնակատարություններին։ 2000 թ․ նա տպագրեց ինքնակենսագրական գիրք թագավորական արքունիքում կյանքի, ինչպես նաև Բերտիլի հետ ընտանեկան կյանքի մասին։ 2008 թ․ օգոստոսին արքայադուստրը ընկավ իր տանը և կողը կոտրեց։ Նմանատիպ միջադեպ կրկնվեց 2009 թ․ փետրվարին։ Հունիսի 3-ին, 2010 թ.,հայտարարվեց, որ Արքայադուստր Լիլիան հիվանդ է Ալցհեյմերի հիվանդությամբ և այլևս չէր կարող կատարել հանրային պարտականությունները։
Արքայադուստր Լիլիանը մահացել է 2013 թվականի մարտի 10 -ին Ստոկհոլմում։ Մահվան պահին նա Շվեդիայի թագավորական ընտանիքի և Եվրոպայի արքայական ընտանիքի ամենատարեց անդամն էր։
Ի պատիվ արքայադուստր Լիլիանի՝ որպես երկրորդ անուն տրվեց արքայադուստր Մադլենի դստերը, ով ծնվել է 2014 թ․ փետրվարի 20 -ին։ Նրա ամբողջական անունն է Լեոնոր Լիլիան Մարիա[5]։
Նշումներ[խմբագրել | խմբագրել կոդը]
- ↑ 1,0 1,1 1,2 1,3 Lundy D. R. The Peerage
- ↑ 2,0 2,1 Encyclopædia Britannica
- ↑ Prinsessan Lilian har avlidit|aftonbladet.se
- ↑ http://www.ordens.presidencia.pt/?idc=154
- ↑ «Новорожденной шведской принцессе дали имя Леонор и титул герцогини». Вести.ру. 2014 թ․ փետրվարի 27. Արխիվացված օրիգինալից 2014 թ․ փետրվարի 28-ին. Վերցված է 2014 թ․ փետրվարի 28-ին.