Լիդիա Գասպարյան
Լիդիա Գասպարյան | |
---|---|
Ծնվել է | 1923 |
Ծննդավայր | Զապորոժիեի մարզ, Ուկրաինական ԽՍՀ, ԽՍՀՄ |
Քաղաքացիություն | ԽՍՀՄ |
Կրթություն | Սամարղանդի պետական բժշկական ինստիտուտ |
Մասնագիտություն | մանկավարժ և բժիշկ |
Աշխատավայր | Ալեքսանդր Պուշկինի անվան թիվ 8 դպրոց |
Լիդիա Վասիլևնա Գասպարյան (1923, Զապորոժիեի մարզ, Ուկրաինական ԽՍՀ, ԽՍՀՄ), հայ մանկավարժ, բժիշկ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։
Կենսագրություն[խմբագրել | խմբագրել կոդը]
Լիդիա Գասպարյանը ծնվել է 1923 թվականին, Զապորոժիեի մարզի Նե-Ֆերոգոլսկի շրջանի Դեմյանովկա գյուղում։ Սովորել է Սամարղանդի բժշկական ինստիտուտում։ 1942 թվականի օգոստոսի 12-ին Սամարղանդի բժշկական ինստիտուտի կոմերիտական ժողովի ժամանակ ստացվել են ռազմաճակատ մեկնելու կոմերիտական ուղեգրեր[1]։
Հայրենիքի նկատմամբ սրբազան պարտքը կատարելու համար Լիդիան հոսպիտալի հետ մեկնել է ռազմաճակատ։ Լինում էր, որ 2-3 օր ու գիշեր շարունակ չէին հեռանում հոսպիտալից, մինչև ավարտվեր վիրավոր մարտիկների ընդունումը և առաջին անհրաժեշտ բուժօգնություն ցույց տալը։ Լիդիան աշխատել է վիրահատող խմբում։ Չորս ամիս ծառայելուց հետո նա պարգևատրվել է «Բժշկական ծառայության գերազանցիկ» կրծքանշանով և այլ մարտական մեդալներով։ Զորամասի կազմում Լիդիան եղել է Լեհաստանում ու Չեխոսլովակիայում։ Ուկրաինայում ծառայելիս ծանոթացել է հոսպիտալի վիրաբույժներից մեկի՝ Երևանի բժշկական ինստիտուտի շրջանավարտ Դավիթ Գասպարյանի հետ, և նրանք ամուսնացել են[1]։
Պատերազմի ավարտից հետո Լիդիան ամուսնու հետ փոխադրվել են Ուրալ։ Լիդիան աշխատել է դպրոցում։ Որոշ ժամանակ անց տեղափոխվել են Երևան, որտեղ Պուշկինի անվան միջնակարգ դպրոցում դասավանդել է տնարարություն[1]։
Պարգևներ[խմբագրել | խմբագրել կոդը]
- «Բժշկական ծառայության գերազանցիկ» կրծքանշան