Jump to content

Լիբերիայի դրոշ

Վիքիպեդիայից՝ ազատ հանրագիտարանից
Լիբերիայի դրոշ
Տեսակազգային դրոշ
Իրավասության տարածքԼիբերիա
Նշան🇱🇷
Հարաբերություն19:10
Ընդունված էօգոստոսի 24, 1847
Գույներկարմիր, սպիտակ և կապույտ
Պատկերված էդաշտ, ազատ հատված և հնգաթև աստղ
Լիբերիայի բազմաթիվ դրոշներ
Կապիտոլիումի շենքում գունավոր մարմարից վերստեղծված դրոշը

Լիբերիայի դրոշ, որը հայտնի է նաև որպես «Միայնակ աստղ»[1][2]։ Այն շատ նման է ԱՄՆ-ի դրոշին և խորհրդանշում է, որ Լիբերիան հիմնադրել են Միացյալ Նահանգներից և Կարիբյան ավազանից եկած ազատ սևամորթներն ու նախկին ստրուկները[3]։ Երկուսն էլ պատկանում են «աստղեր և գծեր» դրոշների ընտանիքին։

Լիբերիայի դրոշն ունի նմանատիպ կարմիր և սպիտակ գծեր, ինչպես նաև վերին ձախ անկյունում՝ կապույտ քառակուսի, որի մեջ կա սպիտակ աստղ։ Այն ընդունվել է 1847 թվականի օգոստոսի 24-ին[4][5]։

Պատմություն

[խմբագրել | խմբագրել կոդը]

1827 թվականի ապրիլի 9-ին ընդունվել է բանաձև, որով հաստատվել է Լիբերիայի առաջին դրոշը (գաղութ լինելու ժամանակաշրջանում)։ Այն նման է եղել ԱՄՆ-ի դրոշին, սակայն վերին ձախ անկյունի աստղերի փոխարեն պատկերված է եղել սպիտակ խաչ[6]։ Լիբերիայի անկախության նախապատրաստման ընթացքում դրոշը փոփոխվել է և ձեռքով կարվել յոթ կանանցից կազմված հանձնաժողովի կողմից[1]։ 1847 թվականի հուլիսի 10-ին նահանգապետ Ջոզեֆ Ջենքինս Ռոբերթսը նամակով խնդրել է Սյուզաննա Էլիզաբեթ Լյուիսին գլխավորել այդ հանձնաժողովը[7]։ Հանձնաժողովի մյուս անդամներն են եղել Մաթիլդա Նյուպորտը, Ռեյչել Ջոնսոնը, Մերի Հանթերը, Սառա ՄաքԳիլ Ռասվուրմը (Ջ. Բ. Ռասվուրմի կինը), Քոլոնեթ Թիգ Էլիսը և Սառա Դրեյփերը։ Նրանք բոլորը ծնվել են ԱՄՆ-ում, և նրանցից շատերը Լիբերիայի հայտնի գործիչների կանայք են եղել[1][8]։ Սյուզաննա Էլիզաբեթ Լյուիսը նախկին փոխգաղութային գործակալ Քոլսթոն Ուորինգի դուստրն է, Լիբերիայի առաջին առաջին տիկին Ջեյն Ռոբերթսի քույրը և Ջոն Ն. Լյուիսի կինը, որը Լիբերիայի Անկախության հռչակագրի ստորագրողներից մեկը[9][10][11]։

Նրանց նախագծած դրոշն ընդունվեց 1847 թվականի օգոստոսի 24-ին՝ Լիբերիայի՝ 1847 թվականի հուլիսի 26-ին անկախություն հռչակելուց մոտ մեկ ամիս անց[1]։ Դրոշի ընդունման օրը Մոնրովիայում կազմակերպվել է տոնական արարողություն։ Այդ օրը դրոշն առաջին անգամ պաշտոնապես ներկայացվեկ է հանրությանը, իսկ Սյուզաննա Լյուիսը հանդես է եկել հայրենասիրական ելույթով։ Արարողության ընթացքում ելույթ են ունեցել նաև Լիբերիայի հայտնի քաղաքական և կրոնական գործիչներ, իսկ միջոցառումն ուղեկցվել է նվագախմբի երաժշտությամբ[12]։

1850-1860-ական թվականներին «Eusibia N. Roye» նավը դարձել է առաջին լիբերիական նավը, որը Լիբերիայի դրոշ է բարձրացրել Նյու Յորքի և Լիվերպուլի նավահանգիստներում։ Նավի սեփականատերը Էդվարդ Ջեյմս Ռոյն է եղել[13]։ 1860 թվականին Լիբերիայի դրոշը պատկերվել է Լիբերիայի կառավարության կողմից թողարկված առաջին հայտնի փոստային նամականիշի վրա[14]։ 1915 թվականի հոկտեմբերի 24-ին նախագահ Դանիել Էդվարդ Հովարդը ստորագրել է օրենք, որով օգոստոսի 24-ը հռչակվեց Դրոշի օր՝ ազգային տոն[1]։

1974 թվականի հուլիսի 22-ին Լիբերիայի օրենսդիր մարմինը ընդունել է օրենք, որով նախագահին լիազորել է ստեղծել հանձնաժողով՝ ազգային խորհրդանիշների, այդ թվում՝ դրոշի և պետական օրհներգի հնարավոր փոփոխությունները ուսումնասիրելու համար։ Հանձնաժողովը գլխավորել է ՄակՔինլի Ալֆրեդ Դեշիլդ ավագը։ Նրա նպատակն էր վերանայել ազգային խորհրդանիշները և վերացնել դրանցում առկա պառակտող տարրերը։ Նախագահ Ուիլյամ Թոլբերտը հանձնաժողովում նշանակեց 51 անդամ։ Հանձնաժողովը, որը հայտնի էր նաև որպես Դեշիլդի հանձնաժողով, իր զեկույցը ներկայացրեց 1978 թվականի հունվարի 24-ին և, ի վերջո, խորհուրդ տվեց դրոշում որևէ փոփոխություն չկատարել[15]։

2022 թվականին թողարկված Լիբերիայի 500 դոլարանոց նոր թղթադրամի վրա պատկերվել է Լիբերիայի դրոշը նախագծած յոթ կանանցից կազմված հանձնաժողովի նկարազարդումը[16]։

Դրոշը կարելի է տեսնել աշխարհի բազմաթիվ նավերի վրա, քանի որ Լիբերիան թույլ է տալիս նավերի գրանցում իր դրոշի տակ։ Նավային ընկերությունները դա անում են հարկերից և այլ երկրների սահմանափակումներից խուսափելու համար։ Որպես «հարմար դրոշներից» երկրորդ ամենատարածվածը (Պանամայի դրոշից հետո), գնահատվում է, որ մոտ 1700 օտարերկրյա նավ օգտագործում են Լիբերիայի դրոշը[17]։ Սա ապահովում է երկրի եկամտի մեծ մասը[18]։

Սիմվոլիզմ

[խմբագրել | խմբագրել կոդը]

Լիբերիայի դրոշի 11 գծերը խորհրդանշում են Անկախության հռչակագրի ստորագրողներին, իսկ կարմիր և սպիտակ գույները՝ քաջությունը և բարոյական կատարելությունը։ Սպիտակ աստղը ներկայացնում է Աֆրիկայի առաջին անկախ հանրապետությունը, իսկ կապույտ քառակուսին՝ Աֆրիկյան մայրցամաքը։

Լիբերիայի դրոշը ստեղծվել է ԱՄՆ-ի դրոշի նմանությամբ, քանի որ երկիրը հիմնադրվել է ԱՄՆ-ից և Կարիբյան տարածաշրջանից եկած ազատ սևամորթների և նախկին ստրուկների կողմից՝ ԱՄՆ կառավարության և Ամերիկյան գաղութացման ընկերության (ACS) աջակցությամբ։

1822 թվականից սկսած Լիբերիա տեղափոխված աֆրոամերիկացիները հետագայում կոչվել են «ամերիկո-լիբերիացիներ», որպեսզի նրանց տարբերակեն տեղական ժողովուրդներից և ԱՄՆ նավատորմի կողմից ազատագրված աֆրիկյան ստրուկներից[18]։

Կառուցվածք

[խմբագրել | խմբագրել կոդը]

1961 թվականի ապրիլի օրենքով Լիբերիայի դրոշը նկարագրվում է հետևյալ կերպ․

Հանրապետության ազգային դրոշը բաղկացած է 11 հորիզոնական կարմիր և սպիտակ գծերից։ Գծերը հերթագայվում են, և առաջինն ու վերջինը կարմիր են։ Վերին ձախ անկյունում կա կապույտ քառակուսի, որը ձգվում է մինչև երրորդ կարմիր գծի ներքևի հատվածը, իսկ կապույտ դաշտի հենց կենտրոնում տեղադրված է մեծ հինգթևանի սպիտակ աստղ[19]։

Օրենքում միայն նշվում է, որ աստղը «մեծ» է, բայց դրա ճշգրիտ չի ներկայացնում ճշգրիտ չափը։

Այլ դրոշներ

[խմբագրել | խմբագրել կոդը]

Երկրների դրոշներ

[խմբագրել | խմբագրել կոդը]

Լիբերիան բաժանված է 15 կոմսություններից, որոնցից յուրաքանչյուրն իրավունք ունի ունենալ իր սեփական դրոշը։ Յուրաքանչյուր երկրի դրոշի վերին ձախ անկյունում տեղադրված է Լիբերիայի ազգային դրոշը։ Կոմսությունների դրոշները բարձրացվում են տարածաշրջանային վարչություններում և միասին շրջապատում են Լիբերիայի ազգային դրոշը՝ Գործադիր պալատում։

Այն ժամանակ գոյություն ունեցող 9 երկրների դրոշները ներկայացվել են 1965 թվականի նոյեմբերի 29-ին՝ նախագահ Ուիլյամ Թուբմանի օրոք, նպատակ ունենալով ամրապնդել երկրները որպես կարևոր վարչական միավորներ[20]։ Նրանց դիզայնը ներշնչված էր Լիբերիայի կարկատանագործության ավանդույթից։

Դրոշները (հատկապես Ռիվեր Ջի կոմսության դրոշը) հաճախ առցանց վեքսիլոլոգիայի համայնքների անդամների ծաղրի առարկա են դարձել սոցիալական ցանցերում (ինչպիսիք են Reddit-ը և Facebook-ը)։ Սակայն վեքսիլոլոգ Սթիվեն Ա. Նոուլթոնը պնդում է, որ այդ քննարկումները ցույց են տալիս դրոշների քաղաքական և մշակութային համատեքստի, ինչպես նաև տեքստիլից պատրաստված իրական դրոշների նյութական բնույթի թերի ընկալում՝ ի տարբերություն թվային ձևավորման[21]։

Ռազմական

[խմբագրել | խմբագրել կոդը]
Դրոշ Օգտագործում Նկարագրություն
Լիբերիայի զինված ուժերի դրոշը Կարմիր, կապույտ և բաց կապույտ գույներից կազմված հորիզոնական եռագծային դրոշ։
Լիբերիայի մաքսային ծառայության դրոշը
Լիբերիայի ազգային առափնյա պահակախմբի նավային ջեքը Կապույտ դաշտի վրա սպիտակ աստղ։
Լիբերիայի օդուժի դրոշը

Պատմական

[խմբագրել | խմբագրել կոդը]
Դրոշ Տևողություն Օգտագործում Նկարագրություն
1837–1845 Դրոշ Միացյալ Նահանգների Օգտագործվել է Լիբերիայի Համագործակցության առաջին կառավարության մեջ մինչև 1845 թվականի ապրիլի 26-ը (շաբաթ օր)։
1827–1847 Լիբերիայի գաղութ
1854–1857 Մերիլենդ Հանրապետություն

Տարբեր

[խմբագրել | խմբագրել կոդը]

Տես նաև

[խմբագրել | խմբագրել կոդը]
  • Լիբերիայի զինանշան
  • Փառք քեզ, Լիբերիա, փառք

Ծանոթագրություններ

[խմբագրել | խմբագրել կոդը]
  1. 1 2 3 4 5 «Liberia: Flag Day Reflections – All Hail the Lone Star, All Hail!». AllAfrica. 2019 թ․ օգոստոսի 27. Վերցված է 2021 թ․ հուլիսի 8-ին.
  2. ↑ Rozario, Paul (2003). Liberia (English). Gareth Stevens. էջ 5. ISBN 9780836823660.{{cite book}}: CS1 սպաս․ չճանաչված լեզու (link)
  3. ↑ «Background on conflict in Liberia». Արխիվացված է օրիգինալից 2007 թ․ նոյեմբերի 5-ին. «Paul Cuffee advocated settling formerly enslaved African Americans in Africa. He gained support from free black leaders in the U.S., and members of Congress for an early emigration plan. From 1815 to 1816, he financed and captained a successful voyage to British-ruled Sierra Leone, where he helped a small group of African-American immigrants establish themselves. Cuffee believed that African-Americans could more easily "rise to be a people" in Africa than in the U.S., where slavery and legislated limits on black freedom were still in place. Although Cuffee died in 1817, his early efforts to help repatriate African-Americans encouraged some free blacks and the American Colonization Society (ACS) to lead further settlements. Some free blacks in the Upper South created independent institutions dedicated to the idea of repatriation to Africa. The ACS was made up mostly of Friends (often called Quakers) and slaveholders, who disagreed on the issue of slavery but found common ground in support of repatriation. Friends opposed slavery but believed blacks would face better chances for freedom in Africa than in the U.S.. The White Americans slaveholders opposed freedom for blacks but saw repatriation as a way of avoiding rebellions»
  4. ↑ Liberia: Open Door to Travel and Investment. Liberia. Department of Information and Cultural Affairs. 1967. էջ 19. «This symbol of Negro liberty was first unfurled on August 24, 1847»
  5. ↑ «Liberia Flag and Description». 2021 թ․ փետրվարի 24.
  6. ↑ Smith, Whitney. «flag of Liberia». Encyclopedia Britannica. Վերցված է 2023 թ․ հունիսի 10-ին.
  7. ↑ de Graaf, G. «Flags Over Liberia» (PDF). International Congress of Vexillology. էջեր 123–124. Վերցված է 2023 թ․ հունիսի 10-ին.
  8. ↑ Burrowes, Carl Patrick (2004). Power and Press Freedom in Liberia, 1830–1970 (English). Africa World Press. էջ 97. ISBN 9781592212941.{{cite book}}: CS1 սպաս․ չճանաչված լեզու (link)
  9. ↑ Gates, Henry Louis and Evelyn Brooks Higginbotham (2008). The African American National Biography: Moore, Lenny-Romain (English). Oxford University Press. էջեր 620–621. ISBN 978-0-19-516019-2.{{cite book}}: CS1 սպաս․ չճանաչված լեզու (link)
  10. ↑ American Colonization Society (1873). The African repository and colonial journal 49 (English). էջեր 336–337.{{cite book}}: CS1 սպաս․ չճանաչված լեզու (link)
  11. ↑ Richardson, Nathaniel R. (1959). Liberia's Past and Present (English). Diplomatic Press and Publishing Company. էջ 73. ISBN 9780608329321.{{cite book}}: CS1 սպաս․ չճանաչված լեզու (link)
  12. ↑ Burrowes, Power and Press Freedom in Liberia, 1830–1970, pp. 59–60.
  13. ↑ Dunn, Elwood D.; Beyan, Amos J.; Burrowes, Carl Patrick (2000). Historical Dictionary of Liberia (English). Scarecrow Press. էջ 127. ISBN 9781461659310.{{cite book}}: CS1 սպաս․ չճանաչված լեզու (link)
  14. ↑ Dunn; Beyan; Burrowes; Historical Dictionary of Liberia, pp. 308.
  15. ↑ Dunn; Beyan; Burrowes; Historical Dictionary of Liberia, pp. 107–109.
  16. ↑ «Liberia Issues New Banknotes: $20, $50, $500, and $1,000». Keesing Technologies. 2022 թ․ հոկտեմբերի 13. Վերցված է 2023 թ․ սեպտեմբերի 28-ին.
  17. ↑ «Liberian shipping draws scrutiny». NBC News. 2003 թ․ օգոստոսի 11. Արխիվացված է օրիգինալից 2020 թ․ հոկտեմբերի 20-ին.
  18. 1 2 «Liberia Flag- Liberian Flags». World Flags 101. Արխիվացված է օրիգինալից 2018 թ․ նոյեմբերի 4-ին.
  19. ↑ Government of Liberia (1961). Acts Passed by the Legislature of the Republic of Liberia. Monrovia: U.S. Government Printing Office. էջ 74. Վերցված է 2026-02-23-ին.
  20. ↑ Dunn, D. Elwood, ed. (2011). The annual messages of the presidents of Liberia 1848–2010: state of the nation addresses to the National Legislature: from Joseph Jenkins Roberts to Ellen Johnson Sirleaf. Berlin; New York: De Gruyter. էջ 1308. ISBN 978-3-598-22600-7.
  21. ↑ Knowlton, Steven A. (2021). «Liberian County Flags in Historical and Cultural Context» (PDF). Raven: A Journal of Vexillology. 28: 57–90.
  22. ↑ «The flag of Liberia».
Ստացված է «https://hy.wikipedia.org/w/index.php?title=Լիբերիայի_դրոշ&oldid=10824937» էջից