Լիբանան (թերթ)

Լիբանան, հասարակական-քաղաքական և գրական շաբաթաթերթ, ապա՝ երկօրյա, եռօրյա թերթ։ Լույս է տեսել 1924-1935 թվականներին։ Պատասխանատու տնօրեններ՝ Մանվել և ժոզեֆ Աճեմյան։ Խմբագիրներ՝ Միհրան Նաճարյան, Միհրան Սեֆերյան, Հարություն Պապյան, Բագրատ Սյունիք, Սամվել Թումաճանյան, Միհրան Աղազարյան։

Սկզբում՝ հայատառ թուրքերեն։ Ունեցել է հնչակյան ուղղություն։ Նյութեր է տպագրել Լիբանանի և Սիրիաի հայերի կյանքի, Հայաստանի առօրյայի վերաբերյալ անդրադարձել հայրենադարձությանը։ Լայն տեղ է հատկացրել պատմությանն ու մանկավարժությանը նվիրված հոդվածներին, գրական ստեղծագործություններին։

«Լիբանան»-ի շարունակությունն է համարվում «Հորիզոն» շաբաթաթերթը (1935-1939, խմբագիրներ՝ Վահան Տոնապետյան և Միհրան Նաճարյան), որը հրատարակել է նաև նյութեր ֆրանսերենով։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 604)։