Լիա Քեբեդե
| Լիա Քեբեդե ամհարերեն՝ ሊያ ከበደ | |
|---|---|
.jpg) | |
| Ծնվել է | մարտի 1, 1978 (45 տարեկան) |
| Ծննդավայր | Ադիս Աբեբա, Եթովպիա |
| Քաղաքացիություն |  Եթովպիա |
| Կրթություն | Ճեմարան Գեբրե-Մարիամ |
| Մասնագիտություն | մոդել, դերասանուհի, դիվանագետ և նորաձևության դիզայներ |
| Ամուսին | Kassy Kebede?[1] |
| Զբաղեցրած պաշտոններ | դեսպան |
| Պարգևներ և մրցանակներ | |
| Կայք | liyakebede.com |
 Liya Kebede Վիքիպահեստում | |
Լիա Քեբեդի (ամհարերեն՝ ሊያ ከበደ, անգլ.՝ Liya Kebede), եթովպիացի սուպերմոդել, դերասանուհի, դիզայներ։
2005 թվականից հանդիսանում է Առողջապահության համաշխարհային կազմակերպության Մոր և մանկան առողջության հարցերով դեսպան։
Կենսագրություն[խմբագրել | խմբագրել կոդը]
Լիա Քեբեդեն ծնվել է Եթովպիայի Ադիս Աբեբա քաղաքում, 1978 թվականի մարտի 1-ին։ Նա ազգությամբ ամհարա է[2] և հանդիսանում է ընտանիքի միակ դուստրն է, ունի չորս եղբայր։
Դպրոցական տարիներից Լիան երազել է մոդելային բիզնեսի մասին։ 15 տարեկանում նրա լուսանկարն առաջին անգամ հայտնվել է ամսագրի շապիկին։ Ուսումն ավարտելուց հետո նա տեղափոխվել է Ֆրանսիա, այնուհետև՝ ԱՄՆ[3]։
1995 թվականից սկսել է նկարահանվել գովազդներում, իսկ մեկ տարի անց՝ նորաձևության ցուցադրություններում։ 2005 թվականի գարնանը և ամռանը նրա լուսանկարը տպագրվել է «Վոգ» կանանց նորաձևության մասին ամերիկյան հրատարակության շապիկին։ Ֆորբս ամերիկյան ֆինանսատնտեսական ամսագիրի տվյալներով 2007 թվականին նրա անունը դասվել է ամենաբարձր վարձատրվող մոդելների ցանկի 11-րդ հորիզոնականում։
Նկարահանվել է «Զենքի բարոն», Կեղծ գայթակղություն, «Անապատի ծաղիկը», «Սև ոսկի», «Ջունգլիների կանչը։ Փնտրում եմ Մարսուպիլամին», «Կապիտալ», «Լավագույն առաջարկ» և այլ հայտնի ֆիլմերում։
Լիան հիմնել է «Լիա Քեբեդե» հիմնադրամը, որի առաքելությունն է նվազեցնել մայրական, նորածինների և երեխաների մահացությունը Եթովպիայում և ամբողջ աշխարհում։ Առողջապահական կենտրոնում, որի հետ աշխատել է իր հիմնադրամը, հիվանդանոցային ծննդաբերությունները 12 ամսվա ընթացքում աճել են ավելի քան 50%-ով[4]։
Անձնական կյանք[խմբագրել | խմբագրել կոդը]
2000-2013 թվականներին Լիան ամուսնացած է եղել Քեսի Քեբեդեի հետ։ Զույգը բաժանվել է 2013 թվականին, իսկ 2015 թվականին ամուսնալուծվել։ Նրանք ունեն երկու երեխա[5]։
Ծանոթագրություններ[խմբագրել | խմբագրել կոդը]
- ↑ https://answersafrica.com/liya-kebede-husband-kassy-daughter.html
- ↑ «Liya Kebede: Model, Mother, Actress, Designer, Activist»։ 30 April 2019
- ↑ «The model of perfection»։ CNN։ June 11, 2007
- ↑ Clinton, Chelsea (30 October 2013)։ «Models and Philanthropists Liya Kebede and Christy Turlington Burns Are Glamour Women of the Year for 2013»։ Վերցված է 24 November 2013
- ↑ Mohr Ian (31 May 2015)։ «Model's Split from husband finally made public»։ Page Six
Արտաքին հղումներ[խմբագրել | խմբագրել կոդը]
| ||||||||||||||||
