Լերդալի թունել

Վիքիպեդիայից՝ ազատ հանրագիտարանից
Թունելի 3 քարանձավներից (խութերից) մեկում կայանած ավտոմեքենա

Լերդալի թունել (նորվ.՝ Lærdalstunnelen), ավտոմոբիլային թունել, որը իրար է միացնում Նորվեգիայի արևմտյան մասում գտնվող Սոգն-օգ-Ֆյուրանե ֆյուլքեյի (մարզիի) Լերդալ և Էուրլան կոմունաները (համայնքները): Թունելը հանդիսանում է E16 ավտոմայրուղու Օսլո-Բերգեն հատվածի կարևորագույն հանգույց:

Պատմություն և տեղնիկական բնութագիր[խմբագրել | խմբագրել կոդը]

Թունելի երկարությունը 24,5 կմ է, որի կառուցումը սկսվել է 1995 թվականին: Շինարարությունը ավարտվել է 2000 թվականին: Այն հանդիսանում է աշխարհի ամենաերկար ավտոմոբիլային թունելը՝ 8 կմ-ով գերազանցելով շվեցարական Գոտարդ թունելին: Լեռը, որի միջով անցնում է թունելը, ունի 1600 մ բարձրություն:

Լերդալի թունելի առանձնահատկություններից է համարվում նաև այն, որ ներսում կառուցվել է 3 հատ հսկայական չափերի խութեր, որոնք տեղակայված են իրարից գրեթե նույն հեռավորության վրա՝ բաժանելով թունելը 4 հավասար երկարության մասերի: Արհեստական խութերը փորվել են այն նպատակով, որ վարորդները կարողանան կանգնեն և հանգստանան՝ թուլացնելով փակ տարածքից առաջացած ճնշումը:

Թունելի 3 քարանձավներից (խութերից) մեկի մուտքի մոտ կայանած ավտոբուս

Արտաքին հղումներ[խմբագրել | խմբագրել կոդը]