Լեսյա Ուկրաինկայի հուշարձան (Մոսկվա)
Անվան այլ կիրառումների համար տե՛ս՝ Լեսյա Ուկրաինկայի հուշարձան (այլ կիրառումներ)
 | |
|---|---|
 Լեսյա Ուկրաինկայի հուշարձանը | |
 | |
 | |
| Տեսակ | հուշարձան |
| Ստեղծում | 2006 |
| Երկիր |  Ռուսաստան |
| Բնակավայր | Մոսկվա |
| Փողոց | Ukrainsky Boulevard? |
| Շինության ձև | Քանդակ |
| Ներկա վիճակ | Կանգուն |
Լեսյա Ուկրաինկայի հուշարձան (ռուս.՝ Памятник Лесе Украинке, ուկրաիներեն՝ Пам'ятник Лесі Українці), հուշարձան Ռուսաստանի Դաշնության մայրաքաղաք Մոսկվայում, որը նվիրված է ուկրաինացի բանաստեղծ, թարգմանիչ և մշակութային գործիչ Լեսյա Ուկրաինկային։
Տեղադրվել է 2006 թվականին Ուկրաինական բուլվարում Քաղաքի օրվան նվիրված հանդիսավոր միջոցառումների ժամանակ[1]։
Նկարագրություն
[խմբագրել | խմբագրել կոդը]Ուկրաինացի բանաստեղծուհու հուշարձանը պատկերում է նրա բարձր բրոնզաձույլ քանդակը։ Լեսյա Ուկրաինկան, որի հագին պարզ զգեստ է, կանգնած է ծառի ստվերում։ Ձախ ձեռքում նա բռնել է բանաստեղծություններով փոքրիկ հատորը, իսկ աջ ձեռքը մեկնել է առաջ և ոգեշնչված կարդում է քնարական բանաստեղծություններ։ Ծառին նստած է մի թռչուն, որն ուշադիր լսում է քաղցրալուր ձայնը։ Հուշարձանը կանգնած է կարմիր գրանիտից պատրաստված ոչ բարձր պատվանդանին, որի վրա ոսկեգույն տառերով գրված է. «Լեսյա Ուկրաինկա»[2]։
Հուշարձանը դարձել է Ուկրաինական բուլվարի զարդը, որը միացնում է Մոսկվայի գեղեցկագույն բարձրահարկ շենքերից մեկի՝ «Ուկրաինա» հյուրանոցի առջևի տարածքը և Կիևսկի կայարանի առջևի հրապարակը։
Ճարտարապետական-քանդակային հորինվածքի հեղինակներն են Ե. Գ. Ռոզանովը, Ա. Ն. Բուրգանովը, Ի. Ա. Բուրգանովը, Ի. Ա. Գոլուբևան։
Ծանոթագրություններ
[խմբագրել | խմբագրել կոդը]- ↑ «Памятник Лесе Украинке в г. Москва (Россия) - исторические памятники архитектуры» (ռուսերեն). www.prostoturist.com.ua. Վերցված է 2017 թ․ հունիսի 30-ին.
- ↑ «Памятник Лесе Украинке». progulyaemsya.ru. Վերցված է 2017 թ․ հունիսի 30-ին.