Լեռնային պար (խմբաքանդակ)
Լեռնային պար | |
---|---|
«Լեռնային պար» | |
Ընդհանուր տեղեկություններ | |
Համայնք | Կենտրոն |
Առաջին հիշատակում | 1973 |
Գտնվում է | Պռոշյան փողոցում` Դվին հյուրանոցի դիմաց |
Քանդակագործ(ներ) | Տիգրան Արզումանյան |
Նյութ | պղինձ |
Շինարարության սկիզբ | 1979 |
Շինարարության ավարտ | 1984 վերականգնվել է՝ 2015 |
Ներկա վիճակ | կանգուն
|
«Լեռնային պար», արձանախումբ Երևանի կենտրոն վարչական շրջանում՝ «Դվին» հյուրանոցի դիմաց։
Պատմություն[խմբագրել | խմբագրել կոդը]
«Լեռնային պար» խմբաքանդակի աշխատանքները սկսվել են 1979 թվականին՝ Գեղարվեստի կոմբինատում։ Հավաքական կերպար ներկայացնող արձանախմբի պատրաստման համար պահանջվել է 4 տարի։ 1973 թվականին «Լեռնային պար» արձանախմբի փոքր տարբերակը քանդակագործ Տիգրան Արզումանյանը ներկայացրել է Հայաստանի նկարիչների միությունում բացված աշնանային ցուցահանդեսին։ Ցուցահանդեսից հետո քննարկումներ են ծավալվել արձանախմբի մեծ տարբերակը ստեղծելու և այն քաղաքի հայտնի վայրերից մեկում տեղադրելու մասին։ «Դվին» հյուրանոցի կառուցումից հետո առաջարկվել է արձանախմբի մեծ տարբերակը տեղադրել այնտեղ։ 1984 թվականին արձանախումբը տեղադրվել է հյուրանոցի տարածքում[1]։ Նախնական գաղափարի համաձայն՝ այն պետք է լիներ բրոնզից, սակայն հետո նախընտրություն տրվել է պղնձին[2]։
Վանդալիզմ[խմբագրել | խմբագրել կոդը]
1990-ական թվականներին «Դվին» հյուրանոցը դադարել է գործել։ Դրա շուրջ ցանկապատ է կառուցվել, և արձանախումբը մոռացության մատնվել։ Այդ ընթացքում հուշարձանի գոտկատեղից ներքև ընկած պղնձաձույլ հատվածը գողացել են[3], ու արձանախումբն ավերվել է[2]։
Վերականգնում[խմբագրել | խմբագրել կոդը]
«Դվին» հյուրանոցի տնօրինության աջակցությամբ քանդակագործ Տիգրան Արզումանյանը 2015 թվականին սկսել է արձանի վերականգնման աշխատանքները։ Քանդակագործը դրվագող վարպետի օգնությամբ նորից քանդակել է գոտկատեղից ներքև ընկած հատվածը, գիպսից կաղապար պատրաստել, բետոնապատել և նորից պղինձ տեղադրել[3]։
Չորս տոննա կշռող պղնձաձույլ արձանախումբը կրկին տեղադրվել է Դվին հյուրանոցի մոտ[2]։
Հեղինակ[խմբագրել | խմբագրել կոդը]
- Քանդակագործ՝ ՀՀ վաստակավոր նկարիչ Տիգրան Արզումանյան
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ ««Դվին» հյուրանոցի մոտակայքում տեղադրված «Լեռնային պար» քանդակը փրկության կարիք ունի». Արխիվացված է օրիգինալից 2019 թ․ մարտի 31-ին. Վերցված է 2019 թ․ մարտի 31-ին.
- ↑ 2,0 2,1 2,2 «Լեռնային պար»-ի երկրորդ ծնունդը
- ↑ 3,0 3,1 ««Լեռնային պար» արձանախումբն ամբողջությամբ վերականգնվել է». Արխիվացված է օրիգինալից 2019 թ․ մարտի 31-ին. Վերցված է 2019 թ․ մարտի 31-ին.