Jump to content

Լեոպոլդ I (Ավստրիայի մարկգրաֆ)

Վիքիպեդիայից՝ ազատ հանրագիտարանից
Լեոպոլդ I
 
Մասնագիտություն՝ Մարկգրաֆ
Ծննդյան օր մոտ 935
Ծննդավայր Վյուրցբուրգ, Գերմանիա
Վախճանի օր հուլիսի 10, 994[1]
Վախճանի վայր Վյուրցբուրգ, Գերմանիա
Թաղված Վյուրցբուրգ
Դինաստիա Բաբենբերգներ
Հայր Arnulf, Duke of Bavaria?
Մայր Judith of Friaul?
Ամուսին Ռիխվերա
Զավակներ Հենրիխ I
Էռնեստ I
Ադալբերտ
Պոպո
Լուիտպոլ
Կունիգունդա
Քրիստինա
Հեմա
Յուդիտա

Լեոպոլդ I (գերմ.՝ Leopold I, Liutpold I, Luitpold I, մոտ 940 թ., Վյուրցբուրգ, Ֆրանկոնիայի դքսություն /Բավարիա/ - հուլիսի 10, 994 թ., Վյուրցբուրգ, Ֆրանկոնիայի դքսություն /Բավարիա/), ավստրիայի առաջին մարկգրաֆը Բաբենբերգների տոհմից[2][3]։

Կենսագրություն

[խմբագրել | խմբագրել կոդը]

Ղեկավարում

[խմբագրել | խմբագրել կոդը]

Լեոպոլդ Բաբենբերգը եղել է Սրբազան Հռոմեական կայսրության կայսր Օտտոն II-ի զինակիցը և հունգարների դեմ մղվող պատերազմի մասնակից։ Կայսր Օտտոն II-ի դեմ ապստամբած բավարական Հենրիխ II դուքսին ճնշելուց հետո՝ 976 թվականին, Բավարիայից վերցրեց երկրի հարավ-արևելյան հատվածները։ Հունգարիայի սահմանին Բավարիայից վերցված տարածքների վրա Լեոպոլդը ստեղծեց Արևելյան Մարկան, որի մայրաքաղաք դարձավ, ամենայն հավանականությամբ, Մելկ քաղաքը, որը գտնվում է ժամանակակից Ավստրիայի արևմուտքում՝ Ստորին Ավստրիայում[4][5][6][7]։

Լեոպոլդի գլխավոր խնդիրն էր հունգարների հարձակումներից պաշտպանել կայսրության սահմանները և Մարկայի տարածքը դեպի արևելյան ուղղությամբ ընդլայնել։ 987 թվականին նա ընդլայնեց մարկոգրֆյան սահմանները մինչև Վիեննական անտառ, իսկ 991 թվականին բավարական դուքս Հենրիխ II-ի աջակցությամբ մինչև Ֆիշի գետ[8]։

Խոշոր բարոնների ընդվզման պատճառով թագավորական Գերմանիայի կենտրոնական իշխանության թուլացման պայմաններում բազմաթիվ պատերազմներով և Հռոմի պապերի դեմ պայքարելու արդյունքում, ինչպես նաև կայսրությունից հեռու լինելու հանգամանքով պայմանավորված՝ Արևելյան Մարկան փաստացի դարձավ անկախ։ Այդպիսով հիմք դրվեց անկախ Ավստրիայի ձևավորմանը։ Լեոպոլդ I-ը դարձավ նոր պետության առաջին դինաստիայի՝ Բաբենբերգների հիմնադիր։

994 թվականին Լեոպոլդ I-ը մեկնեց Վյուրցբուրգ, որպեսզի միջնորդի դեր կատարի իր հորեղբորորդի մարկոգրաֆ Շվայնֆուրտի և Վյուրցբուրգի եպիսկոպոսության առաջնորդ Բերնվարդի հակամարտության լուծման գործում, որը առաջացել էր նրա եղբոր կողմից ասպետներից մեկին բռնելու և կուրացնելու հետևանքով։ Մրցության ժամանակ Լեոպոլդը աչքից վիրավորվեց արձակված նետով, որն ուղղված էր իր եղբոր ուղղությամբ։ Երկու օր անց՝ 994 թվականի հուլիսի 10-ին, ստացված վերքից Լեպոլդը մահացավ[8][9]։

Լեոպոլդ I-ի գերեզմանը գտնվում է Մելկի վանական համալիրում։

1976 թվականին Ավստրիան տոնեց իր պատմության հազարամյակը, որի սկիզբը սովորաբար համարվում է այն օրը, երբ Լեոպոլդ Բաբենբերգը սկսեց իշխել Արևելյան Մարկայում։

Ամուսնություն և երեխաներ

[խմբագրել | խմբագրել կոդը]
Լեոպոլդ I Բաբենբերգի կին Ռիխվերան

Լեոպոլդ Բաբենբերգը ամուսնացել է Ռիխվերայի հետ, ով, ամենայն հավանականությամբ, հանդիսանում է Էռնեստ IV-ի դուստրը[10] և մահացել 994 թվականին։ Ունեցել է 9 երեխա[4]՝

Օգտագործված գրականություն

[խմբագրել | խմբագրել կոդը]
  • Leeper, Alexander W. (1941). History of Medieval Austria. London: Oxford University Press. ISBN 978-0404153472.(անգլ.)
  • Lingelbach, William E. (1913). The History of Nations: Austria-Hungary. New York: P. F. Collier & Son Company. ASIN B000L3E368.(գերմ.)(անգլ.)
  • Pohl, Walter (1995). Die Welt der Babenberger. Graz: Verlag Styria. ISBN 978-3222123344.
  • Wegener, Wilhelm (1965). Genealogischen Tafeln zur mitteleuropäischen Geschichte. Vienna: Verlag Degener.(գերմ.)
  • Rickett, Richard (1985). A Brief Survey of Austrian History. Vienna: Prachner. ISBN 978-3853670019.(անգլ.)
  • Brooke, Z. N. (1938). A History of Europe: From 911 to 1198. London: Methuen & Company Ltd. ISBN 978-1443740708.(անգլ.)
  • Thietmar of Merseburg (2001). Ottonian Germany: The Chronicon of Thietmar of Merseburg. Manchester: Manchester University Press. ISBN 978-0719049262.(անգլ.)

Ծանոթագրություններ

[խմբագրել | խմբագրել կոդը]
  1. ↑ https://austria-forum.org/af/AEIOU/Leopold_I._Liutpold,_Babenberger-Markgraf
  2. ↑ Lechner, Karl (1976). Die Babenberger: Markgrafen und Herzoge von Österreich 976–1246. Vienna: Böhlau. ISBN 978-3205085089.(գերմ.)
  3. ↑ Beller, Steven (2007). A Concise History of Austria. New York: Cambridge University Press. ISBN 978-0521478861.(անգլ.)
  4. 1 2 «Austria». Foundation for Medieval Genealogy. Վերցված է 2012 թ․ դեկտեմբերի 1-ին.
  5. ↑ Wegener 1965, p. 77.
  6. ↑ Pohl 1995, p. 12.
  7. ↑ Leeper 1940, p. 153.
  8. 1 2 Leeper 1940, p. 159.
  9. ↑ Thietmar 2001, pp. 166–167.
  10. ↑ Lechner 1976, p. 45.
Ստացված է «https://hy.wikipedia.org/w/index.php?title=Լեոպոլդ_I_(Ավստրիայի_մարկգրաֆ)&oldid=10528955» էջից