Լեոնորա
| Լեոնորա | |
|---|---|
 | |
| Բնօրինակ անուն | Արևիկ Թանաշեան |
| Ծնվել է | հուլիսի 21, 1985 (39 տարեկան) Լենինական, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Ժանրեր | օպերա |
| Մասնագիտություն | օպերային երգչուհի (սոպրանո) |
| Երգչաձայն | սոպրանո |
| Գործիքներ | վոկալ |
Արևիկ Թանաշեան (օրիորդական ազգանունը՝ Գրիգորյան, բեմական անունը՝ Լեոնորա, հուլիսի 21, 1985, Լենինական, Հայկական ԽՍՀ, ԽՍՀՄ), հայազգի օպերային երգչուհի, քնարական սոպրանո, վեց միջազգային մրցույթների «Գրան պրիի» դափնեկիր[1], 2016 թվականին Հայաստանի լավագույն դասական երգչուհի[2]։
Կենսագրություն
[խմբագրել | խմբագրել կոդը]Արևիկ Գրիգորյանը ծնվել է 1985 թվականին։ Սովորել է Գյումրու Շիրվանզադեի անվան առաջին վարժարանում, միաժամանակ հաճախել է Գյումրու Վարդան Աճեմյանի անվան դրամատիկական թատրոն և մասնակցել Խորեն Աբրահամյանի և Երվանդ Ղազանչյանի գլխավորած ներկայացումներին։ 1998 թվականին ավարտել է Գյումրու Կոմիտասի անվան 2-րդ երաժշտական դպրոցը և ստացել դաշնակահարի և ջութակահարի որակավորում։ Հաճախել է Գյումրու գեղարվեստի կենտրոն՝ սովորել երգ, պար, յուղանկարչություն ու գորգագործություն։
Լեոնորան 2001 թվականին ընդունվել է Երևանի Կոմիտասի անվան պետական կոնսերվատորիայի Գյումրու մասնաճյուղի ձայնամարզության դասարանը, այն ավարտել գերազանցությամբ և ընդունվել Երևանի Կոմիտասի անվան պետական կոնսերվատորիայի ասպիրանտուրան։ Նրա դասախոսը եղել է պրոֆեսոր Սվետլանա Կոլոսարյանը։ 2009 թվականին Լեոնորան գերազանցությամբ ավարտել է ասպիրանտուրան։ Երևանի Կոմիտասի անվան պետական կոնսերվատորիայի Գյումրու մասնաճյուղի տասնամյա տարելիցին նվիրված երաժիշտ-կատարողների հանրապետական առաջին մրցույթ փառատոնին արժանացել է ոսկե մեդալի ու դափնեկրի կոչման։
Անհատական և երգչախմբային համերգներով հանդես է եկել Հայաստանում, Արցախում, Ավստրիայում, Բրազիլիայում, Ուրուգվայում, Լիբանանում, Արգենտինայում, Սիրիայում և մի շարք այլ երկրներում։ 2013 թվականին Լեոնորան «Անուշ» օպերայի 100-ամյակի առթիվ Գյումրիում ելույթ է ունեցել Անուշի դերերգով[3][4]։
2013 թվականին Երևանում, Գյումրիում և Արցախում Լեոնորան հանդես է եկել տարբեր մենահամերգներով՝ նվիրված Մեծ Եղեռնին, Կոմիտասին և ռուս կոմպոզիտոր Սերգեյ Ռախմանինովին։ Լեոնորան որպես մեներգչուհի երգել է Գյումրու Սուրբ Աստվածածին եկեղեցում, եղել է «Գոհար» երգչախմբի անդամ և Խաչատուր Ավետիսյանի անվան երաժշտական դպրոցի երգի ուսուցչուհի։
Արաբական աշխարհում հայտնի դաշնակահար և կոմպոզիտոր Էլիաս Ռահբանի հովանավորությամբ 2014 թվականի փետրվարի 12-ին Լիբանանում լույս է տեսել Լեոնորայի «Պռօսխումէ» խորագրով առաջին հոգևոր ձայնասկավառակը, 2016 թվականին՝ «Հայոց արծիվներ» երկրորդ ձայնասկավառակը[5][6]։ Կանանց և մայրության տոնին նվիրված մենահամերգով 2014 թվականի մարտի 7-ին Լեոնորան ելույթ է ունեցել Լիբանանում։
2013-2014 թվականներին դասավանդել է ձայնամարզություն Լիբանանի Համազգային մշակութային միության «Բարսեղ Կանաչեան» երաժշտական դպրոցում։ Բուենոս Այրեսում 2014 թվականի հոկտեմբերի 19-ին ելույթ է ունեցել մենահամերգով՝ նվիրված կանանց և մայրության տոնին։ Մեծ Եղեռնի 100-ամյակի առթիվ՝ «Հիշում եմ և պահանջում» խորագրով 2015 թվականի դեկտեմբերի 7-ին Իրանի Նոր Ջուղա քաղաքում հանդես է եկել մենահամերգով։ Լեոնորան 2016 թվականի սեպտեմբերի 28-ին մասնակցել է «Իմ Հայաստան» համահայկական փառատոնի շրջանակներում Կոմիտասի անվան կամերային երաժշտության տանը տեղի ունեցած «100+1» խորագրով համերգին և ՀՀ սփյուռքի նախարարության կողմից արժանացել մեդալի ու հավաստագրի[7]։ 2016 թվականի դեկտեմբերի 11-ին մենահամերգով, ազգային և ժողովրդական երգերով ելույթ է ունեցել Լիբանանի Հակոբ Տեր-Մելքոնյան համերգասրահում, որից ստացված հասույթը փոխանցել է սիրիահայերին[8]։
Երգչուհու համերգային գործունեությունը վարում է ամուսինը՝ պրոդյուսեր Վիգէն Թանաշեանը[9]։ Նրանք ունեն երկու որդի։
Մրցանակներ
[խմբագրել | խմբագրել կոդը]- «Գրան Պրի», 2015 թվականի հունիսի 13-18, «Կովկասյան առաջնություն, Երևան։
- «Գրան Պրի», 2015 թվականի սեպտեմբերի 13-18, «Սոֆիա Գրան Պրի-2015», Սոֆիա[10][11]։
- «Գրան Պրի», 2015 թվականի հոկտեմբերի 18-20, «Victoria-2015», Վարշավա[12]։
- «Գրան Պրի», 2016 թվականի հունվարի 15-18, «Winter Tale-2016», Պյատիգորսկ[13]։
- «Առաջին գլխավոր մրցանակ», 2016 մարտի 20-24, «Մոնսերատի ոսկե ձայներ», Լորետ դե Մար (Իսպանիա)։
Ծանոթագրություններ
[խմբագրել | խմբագրել կոդը]- ↑ Չորս ամսում 3 «Գրան Պրի» ստացած երգչուհին հայրենիքում իր տեղը չի գտնում
- ↑ http://shamshyan.com/hy/article/2016/12/30/105412/
- ↑ «Լեոնորա (Արևիկ) Թանաշյան (Լիբանան)». «ԻՄ ՀԱՅԱՍՏԱՆ». Վերցված է 2016 թ․ հոկտեմբերի 16-ին.(չաշխատող հղում)
- ↑ «Singer Leonora to give concert dedicated to Armenian Genocide Centennial in Isfahan». Hayern Aysor. 2015 թ․ դեկտեմբերի 3. Վերցված է 2016 թ․ հոկտեմբերի 16-ին.(չաշխատող հղում)
- ↑ http://operativ.am/?p=201459&l=am
- ↑ http://shamshyan.com/hy/article/2016/11/19/101735/
- ↑ ««100+1» համերգով եզրափակվեց «Իմ Հայաստան» համահայկական փառատոնը». Արխիվացված է օրիգինալից 2016 թ․ հոկտեմբերի 1-ին. Վերցված է 2016 թ․ հոկտեմբերի 18-ին.
- ↑ http://www.kantsasar.com/news/?p=14628(չաշխատող հղում)
- ↑ Հայաստանը «Մոնսերատի ոսկյա ձայնը» միջազգային մրցույթում կներկայացնի գյումրեցի Լեոնորան
- ↑ Լեոնորայի նոր հաղթանակը
- ↑ Գյումրեցի երգչուհին Սոֆիայից վերադարձել է «Գրան Պրի» մրցանակով
- ↑ Լեոնորան Լեհաստանից վերադառնում է նոր հաղթանակով
- ↑ Հայ երգչուհի Լեոնորան միջազգային մրցույթում արժանացել է «Գրան Պրի»-ի