Լենինավան (խուտոր)
Խուտոր | |||
---|---|---|---|
Լենինավան | |||
Ленинаван | |||
Երկիր | Ռուսաստան | ||
Երկրամաս | Ռոստովի մարզ | ||
Շրջան | Մյասնիկովի շրջան | ||
Բնակչություն | 1741 մարդ (2010) | ||
Ժամային գոտի | UTC+3 | ||
Հեռախոսային կոդ | 86349 | ||
Փոստային ինդեքս | 346978 | ||
Փոստային դասիչ | 346818 | ||
Թվային իդենտիֆիկատոր | 60 235 824 002 | ||
|
Լենինավան (ռուս.՝ Ленинаван), հայաբնակ խուտոր Ռուսաստանի Դաշնության Ռոստովի մարզի Մյասնիկովի շրջանում, Դոնի Ռոստով քաղաքից 5 կմ հյուսիս, ձորակում։ Մտնում է Կարմիր Ղրիմի գյուղական համայնքի կազմի մեջ։
Բնակչությունը[խմբագրել | խմբագրել կոդը]
1978 թվականին գյուղն ուներ 1087 բնակիչ (268 ընտանիք), հիմնականում հայեր և 4 ընտանիք ռուսներ։ 2010 թվականի տվյալներով, գյուղում ապրում էր 1741 մարդ։
Պատմությունը[խմբագրել | խմբագրել կոդը]
Գյուղը հիմնադրել են 1925 թվականին Չալթր գյուղից տեղափոխված 15 ընտանիք։ Հայերը գաղթել են 1778 թվականին Ղրիմից, իսկ նրանց նախնիները՝ Անիից, XI - XII դարերում։
Տնտեսությունը[խմբագրել | խմբագրել կոդը]
Բնակիչներն զբաղվում են հողագործությամբ (ցորենի, բանջարեղենի մշակություն), անասնապահությամբ (կովաբուծություն)։ Լենինավանում գործում են միջնակարգ դպրոց, մշակույթի տուն, գրադարան (12803 գիրք), մանկապարտեզ։
Գյուղի մշակույթի տան բակում կանգնեցված է հուշարձան՝ Հայրենական մեծ պատերազմում զոհվածների հիշատակին։ Գյուղում կան փողոցներ Խաչատուր Աբովյանի, Մարտիրոս Սարյանի, Ալեքսանդր Մյասնիկյանի, Ստեփան Շահումյանի և Սեյրան Խաթլամաջյանի անուններով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 556)։ |
|